PLL rihap debatin mbi regjimin monarkist në Shqipëri

[Tomori]

Partija Levizja Legalitetit rihap debatin mbi monarkinë në Shqipëri. Zyra për shtyp praën kësaj partia, në një deklaratë për shtyp ka bërë të ditur se PLL nuk e ka mbyllur kapitullin e një mretërie të mundshme shqiptare.

“Si përfaqësuese e drejtpërdrejtë e mbretërorëve shqiptarë dhe aspiratave kombëtare për bashkim, zhvillim, ligjshmëri, dinjitet, integrim, etj, PLL është në politikën shqiptare për të dëshmuar se Mbretëria Shqiptare nuk është një kapitull i mbyllur. Parimet universale, mbi bazën e të cilave u ngrit dhe funksionoi Mbretëria Shqiptare, mbeten kurdoherë aktuale dhe sot më të dobishme se kurrë. PLL punon pa ndërprerë për materializimin e tyre”, thuhet në deklaratën e PLL-së.

Legalistët ritheksojnë faktin se më 1 shtator 1928, pra 79 vjet më parë, pas votimit të Asamblesë Kushtetuese, e cila mbarte vullnetin përfaqësues të të gjithë shqiptarëve, Shqipëria u shpall Monarki Kushtetuese me Mbretin Zog I në krye të saj.

“Kjo zgjidhje shënoi një hop të rëndësishëm në procesin e konsolidimit dhe zhvillimit të shtetit të ri shqiptar, i cili ishte projektuar me këtë formë organizimi që nga shpallja e Pavarësisë dhe konfirmuar më vonë edhe nga Kongresi i Lushnjës. Fatkeqësisht, vijueshmëria juridike e Mbretërisë Shqiptare u ndërpre në mënyrë të dhunshme nga pushtimi fashist i Shqipërisë, për të vazhduar me shtetin e diktaturës së proletariatit të instaluar nga komunistët”, vijon më tej deklarata