Takimi i udheheqësve Kosovare me presidentin Bush

[uliksi31]

Presidenti Bush: Jam përkrahës i fuqishëm i pavarësisë së Kosovës. Jam kundër ndarjes së Kosovës







Takimi i Presidentit Bush me udheheqesit Kosovar (VIDEO KLIP)



Presidenti amerikan, George Bush rikonfirmoi mbështetjen e tij për pavarësinë e Kosovës dhe tërësinë territoriale të saj pas takimit që ka zhvilluar të hënën me presidentin e Kosovës, Fatmir Sejdiu dhe kryeministrin Hashim Thaçi, në Shtëpinë e Bardhë, në Washington.
Presidenti Bush tha se është një përkrahës i palëkundur i pavarësisë së Kosovës dhe se është kundër ndarjes së saj.
"Premtova se Shtetet e Bashkuara do të vazhdojnë të punojnë me ato shtete që nuk e kanë pranuar pavarësinë e Kosovës, për t'i bindur që këtë ta bëjnë sa më shpejt që të jetë e mundur", tha presidenti Bush dhe shtoi se "unë jam mbështetës i fuqishëm i pavarësisë së Kosovës dhe jam kundër çfarëdo ndarjeje të Kosovës", tha ai.
Bush tha se në takim u diskutua për një sërë çështjesh përfshirë ekonominë, ekonominë, si edhe aspiratat euroatlantike të Kosovës dhe Serbisë.
Udhëheqësit e Kosovës, shprehën mirënjohjen e thellë për Shtetet e Bashkuara dhe u angazhuan për ndërtimin e një shoqërie demokratike, që do të respektojë të drejtat e pakicave dhe dëshirën e krijimit të marrëdhënieve të fqinjësisë së mirë me Serbinë.
Presidenti Fatmir Sejdiu pas këtij takimi ka thënë se "populli i Kosovës po e ndjek rrugën e parimeve të demokracisë dhe të lirisë". "I garantojmë presidentit Bush se do të vazhdojmë në këtë rrugë", tha Sejdiu, për të shtuar se "Kosova do të jetë vend i demokracisë, vend i të gjithë qytetarëve të saj".
"Do të ketë respekt të veçantë për minoritete. Ne jemi shumë të interesuar që të kemi marrëdhënie të mira me Republikën e Serbisë", tha Sejdiu.
Kryeministri i Kosovës, Hashim Thaçi, i falënderoi Shtetet e Bashkuara për mbështetjen e pavarësisë së Kosovës, duke e vlerësuar atë si "rrëfim të përbashkët të suksesshëm".
"Takimi me presidentin Bush jo vetëm që e theksoi faktin se ne jemi ngushtë të lidhur me Shtetet e Bashkuara, por ne përgjithmonë do të jemi mik i tyre i besueshëm", tha Thaçi. /VoA/REL/Telegrafi/
__________________

[Gjumashja]

omg... shikojeni Thaqin si po rrezon edhe Bushit i ka humb drejtimi i shikimit...

[Arb]

Ooo i pafsha lumin BUSHIT! 'sha Zoten bash pika e burrit osht.


S'di a e verejti kush, vec kjo perkthyesja (nga Shqipja ne Anglisht) e lodht ish kon...

[MemphiSx]

Veq zonjat e para t'shtetit mungun ne ket takim :D Ehh Shqiptare bre jon tut qe po ja u nal Bushi tash masi osht nda prej grujes haahahah :D

[fadil]

Ekspertët: Vizita e delegacionit të Kosovës në Uashington, me rëndësi të veçantëIlir Ibrahimi
Zëri i Amerikës, Uashington
21-07-2008

