Mozilla përgatit Firefox për celularë, për ueb-shfletim

[iliros]

Mozilla, kompania e cila qëndron pas programit shfletues për ueb, Firefox, është koncentruar me seriozitet në ndërtimin e një ueb shfletuesi edhe për celularë. Gjendja në këtë drejtim nuk është fort e kënaqshme: një Internet Explorer, i cili edhe nuk është shumë më i avancuar se konkurrentët, Opera Mini dhe Opera Mobile.
--------------------------------------------------------------------------------------
Megjithëse numri i të kyçurve në internet përmes telefonave celularë sa vjen e rritet, ende ndjehet një mungesë e një programi më të sofistikuar që do të lejonte shfletim të shpejtë dhe të lehtë në internet.

Tashmë të gjithë sytë janë drejtuar kah Mozilla, programi Firefox i të cilit ka bërë revolucion në shfletuesit e internetit, por që nuk ka ofruar më shumë se sa Minimo, një miniverzion i Firefoxit për celular.

Por, Mike Schroepfer, i cili udhëheq me grupin hulumtues në Mozilla, ka thënë se do të përkushtohet në ndërtimin e një ueb-shfletuesi për telefonat mobilë. Megjithatë, ky projekt është për momentin vetëm në letër, ashtu që nuk do të mund ta shohim së paku edhe disa muaj, deri pas daljes së Firefox 3.


© Portali Telegrafi 2007