Shteti i parë shqiptar nesër antare e Natos

[Fshatari]

Zoti i madh paska shkrue me festue çdo muej nga një ngjarje madhore gjat këtij viti.

Nesër pra vetëm "champagne" do pimë!

"Shqipëria dhe Kroacia, do të nënshkruajnë nesër Protokollin e Anëtarësimit në NAT0
Nesër, më 9 korrik, do të zhvillohet në Bruksel takimi i Këshillit të Atlantikut të Veriut (NAC), gjatë të cilit do të nënshkruhen Protokollet e Anëtarësimit të Shqipërisë dhe Kroacisë në Aleancën e Atlantikut të Veriut. Pala shqiptare do të përfaqësohet në këtë ceremoni nga një delegacion i kryesuar nga Ministri i Jashtëm Lulzim Basha. Ceremonia e nënshkrimit të Protokolleve të Anëtarësimit shënon përfundimin me sukses të negociatave të Anëtarësimit Shqipëri NATO,

BRUKSEL- Shqipëria dhe Kroacia firmosin nesër në Bruksel Protokollin për anëtarësim në NATO. Ky akt hap rrugën për anëtarësim formal të dy vendeve në këtë organizëm që duhet të ndodhë në Samitin e vitit të ardhshëm të aleances. Pas firmosjes së Protokollit për anëtarësim, të 26 vendet anëtare të NATO-s si dhe dy vendet e reja anëtare Shqipëria dhe Kroacia duhet të ratifikojnë këtë marrëveshje në parlamentet përkatëse. Protokolli për anëtarësim pritet të firmoset nesër paradite nga sekretari i përgjithshëm i NATO-s, Jap de Hop Shefer dhe ministrave të jashtëm të Shqipërisë dhe Kroacisë Lulëzim Basha dhe Gordan Jandrokoviç. Pas nënshkrimit të Protokollit, tre nënshkruesit do të zhvillojnë një konferencë për shtyp ku do të komunikohet zyrtarisht hyrja e dy vendeve të Ballkanit perëndimor si anetare të plota të Aleancës së Altantikut Verior.
Maqedonia si një nga vendet e treta të Kartës së Adriatikut nuk do të firmosë Protokollin e anëtarësimit, për shkak të vetos greke që bllokoi anëtarësimin, për ceshtjen e emrit
(a.r-news24/balkanweb) ".

[Dilaver]

"NATO-ja jo vetëm për shqiptarët ishte simbioza e lirisë. Në të vërtetë, kjo organizatë në historinë botërore të shekullit XX do të mbahet në mend si organizata që i dha shtytje e kuptim lirisë e demokracisë, kundruall diktaturave dhe sistemeve totalitare që kërcënonin botën. Në gjashtë dekada të ekzistencës së saj për Europën dhe perëndimin, kjo organizatë ka pas një domethënie të posaçme, të pazëvendësueshme për të ekzistuar liria, për të besuar tek forca e saj e jashtëzakonshme dhe vlerat sublime që kërcënoheshin prej forcave të liga.
Tanimë kur Shqipëria po bëhet pjesë e përbashkët e kësaj organizate, kufijtë e lirisë po shtrihen edhe në vendet e trazuara me shekuj, ku patën vepruar e sunduar me shekuj forcat e errësirës. Së këndejmi për shqiptarët po hapet një epokë e re, ajo e rikthimit në familjen e madhe perëndimore, tanimë institucionalisht, prej së cilës populli shqiptar ka jetuar e shkëputur nëpër shekuj. Me aktin e marrjes së ftesës për t'u bërë anëtare e shteteve dhe kombeve të lira, Shqipëria realizon një aspekt të rëndësishëm të platformës së saj politike. Tanimë objektivat e saj janë afërmendsh të realizuara, që sa më shpejt të jetë edhe pjesë e BE".

Ndue Ukaj