Çfarë rëndësie ka takimi i udhëheqësve të Kosovës këtu në Shtëpinë e Bardhë me presidentin Bush? A është ky më tepër një takim simbolik? A do të ketë ky takim ndonjë ndikim në njohjen e Kosovës nga vende të tjera?
Daniel Server, ekspert i Institutit amerikan të Paqes mendon se kjo vizitë është e një rëndësie të veçantë e cila e konfirmon edhe një herë Kosovën si një vend që pranohet në bashkësinë e shteteve.
"Kjo është një simbolikë e rëndësishme që presidenti i Shteteve të Bashkuara pret udhëheqësit e Kosovës. Kjo nuk simbolizon vetëm pavarësinë e Kosovës por edhe mardhëniet e fuqishme dypalëshe ndërmjet Shteteve të Bashkuara dhe Kosovës, gjë që kosovarët e çmojnë shumë".
Ftesa për vizitën e udhëheqëve të Kosovës u bë publike nga Shtëpia e Bardhë në ditën kur u mbajt Konferenca e donatorëve për Kosovën, ku sipas analistëve shuma e ofruar nga donatorët ishte më e madhe se sa pritej. Shtetet e Bashkuara premtuan një ndihmë prej 400 milion dollarësh, që siç u shpreh sekretarja e shtetit Rice gjatë konferencës për shtyp me udhëheqësit e Kosovës, është edhe një shenjë e përkushtimit amerikan për Kosovën.
Udhëheqësit kosovarë nga ana tjetër e quajtën suksesin në konferencën e donatorëve si një arritje të punës që kanë bërë institucionet kosovare.
Edhe takimi me presidentin Bush, sipas zotit Serwer, është një lloj shpërblimi për punën që kanë bërë udhëheqësit e Kosovës që nga shpallja e Pavarsisë.
"Mendoj se këtu në Washington ekziston opinioni se duhet të njihet puna e mirë që kanë bërë udhëheqësit e Kosovës që nga shpallja e pavarsisë së Kosovës".
Shtetet e Bashkuara po i presin udhëheqësit kosovarë me protokoll shtetëror - një simbolizëm tjetër ky për Kosovën si vend anëtar i familjes së shteteve.
Ish shefi i UNMIK-ut, Soren Jessen Petersen mendon se kjo vizitë është një mesazh i fuqishëm që Shtetet e Bashkuara dëshirojnë të dërgojnë në bashkësinë ndërkombëtare për Kosovën dhe pavarësinë e saj.
"Ky është një konfirmim i qartë i Kosovës si një shtet i pavarur. Mendoj se kjo është një vizitë shumë e rëndësishme dhe padyshim që nuk do të kalojë pa u vënë re edhe në shumë pjesë të tjera të botës. Ky është edhe një hap i Kosovës drejt konsolidimit të pavarsisë së saj".
Vizita e udhëheqësve kosovarë në Shtëpinë e Bardhë dhe takimi i tyre me presidentin Bush, mendohet nga analistët se mund t’i japë një shtytje njohjes së pavarsisë së Kosovës nga vende të tjera. Por zoti Petersen mendon se kjo para së gjithash do të jetë një detyrë e cila do të varet kryesisht nga udhëheqësit e Kosovës dhe puna që do të bëjnë ata.
"Ekziston nevoja që të punohet shumë që Kosova të njihet edhe nga vende të tjera. Është shumë e rëndësishme që deri në shtator të arrihet ajo që unë e quaj masë kritike e njohjes. Nuk kam dyshim se kjo do të arrihet por nuk do të bëhet vetvetiu. Ajo do të bëhet me një punë të madhe dhe strategji të qartë nga udhëheqësit e Kosovës".
Kosovën deri tani e kanë njohur më shumë se 40 vende dhe njohja nga shtetet e reja ka qenë një temë debati në Kosovë dhe jashtë saj. Qeveria e Kosovës ka premtuar se deri në shtator Kosova do të njihet nga më tepër se 100 shtete. Vizita e presidentit Sejdiu dhedhe e kryeministrit Thaçinë Shtëpinë e Bardhë, sipas analistëve, do t'i japë Kosovës edhe një shtytje në arenën ndërkombëtare.
Takimi i udhëheqësve të Kosovës këtu në Shtëpinë e Bardhë me simbolikën e tij para së gjithash është një takim historik i cili sipas analistëve vë edhe një gur në themelet e pavarësisë së Kosovës.(ze)

[fadil]

Shala: Takimi i udhëheqësve të Kosovës me presidentin Bush, me rëndësi historikeBesim Abazi
Zëri i Amerikës
21-07-2008



Takimi i së hënës i udhëheqësve të Kosovës më presidentin e Shteteve të Bashkuara Xhorxh Bush, në Prishtinë shihet si një nga ngjarjet më të rëndësishme dhe më me peshë për të ardhmen e Kosovës. Vizita e presidentit dhe kryeministrit të vendit në Shtetet e Bashkuara, është e para që nga shpallja e pavarësisë së Kosovës më 17 shkurt. Ky hap u mbështet nga Shtetet e Bashkuara dhe vendet kryesore të Bashkimit Evropian, ndërsa u kundërshtua ashpër nga Serbia dhe Rusia.

