Në Visoko të Bosnjës janë zbuluar

[Psikologu]

Shkruan:Arben Dervina -13.09.2008



Qyteti Visoko me 50.000 banorë gjendet në Bosnjë në rrugën mes Zenicës dhe Sarajevës pranë lumit Bosna. Ky qytet është 30 kilometra larg Sarajevës, apo 200 km nga kufiri verior i Kosovës. Qysh prej vitit 2006 Visoko është bërë qendër e zbulimeve arkeologjike, atje janë zbuluar PIRAMIDAT ILIRE, që sot quhen Piramidat Boshnjake.

Prej 25 - 30 gusht në Sarajevë u mbajt Konferenca Shkencore Ndërkombëtare e Piramidave nën përkujdesjen e shtetasit amerikan Semir Osmanagiç. Në këtë konferencë morën pjesë ekspertë të gjeodezisë, dhe të arkeologjisë nga shumë vende të botës, por, mjerisht, asnjë nga trevat shqiptare. Në këtë konferencë mori pjesë vetëm një gjeodezist shqiptar Enver Buza, por ai ishte përfaqësues nga Sarajeva.

Çka është me rëndësi për ne shqiptarët, nëse zbulimi del se është i vërtetë, atëherë prapa tyre qëndrojnë ilirët - parardhësit e shqiptarëve. Kjo ka domethënie madhore, sepse vërteton lashtësinë dhe virtytet e kulturës së vjetër iliro-shqiptare.

Ekspertët egjiptian të piramidave, të cilët janë të njohur në botë, mbrojnë tezën e ekzistimit të këtyre piramidave dhe deklarojnë se ato janë të punuara nga dora e njeriut dhe jo natyra. Këto piramida kanë mjaft kundershtarë nga evropa perendimore. Kohëve të fundit mediat italiane i kanë dhënë hapësirë këtyre zbulimeve madhështore.

Javën e kaluar erdhi një lajm me rëndësi pro mbështetësve të tezës së piramidave ilire nga instituti gjerman, se analizat e bëra në laborator tregojnë se druri i gjetur në tunel të piramidës është i vjetër rreth 35 mijë vite.

Nëse del që piramidat janë të vërteta, historia e njerëzimit do të ri-shkruhet, ku një rëndësi të veçantë do ta kenë Ilirët – parardhësit e kombit tonë.

(dervina.com)