Seferi sonte përballet me Hide ...

[Jana]

Tysoni shqiptar, siç njihet me nofkën boksier, Nuri Seferi, sonte do te ngjitet në ring në Ankara të Turqisë për ta sfiduar kampionin interkontinental në kategorinë WBC, Herbie Hide.
Seferi tanimë është bërë boksieri më i adhuruar shqiptar ne Evropë, i cili posedon licencën e Federatës së Boksit Shqiptar dhe e ngrit flamurin kuq e zi në ring.

Dueli pritet të fillojë në orën 22:00 dhe do të transmetohet live në televizionin gjerman DSF si dhe televizioni turk FOX.

Në peshimet zyrtare në Ankara, Seferi solli 89,2 kg në peshore - që do të thotë se është i përgatitur maksimalisht për këtë duel, ndërsa rivali i tij, Hide gati e kishte tejkaluar limitin e kësaj peshe me 90,7 kg.