Flasin Jashtë Bordeleve

sunshine · 03-12-07, 23:11

Numri i viktimave të trafikimit në Kosovë po rritet. Vajzat mashtrohen në mënyra të ndryshme, derisa dërgohen në lokalet ku ushtrohet prostitucioni. Dy prej tyre, të cilat kanë pasur rastin të ikin, flasin për Express.
Në prillin e vitit 2002, derisa V.J. kishte ndalur një taksi që ta dërgonte te motra e saj në njërin nga fshatrat e Gjakoves, ajo është dërguar në një klub nate. Jeta e saj prej a tij momenti, është bërë ferr. Ajo është dërguar në një lokal nate, i cili gjindet në fshatin Xërxë të Komunes së Rahovecit. Prej aty, është dërguar nëpër vende të ndryshme të Kosovës, duke u detyruar me forcë t’u shërbente klientëve të ndryshëm, pa asnjë cent.
Kjo nuk ishte e vetmja viktimë. Ajo kishte edhe një shoqe – F.Sh. që kishte pasur të njëjtin fat, vetëm se atë e kishin mashtruar dy “shoqe”, të cilat i kishin thënë se do të gjejnë punë për të në një butik në Prizren, pasi që ajo, prej se ishte ndarë nga bashkëshorti, shiste gjakun e saj që të mbijetonte.
Ato tani kanë gjetur mbështetje në njërën nga organizatat joqeveritare të Kosovës, por janë mjaft të shqetësuara, sepse nuk kanë mbështetjen e duhur nga policia.
V.J. 27 vjeçe, nga rrethi i Pejës, tregon se ka qenë viktimë e trafikimit për më tepër se pesë vjet. Ajo ka një vajzë tre vjeqare.
“Unë jam viktimë e trafikimit për pesë vjet e tre muaj. E kam një vajzë trevjeçare, për të cilën mundohem në jetë. Kur punoj unë, kujdesen prindërit e mi, të cilët janë të vjetër dhe të sëmurë”, tregon ajo. Rruga e saj ishte ndërruar nga një taxi.
“Unë jam nisë për me shkue te motra në vitin 2002. Një taxi BMW, me ngjyrë të bardhë, më çoi në një lokal nate në fshatin Xërxë, komuna e Rahovecit. Pronari ishte shqiptar, rreth 36 vjeçar. Prej atij lokali, më kanë dërguar edhe në lokale tjera”, tregon ajo me shqetësim. Thotë se maltretimet kanë qenë të papërshkrueshme, dhe se nga shefi i saj ishte plagosur, për shkakun se nuk e kishte dëgjuar.
“Maltretime ka pasur shumë, se në fillim kam qenë virgjine, më ka rrahur dhe plagosë me armë.”
Ajo rrëfen se pasi që kishte kuptuar se ka mbetur shtatzëne, kishte filluar t’i vardisej bosit të saj dhe kishte arritur që të bëhet dashnorja e tij.
“Pasi që kuptova se jam shtatzëne dhe më ish lodhë kryet edhe trupi nga njerëzit, nisa me kalu me pronarin, por edhe ai më shtinte t’iu bëj shoqëri klientëve kur më lypnin, s’kisha çare”.
Për tre minuta e kishin shpëtuar policia e Pejës, pasi që i kishte lajmëruar dhe ata kishin shkuar dhe e kishin larguar nga ai ferr. Ajo tregon se nuk e ka denoncuar bosin e saj, sepse ka frikë dhe nuk dëshiron të ketë probleme.
Shoqja e saj, F.SH. 28 vjeçe tregon se si dy “shoqe” të saj e kishin mashtruar se do t’i gjejnë punë një një butik të Prizrenit, pasi që ajo së bashku me djalin e saj ishin nxjerrur nga shtëpia, kur bashkëshorti i saj kishte kuptuar se ajo kishte mbetur shtatzëne. Atë nuk e kishte pranuar as familja e saj, ndërsa nuk kishte kontaktuar me ta tash e gjashtë vjet.
“Para katër vjete jam trafiku, në atë kohë kur më ka qitë burri prej shpisë, as me familjen s’kam pas kontakt, kam shitë gjak për me i ble djalit ushqim dhe pare të qirasë, e masanej dy shoqe më ofruan punë në një butik të Prizrenit”, tregon ajo. Thotë se ka pasur raste kur me të birin e saj ka fjetur në hyrje të banesave.
Mirëpo, premtimin që ia dhanë shoqet – nuk u realizua. Ato kishin qenë bashkëpunëtore të pronarit të lokalit, ku ajo është detyruar të punojë. Rrëfen se si ka takuar një grua të moshuar në Prizren, e cila më pas ishte kujdesur për djalin e saj, e ajo ishte detyruar të punojë me urdhërat e shefit e me dëshirat e klientëve. E kanë therrë tri herë me thikë dhe gjashtë muaj ka qenë e palëvizshme.
“Tri herë jam e therne me thikë, gjashtë muaj s’kam mujtë me lëvizë, sa që nuk kam mujtë as zanin djalit me ia ni”.
Të dy vajzat e trafikuara tregojnë sesa të vrazhdë janë klientët, pasi që ata dehen e më pasë kërkojnë që të kenë mardhënie seksuale me vajzat e lokaleve. Megjitahtë, F.SH. ka qenë me fat, pasi që njëri nga klientët e saj i kishte ndihmuar të dal nga lokali.
“Një klient, i cili ka jetuar në Gjermani, më ka ndihmuar, pasi që e kam lutë dhe e ka pa gjendjen time shëndetësore dhe plagët, ai i ka dhanë shefit pare aq sa ka lypë, ai ma ka marrë edhe djalin, ai ma ka paguar edhe banesën për dy muaj”.
Të dy vajzat – viktima të trafikimit janë mjaft të revoltuara në policinë, pasi që, sipas tyre, nuk bëjnë aq sa duhet për mbrojtjen e femrave të trafikuara.
“Policia nuk bëjnë aq sa duhet, sidomos ata të Rahovecit. Ka pas raste kur na kanë pa të përgjakura e nuk kanë ndërmarrë asgjë, bile një herë një polic më ka vetë sa e kam natën. Marre me e majtë atë uniformë ai”, thotë V.J.
Zëdhënësi i policisë, Arbër Beka, pranon faktin se numri i viktimave të trafikimit është rritur, mirëpo edhe policia bën krejt çka është e mundur të parandalojë këtë aktivitet ilegal.
“Numri i viktimave të trafikimit është rritur, mirëpo njësiti kundër Trafikimit me Njerëz punon në mënyrë intensive dhe lufton kundër këtij aktiviteti ilegal”, thotë zëdhënësi Beka.
Ai shton se vetëm në gjashtëmujorin e fundit, janë arrestuar 26 persona lidhur me trafikimin me njerëz dhe janë kontrolluar 591 lokale dhe prej tyre 10 janë mbyllur.
Rrjeti i Grupeve të Grave të Kosovës përmes shoqatave “Kalabria” dhe “Dera e Hapur”, në bashkëpunim me IOM, Zyren për Qeverisje të Mirë, Zyren e Keyeministrit dhe Qeverinë Finlandeze, kanë ngritur një fushatë kundër trafikimit me njerëz. Këto organizata ftojnë femrat e trafikuara që të drejtohen tek ato, për të gjetur mbështetjen që u duhet.

