drejtuar Opinionit Kosovar

Ethnic Albanian · 06-11-07, 15:07

Shkrim drejtuar opinionit kosovar

Nga Driton Krasniqi
Duke i përcjellë lajmet qendrore të RTK-së, më ra të shoh një tubim të LDK-së në pallatin e rinisë në Prishtinë, i cili kryesohej nga kryetari e saj Fatmir Sejdiu, ku përveç promovimit të kandidatëve, në mesin e tyre ishin edhe Dr. Bujar Bukoshi dhe Dr. Isa Mustafa (gjë që kisha dëgjuar, por që nuk e besoja),ky i pari kandidat për deputet në listën e LDK-së, dhe ky i dyti kandidat i LDK-së për kryetar të komunës së Prishtinës, që të dytë dukeshin në prapavijë bashkë me fotografinë e Ibrahim Rugovës!
Kam lexuar për hipokrizinë politike, por se ajo arrin në këtë nivel tek këta dy të ashtuquajtur intelektual dhe politikanë, nuk e kam besuar kurrë. Mbase këta kandidatë bartin edhe tituj shkencor dhe me vite kanë qenë, i pari kryeministër i Kosovës në ekzil, ndërsa i dyti ministër për financa pranë të njëjtës qeveri. Dihet fakti se si është sjellë B. Bukoshi kundër politikës së Dr. Rugovës, gjithashtu dihen faktet se në cilën situatë mbeti LDK-ja dhe vet Rugova në prag të luftës nga sjelljet e Isa Mustafës me parat e mërgimtarëve që ishin për Fondin e qeverisë së Kosovës, kryetar i së cilës ishte Ibrahim Rugova. Shumë gjëra dihen, por atyre nuk po ju vjen rendi që drejtësia kosovare të thotë të vërtetën për keqpërdoruesit e djersës së mijëra mërgimtarëve kosovarë duke derdhur mjete për Kosovën, të cilat u privatizuan me ndihmën e disa figurave politike që tani janë në krye të LDK-së, siç është Fatmir Sejdiu, Nekibe Kelmendi, etj. Pse aq hapur gënjejnë që janë në rrugën e Dr. Rugovës, kur dihet që Isa Mustafa nuk pranoi të jetë këshilltar i presidentit Rugova, por fill pas vdekjes u radhit me kolegun e tij qe dikur ishin përkrah politikës socialiste të Jugosllavisë, që ndërrimet kushtetuese të krahinës i quanin pasuri kushtetuese!!
Ndonëse edhe me pavarësinë e Kosovës kanë filluar me të njëjtin fjalor, sepse këtë e vëreni qartë poqese e përcillni me vëmendje fjalorin politik të F. Sejdiut dhe nuk do keni vështirësi ta dalloni nga ai i fundit i viteve 80-ta.
Është për keqardhje si ka rrëshqit në lojën e tradhtisë LDK-ja aktuale, duke i eliminuar në kontinuitet figurat kombëtare për t’iu dhënë hapësirë dhe gradualisht në krye të saj të dominojnë politikanë që dje ishin pionjerë të “bashkim-vëllaznimit” jugosllav.
Pa dashtë me shkuar larg në histori, unë si donator shumëvjeçar i Fondit të Republikës së Kosovës, që njihet si 3 %-shi për Kosovën, dëshiroj t’ia sqaroj opinionit kosovar se Isa Mustafa, e ka menaxhuar Fondin e Kosovës si ish ministër i financave i qeverisë së Kosovës në emigracion, dhe atë fond e ka privatizuar në emër të Bujar Bukoshit, dhe për këtë ka kohë që është marrë iniciativa për denoncimin e tyre në gjygjësinë e Kosovës, por meqë ajo nuk po arrin të konsolidohet dhe të pavarësohet, së shpejti me mijëra nënshkrime të paguesve të 3 %-shit dhe ndihmave shtesë për çlirimin e Kosovës, do t’i drejtohemi qeverisë dhe drejtësisë gjermane për verifikimin e mjeteve materiale dhe objekteve shtesë që janë ble në emër të këtij fondi; se ku janë destinuar dhe si janë menaxhuar këto mjete?!
Gjithashtu, Dardania Bank akoma nuk është qartësuar se ku kanë shkuar ato mjete, përveç se në gjepat e Bujar Bukoshit dhe Isa Mustafës bashkë me Fatmir Sejdiun.
Qytetarë të Kosovës, kërkoni s’ qarime se a ka përfunduar trepërqindshin në Gjermani, ku janë fondet sot, a paguajnë akoma qytetarët tanë në atë fond të Kosovës dhe pse nuk janë s’ qaruar dhe ndërpre kontratat e donatorëve në atë fond tani privat?! Kërkoni llogari c’ ka është bërë me shtëpitë që janë ble në emër të fondit të Kosovës, pronar i të cilave ka qenë Bujar Bukoshi dhe Isa Mustafa!?
Apo dëshironi që edhe më tutje të jetoni dhe të lejoni që Kosovën ta qeverisin ata që vjedhin dhe gënjejnë, siç bënë të tjerët me Fondin “Vendlindja Thërret” pa dhënë kurrë llogari dhe sqarim se ku kanë shkuar dhe përfunduar ato mjete!? Që tash gjatë fushatës zgjedhore të na dalin si kërpudhat pas shiut si ish luftëtarë, gjegjësisht si milionerë të mëdhenj sikur të kishin qenë aksionarë të BMW-së, apo të ndonjë koncerni të madh ekonomik në Gjermani, e jo në Kosovën e varfër e dal nga lufta e fundit çlirimtare.
Ulm, 03.11.2007, Driton Krasniqi, së bashku me prindërit kemi paguar 9 vite rresht 3%-shin dhe gjithçka për pavarësinë e Kosovës si dhe aksionin për luftën në Drenicë. Për ish ministrin e financave emri dhe adresa ime duhet të jetë në arkiv nëse nuk e kanë zhdukur?