Kufri – Mosbesimi

[unix]

Përkuzitimi i tij. Fjala El-Kufr, në gjuhën arabe ka kuptimin e mbylljes dhe mbulimit, kurse në terminologjinë islame, kufri është e kundërta e imanit. Kufri është mosbesimi në Allahun, subhanehu we teala, dhe në profetët e Tij, pa marrë parasysh përgënjeshtrimin apo mospërgënjeshtrimin e tyre, por mjafton vetëm ekzistimi i dyshimit, kundërshtimit, zilisë, mendjemadhësisë ose pasimi i dëshirave të cilat pengojnë nga pasimi i shpalljes, edhe pse përgënjeshtrimi është kufri më i madh. I ngjashëm është edhe ai që përgënjeshtron ata nga zilia duke qenë i bindur se ata janë të vërtetë.
Llojet e tij

Kufri ndahet në dy lloje:
Lloji i pare: Kufri i madh: i cili largon nga mileti islam. Ai ndahet në pesë lloje.
1) Kufri i përgënjeshtrimit: Argument për këtë është fjala e Allahut, subhanehu we teala: “Kush është më mizor se sa ai që shpif gënjestër ndaj Allahut ose përgënjeshtroi hakkun (të vërtetën) kur ai i erdhi? A nuk mjafton xhehennemi vendqëndrim për pabesimtarët?” (El-Ankebut, 68)
2) Kufri i refuzimit dhe mendjemadhësisë me vërtetim: Argument për këtë është fjala e Allahut, subhanehu we teala: “Përkujto (Muhammed) kur Ne u thamë melaqeve: Bëni sexhde Ademit. Të gjithë i bën sexhde përveç iblisit (shejtanit), ai refuzoi, bëri mendjemadhësi dhe u bë nga pabesimtarët”. (El-Bekare, 34)
3) Kufri i dyshimit (kufri i supozimit): Argument për këtë është fjala e Allahut, subhanehu we teala: “Dhe ai hyri në kopshtin e vet (e me besimtarin për dore), po duke qenë dëmtues i vetes (duke mos besuar dhe duke u krenuar) tha: “Unë nuk mendoj se zhduket kjo kurrë!” Dhe nuk besoj se do të ndodhë kijameti, (dita e gjykimit), por nëse bëhet që të kthehem te Zoti im, pa dyshim do të gjej ardhmëri edhe më të mirë se kjo”. Atij ai shoku i vet (besimtari) i tha - duke e polemizuar atë - “A e mohove Atë që të krijoi ty nga dheu, pastaj nga një pikë uji, pastaj të bëri njeri të plotë?” (El-Kehf, 35-37)
4) Kufri i refuzimit: Argument për këtë është fjala e Allahut, subhanehu we teala: “Ata të cilët mohuan, refuzojnë qortimet tona”. (El-Ahkaf, 3)
5) Kufri i nifakut (dyftyrësisë): Argument për këtë është fjala e Allahut, subhanehu we teala: “Kjo për arsye se ata besuan, e pastaj mohuan, kështu që Ne ua vulosëm zemrat e tyre dhe ata nuk kuptojnë” (El-Munafikun, 3)
Lloji i dytë: Është kufri i vogël që nuk të largon nga mileti islam. Ai është kufri veprues (praktik), e që janë gjunahet që në Kuran dhe Sunnet janë quajtur kufr, por që nuk kanë arritur në shkallën e kufrit të madh, sikurse është p.sh. kufri i nimeteve (mohimit të begative të Allahut, subhanehu we teala) i përmendur në fjalën e Allahut, subhanehu we teala: “Allahu sjell si shembull një fshat (vendbanim) që ishte i sigurt dhe i qetë, e të cilit i vinte furnizimi nga të gjitha anët me bollëk, kurse ata (banorët) i përbuznin të mirat e Allahut…” (En-Nahl, 112).
Në të njëjtën shkallë është edhe lufta kundër muslimanit e përmendur në fjalën e Muhammedit , salallahu alejhi we selem: “Sharja em uslimanit është fusuk (mosrrespekt) ndaj Zotit, kurse të luftosh kundër tij është kufr”, dhe fjala e tij: “Mos u ktheni pas meje (pas vdekjes sime) pabesimtarë, e ti mëshoni njëri tjetrit (me shpata)”. Gjithashtu, betimi në dike përveç Allahut, subhanehu we teala, është në të njejtën shkallë, sepse Muhammedi, salallahu alejhi we selem, tha: “Ai që betohet në diç tjetër, përveç Allahut, subhanehu we teala, ka bërë kufr ose shirk”. Allahu, subhanehu we teala, e quajti vepruesin e gjunahit të madh besimtarë. Ai tha: “O ju që besuat, u është bërë obligim gjurmimi për denim për mbytje…” (El-Bekare, 178). Vrasësin Allahu, subhanehu we teala, nuk e nxorri nga ata që besuan dhe e bëri vëlla të përgjegjësit për hakmarrje në vrasje, e tha: “Kurse atij që i falet diçka nga vëllau i vet atëherë ajo le të përcillet kuptueshëm…” (El-Bekare, 178)
Këtu, padyshim, është për qëllim vëllazëria e fesë. Allahu, subhanehu we teala, thotë:
“Nëse dy grupe në mesin e besimtarëve luftojnë ndërmjet vete, pajtoni ju ato…” deri tek fjala e Tij: “Vërtetë, besimtarët janë vëllezër, andaj pajtoni vëllezërit tuaj mes veti…” (El-Huxhurat, 9-10)
Paraqitje e përmbledhur e dallimeve mes kufrit të madh dhe kufrit të vogël

1) Kufri i madh largon nga mileti islam dhe i shkatërron veprat e mira, kurse kufri i vogël nuk largon nga mileti islam dhe nuk i shkatërron veprat e mira, por i pakëson ato dhe atë sipas madhësisë së tij dhe vepruesi i tij i nënshtrohet qortimit.
2) Kufri i madh e shpie njeriun në zjarr përgjithmonë, kurse vepruesi i kufrit të vogël nëse hyn në Xhehennem, nuk qëndron aty përgjithmonë. Gjithashtu, Allahu, subhanehu we teala, mund tia falë atij, kështu që nuk hyn fare në Zjarr.
3) Kufri i madh lejon gjakun dhe pasurinë, kurse kufri i vogël nuk i lejon ato.
4) Kufri i madh detyron armiqësinë e sinqertë mes vepruesit të tij dhe besimtarëve. Nuk i lejohet besimtarëve ta duan dhe shoqërojnë ate edhe nëse është njeriu më i afërm i tij. Kurse kufri i vogël nuk e pengon dashurinë, por vepruesin e tij duhet dashur dhe shoqëruar sipas masës së imanit të tij dhe urrehet e armiqësohet sipas masës së mosrespektit tij (ndaj Allahut, subhanehu we teala).

Marre nga: http://www.teuhid.net/akide/kufri-mosbesimi.php