Analistët thonë se vizita në shtetet e Bashkuara dëshmon për përkushtimin amerikan ndaj të ardhmes së shtetit të ri. Publicisti e analisti i njohur Blerim Shala thotë se pa mëdyshje që takimi i sotëm është me rëndësi historike për Kosovën.

"Nuk ka pasur takim më të preferuar për vetë udhëheqësin tonë, për kosovarët sesa të shkojnë në Uashington dhe të priten nga presidenti Bush, nga zonja Rajs, nga sekretari Gejts, sepse dihet fare mirë se çfarë kanë bërë Shtetet e Bashkuara të Amerikës për Kosovën, veçmas në harkun kohor prej vitit 1992, pra prej kërcënimit të Kërshëndellave e deri sot. Pra është një vizitë falënderimi nga pala kosovare, por është një vizitë ku pak duhet të merremi me të kaluarën e shumë më tepër me të ardhmen", tha zoti Shala.

Ai thotë se vizita e udhëheqësve më të lartë të vendit në Uashington është një rast i veçantë për vendosjen në binarë të duhur të disa proceseve siç është njohja e Kosovës, vendosja e qëndrueshmërisë, çështja e integritetit tokësor, e krijimit të forcës së sigurisë dhe në përgjithësi ndërtimit të shtetit funksional. Sipas tij, Shtetet e Bashkuara kanë investuar për krijimin e një shteti të tillë dhe që Kosova të jetë një rrëfim i suksesshëm. Zoti Shala beson se takimi i sotëm do të ndikojë edhe në shtimin e numrit të vendeve që do të njohin pavarësinë e Kosovës.

"Presidenti Bush takohet rrallë me burra shteti të vendeve të vogla, siç është Kosova. Dhe në këtë mënyrë përçohet një mesazh shumë i qartë se prapa këtij shteti qëndrojnë Shtetet e Bashkuara të Amerikës dhe perëndimi në përgjithësi. Kjo është një punë e madhe. Asesi nuk duhet të mos e vlerësojmë me nota më të larta, megjithëse, duhet të themi hapur që, Shtetet e Bashkuara të Amerikës kanë bërë punë të jashtëzakonshme prej 17 shkurtit. Duhet thënë sinqerisht që shumica e njohjeve që kanë pasuar prej 43 shteteve, janë rezultat i partneritetit midis Uashingtonit dhe Brukselit, i partneritetit midis Shteteve të Bashkuara të Amerikës dhe bashkimit Evropian".
Zoti Shala, është pjesë e një nisme joqeveritare që angazhohet për shtimin e numrit të njohjeve për Kosovën. Ai thotë se njohja e deritashme e pavarësisë nga mëse 40 vende të botës paraqet një fillim të mirë të procesit që më vonë shënoi një ngecje dhe kjo çështje kërkon një analizë reale.
"Kemi një koncentrim të njohjeve. Kur e shihni hartën e botës dhe ta zëmë, i bëni me ngjyrë të kaltër shtete që na kanë njohur, ju do ta shihni që kemi gati krejt Evropën, kemi gati krejt hemisferën perëndimore që na kanë njohur, ndërsa kemi probleme të mëdha me shtetet e kontinenteve si në Azi, në Amerikën Latine, në Afrikë që akoma hezitojnë, akoma nuk e dinë për çfarë bëhet fjalë. Mendoj që në këtë aspekt ne mund të bëjmë, diplomacia jonë megjithëse i ka hedhur tek hapat e parë, kemi shumë pengesa në këtë aspekt, kemi shumë probleme, por mund të bëhej shumëçka për arsye se shumëkush prej këtyre shteteve dëshiron të shohë se çka është Kosova, pse në jemi bërë shtet, pse e kemi merituar që të bëhemi shtet".
Zoti Shala është i bindur se Shtetet e Bashkuara do të vazhdojnë të mbështesin Kosovën edhe në të ardhmen pavarësisht se kush do të fitojë në zgjedhjet e nëntorit. E kaluara është dëshmi e një qëndrimi të tillë të Shteteve të Bashkuara, roli udhëheqës i të cilave në procesin politikë në Kosovë vlerësohet i pazëvendësueshëm.//kk//

[Gjumashja]

Takim i shekullit do te jete... ...