Marrë nga gazeta Express

Spektatore · 06-12-07, 13:41

.....Cdo kush paguan cmimin e vet !!!

..... hmm, a thua se cfare rrefehet "Brenda Bordeleve" ?!!!

legenda · 07-12-07, 13:32

.....hmmmm,,,
VIKTIMA a paguan cmim,????

eshte shume e shemtuar,dhe e dhembshme kur keqperdoret
ne menyren me antinjerezore,ne menyren me brutale gjinia e bukur,per perfitime materiale te "gangstereve"....

athuaaa,kush e paguan CMIMIN E VERTETE ne fund,viktima apo autori.

Citim:

Postimi origjinal është bërë nga Spektatore

.....Cdo kush paguan cmimin e vet !!!

..... hmm, a thua se cfare rrefehet "Brenda Bordeleve" ?!!!

sunshine · 07-12-07, 21:00

Citim:

Postimi origjinal është bërë nga legenda

.....hmmmm,,,
VIKTIMA a paguan cmim,????

eshte shume e shemtuar,dhe e dhembshme kur keqperdoret
ne menyren me antinjerezore,ne menyren me brutale gjinia e bukur,per perfitime materiale te "gangstereve"....

athuaaa,kush e paguan CMIMIN E VERTETE ne fund,viktima apo autori.

Fillimisht, e kam sjellur këtë artikull vetëm e vetëm që në hapësirat shqiptare, prostuticioni i detyruar apo vullnetarisht, është një dukuri që viteve të fundit është përhapur shumë! Fatkeqësisht, si në jetën institucionale gjithashtu edhe jetën private, pak kush e çanë kokën për këtë dukuri. Shihet edhe këtu që gati askush nuk ka shkruar, të paktën të jap një koment.
Eh, Legenda, meqenëse e hapa vet këtë temë dhe se sinqerisht ndjejë dhëmbje me ato femra që detyrohen të mirren me prostuticion, nuk ma kap disi logjika që një femër po u detyrojka me vite të tëra të punoj diçka kundër vullnetit të saj?! Një gjë është mëse e sigurtë, që në Kosovë edhe nuk ke kujt të i drejtohesh për gjëra të tilla, por prapë se prapë, athua po i mbajkan në dry këto femra apo pse nuk ikin?!
Thjesht, temë prekse që do duhej më shumë të mirreshin institucionet shtetërore, po ja që institucionet nuk po mundin të zgjedhin probleme që janë kapitale e këto femra nuk i konsiderojnë as si qënje njerëzore!