Dhjetë hotelet më joshëse dhe të çuditshme në botë...

[Jana]

Një prej klasifikimeve më të zakonshme të hoteleve është sipas numrit të yjeve që një i tillë mban. Por investitorë e ideatorë të mprehtë apo "të çmendur" kanë menduar t'i japin përmasa të tjera konceptit të hoteleve. Ta kthejnë atë në një aventurë të paharrueshme, një fragment përralle të jetuar, apo një kthim mbrapa në histori.


I tillë është kompleksi turistik i ndërtuar në xhunglën e Tajlandës, ku turistët mund të kalojnë pushimet në tendat e gjelbëruara të bambuve dhe të ecin në rrugë me litarë mbi sipërfaqen e tokës.

Në Kanada, "Hoteli i Akullt" i ka shfrytëzuar temperaturat e ulëta për t'u ofruar turistëve një kompleks përrallor të gdhendur artistikisht e të derdhur krejtësisht në akull.

Edhe Meksika ofron një hotel krejtësisht të veçantë dhe të përshtatshëm me kulturën e vendit. Një hotel në arenën, ku zhvillohen ndeshjet me dema, padyshim që do ishte një eksperiencë e paharrueshme.

Por ata që kërkojnë qetësi e jo adrenalinë në maksimum, ishulli "Taprobane" në Sri Lanka është vendi ideal. I përshkruar si një parajsë në tokë, ky mini-ishull është ndërtuar në vitin 1920 nga një kont dhe është vizituar nga mbretër, mbretëresha e aristokratë.

Të njëjtën qetësi do të gjente kushdo që do zgjidhte të vizitonte hotelin "Fari" në Uells, në Britaninë e Madhe. Ky far në formë kështjelle i ndërtuar që prej vitit 1892 në tre dhomat që ka është "i bekuar" me pamje nga deti dhe nga qielli.

Lista vazhdon më tej me hotele që ofrojnë të njëjtat eksperienca aspak të zakonshme dhe padyshim secila mbresëlënëse në llojin e saj.

“FOUR SEASONS” TAJLANDË

Jeta e xhunglës s’ka qenë kurrë më luksoze se sa në këtë kompleks turistik me pishina, llixha e elefantë në pyjet e Tajlandës.



“ICE HOTEL”, KEBEK, KANADA

Një eksperiencë të pazakontë ofron “hoteli i akullt” në Kanada i përbërë nga 500 ton akull dhe me 34 dhoma të gdhendura në mënyrë artistike.

[Jana]

“MALMAISON”, OKSFORD, ANGLI

Dikur një burg, ky hotel përzien arkitekturën e dikurshme të qelive me pajisje të teknologjisë së fundit.



“QUINTA REAL ZACATECAS”, MEKSIKE
Në jug të Meksikës, të pasionuarit pas përleshjes me dema mund të kalojnë pushimet në këtë arenë autentike të këtij sporti latin.



“TAPROBANE ISLAND”, SRI LANKA
Ky hotel-ishull i vizituar nga mbretër, mbretëresha e aristokratë është vendi perfekt për të shijuar ndjesinë se po jetoni një përrallë.

[Jana]

“THE LIGHTHOUSE”, UELLS
I vendosur në shkëmbinjtë e Uellsit, ky far-kështjellë, tashmë i kthyer në hotel, daton në vitin 1862.



“UTTER INN”, SUEDI
Hoteli i përbërë nga një dhomë që shtrihet tre metra nën sipërfaqen e lumit Malaren, është vendi ku vallëzojnë sirenat.



“WIGWAM MOTEL”, ARIZONA
Në tendat-hotel në Arizona, të pasionuarit pas aventurës mund të kalojnë një natë larg komoditeteve të jetës, duke fjetur përtokë.



“WILD CANOPY RESERVE”, INDI
Në dhomat e vendosura në majë të pemëve mund t’ua bëni me dorë elefantëve, tigrave dhe leopardëve në pyllin poshtë krevatit tuaj.



“WOODLYN PARK”, ZELANDE E RE
Këtu mund të zgjidhni të flini në kushtet luksoze të bishtit apo kabinës së një aeroplani mallrash të vitit 1950.

[Jana]

“TAPROBANE ISLAND”, SRI LANKA
Ky hotel-ishull i vizituar nga mbretër, mbretëresha e aristokratë është vendi perfekt për të shijuar ndjesinë se po jetoni një përr



Mu em pelqej ky...

Ska dert nuk i dihet jetse oj Arkza...te reja jemi ban vaki qe shkojm...qe jo ska lidhje kryesorja mi pa e mi dit ku jan....

[Honesty^uk.]

Dubai; Inaugurohet hoteli superluksoz “Atlas”

“Atlas” hoteli superluksoz i ndërtuar në ishullin artificial në formën e palmës në Dubai në Emiratet e Bashkuara Arabe hap dyert. Hoteli me 1539 dhoma ofron pamje të mrekullueshme të një parku ujor dhe ka kushtuar mbi 1 miliardë euro. Për klientët suita superluksoze mes të cilave “Bridge suite” 900 metra katrorë. Një natë në “Bridge suite”, nga mund të admirosh parkun e mrekullueshëm ujor me mbi 65 mijë peshq, kushton 18.500 euro në natë. Adminstratorët e hotelit janë optimistë për suksesin e ”Atlas”. Prenotimet kanë filluar që në shtatorin e kaluar dhe për disa muaj tashmë janë zënë rreth 50% e dhomave. Hoteli krijoi jo vetëm admiruesit e tij por edhe kundërshtarët. Ambientalistët thonë se ishulli artificial mbi të cilin është ndëtuar “Atlas” ka dëmtuar seriozisht barrierën korale. Gjithsesi ambientalistët nuk trembin investitorët e mëdhenj. Donald Tramp pranon se do të ndërtojë një hotel të tijin, ndërsa në 2011 është planifikuar ndërtimi i në teatri me 1800 vende