[Arb]

Athu a e ftuan Presidentin Bush per te vizituar Kosoven keta kryetradhetaret?

[Fshatari]

Po e raportoj këtu, pa ndryshime, këtë tekst që postova në një forum tjetër më 20/07/2008:
Historik, takimi u cilësua edhe nga shqiptarët edhe nga administrata amerikane! Heshtja pothuaj totale e këtij takimi historik nga mediat jo-shqiptare, çofshin ato evropjane ose tjera, më bind përfundimidht se është i rëndësisë historike. Asnjë gjestikulim i mjerë i jeremiçit, sollanës, tadiçit,peter fajtit, zannierit(të gjithë paçavura që as dyshemenë nuk do e pastroja me ta...)asnjëri pra, askush, nuk do mund të injorojë faktin e kryer: tani ekziston një shtet i ri; i pavarur e sovran. Ky shtet ka edhe një Kushtetutë. Ka drejtues të guximshëm e demokratë. Ka mbështetje të vazhdueshme nga aleati i tij e vetëm, SHBA-të. Investimet amerikane, po edhe tjerat, do të kontrollohen në mënyrë të prerë nga vetë kontribuesit e jo nga çdo lloj hajduti evropjan se këta të fundit nuk kanë "as fjalë as besë"! Janë të shpërlarë krejt...!
Kosova nuk do të jetë më "monedhë këmbimi" e opingave t'Evropës!
Ajo do të drejtohet, në çdo cep të vendit, nga vetë kosovarët.Unmiku dhe eulexi kanë diskredituar vetëvetën; nuk kanë rrespektuar agjendën; u ka skaduar afati; janë bërë pengesë e progresit; jenë këthyer, fillimisht në kundërshtarë, e tash së voni, në armiq të Kosovës. Loja e tyre e ndyrë, shpresat se Kosova prap mund të jetë "pjesë e serbisë" ashtu siç parasheh kushtetuta serbe e hartuar nga sollana dhe koshtunica, do të marrin fund nesër, me 21 korrik 2008 në Shtëpinë e Bardhë. Të gjitha pallavrat e fjalamanëve të vegjël, të parëndësi që nuk meritojnë as emri t'u citohet, do të heshtën nesër, me 21 korrik 2008 në Shtëpinë e Bardhë.
Ky takim është historik sepse do të bind skeptikët e të gjitha llojeve se askush nuk do mund të zhbëjë atë që tanimë është bërë me vendim dhe vetëdije të plotë nga vetë Shtëpia e Bardhë: krijimi i shtetit të pavarur e sovran të Republikës së Kosovës.
Historik është ky takim, pa dyshim.

PS. Miqësia e përhershme mes shqiptarve dhe amerikanve është garanci më i mirë i stabilitetit evropjan në përgjithësi. Kjo u dëshmua gjat 50 vjetve për sa amerikanët ishin të pranishëm masivisht në disa baza evropjane. Në vitet 1990, disa shtete evropjane ua kethyen shqelmat amerikanve dhe tentuan t'i largojnë për gjithëmonë nga evropa plakë. E dim çfarë ndodhi...!(20/07/2008)

[panta_rhei]

Pash familen qysh tha hashimi... "Per nje Kosove te Pavarur dhe demokratike, te integruar ne BE dhe ne NATO, dhe ne miqesi te perhershme me Shtetet e Bashkuara te Amerikes... Zoti e Bekofte Ameriken"!

Jo qitash po ia pranoj hashimit zotesine... Rugova kurr s`ka dijt me fol qeshtu!

[Fshatari]

Fried: Të merret përsëri kontrolli në veri të Kosovës
22.07.2008
Shtetet e Bashkuara dëshirojnë që bashkësia ndërkombëtare përsëri ta marrë kontrollin ndaj veriut të Kosovës, i banuar me popullatë shumicë serbe, tha zyrtari i lartë i Departamentit amerikan të shtetit, Daiel Fried.
"Veriu i Kosovës është tash hapësirë pa ligj dhe duhet të ketë prani në veri", i tha ai AFP-së në Bruksel, ku po bisedon me zyrtarë të Bashkimit Evropian dhe të NATO-s.
"Ne nuk mund të lejojmë që situata në Kosovë të dalë jashtë kontrollit. Gjërat do të fillojnë të përkeqësohen. Ne nuk mund të presim", tha mëtutje Daniel Fried.
Sipas tij, "rikonfigurimi" i misionit të OKB-së në Kosovë, "duhet të ndodhë", për të krijuar kushte për vendosjen e misionit të Bashkimit Evropian, në të cilin kanë rol edhe Shtetet e Bashkuara.
"Situata duhet të kthehet në normalitet të qëndrueshëm" tha zoti Fried duke theksuar se bashkësia ndërkombëtare duhet të "ndërmarrë hapa të kujdesshëm për zgjidhje" të kësaj çështjeje(Radio Evopa e lirë)

[teutaA]

Postimi origjinal është bërë nga Arb

Ooo i pafsha lumin BUSHIT! 'sha Zoten bash pika e burrit osht.


S'di a e verejti kush, vec kjo perkthyesja (nga Shqipja ne Anglisht) e lodht ish kon...

po bre e kam vrejt i ka hanger do fjal te mira

[Abetare]

O Hashë lumet na si t 'kena , hije të kish vendi ku rrishe ...oooo e kam ditë se nuk ke me na deshpëru ... Edhe unë si Bushi jam krenare me ty që t 'kam vendas ..

[selvija]

Pasha zotin edhe krevatat ngjyr Roze drit ju kan bo..

E lumja une kujt i qes qaj...

[afrim preniqi]

Ketu nuke ka vend per optimizem Bushi eshte mjeshter i dredhive ,por mediat shqiptare spo tregojne te verrteten keta edhe ne shtepine e bardhe jan zotuar se do te zbatojne planin e ahtisarit e jo pamvarsine .Kosova me ket udheheqje e cone Kosoven jo drejte ardhmerise por drejt ndarjes decentralizimi eshte kanceri i Kosovese e keta zoterit nuke po e leshojne nga goja Kosoven multietnike,me 95 % shqiptar e 5 % pakica keta jan strateget e rinje per ndertimin e "vellazrim bashkimit" qe kurre sdo te behet ne kosove Shqiptari dhe shkau smunden me qene vllazen as kane qene e as do te jene ndonjiher harrojeni ket e dhe flamurin multietnik do tja hedhim ne mbeturina se duron toka e kosoves ket flamure pa kurrfar ideje krejt pa lidhje une kurre sd ta marre as ne duar e ase femijet e mi ,dhe gjithmone do te kundershtoi ket flamure dhe ket qeveri anti-shqiptare.
populli i Kosoves duhet te kendellet dhe te ngrihet ne kembe ,se mashtrimet kane filluar me keta maskarenje qe jane duke mohuar q"do gje qe eshte shqiptare.
Kosova akoma vazhdon te mose jete shtet kurse ne gojen e tyre eshte shtet sovrane
Kosova ka mohu flamurin dhe gjakuni e vete ,Kosova ska kushtetut per shqiptar por vetem per pakica ku zote jan ata kurse shumica e shqiptarve jo .
Kosova ska ushtri dhe ase qe do te kete.
Kosova ka ministri te kthimit qe asnji vend i botes ska ksi ministrije.
kjo ministri i kthen serrbet kurse shqiptaret debohen nga veriu i Mitrovices. etj .
Graqnica e re do te ndertohet ,serrbet reaguan menjiher se do jete etnike me sserrb .
Kjo qeveri eshte e deshtuar dhe do te perfundoi ne koshin e plehrave si ajo e esat pashes. kaq.

Rrofte shqiperia e bashkuar!
Kosova eshte dhe do te mbetet vetem krahine e shqiperise!