Hormoni i stresit rrit depresionin tek nënat e reja

[~AnnA~]

Njëqind shtatzëna janë studiuar dhe në 75 për qind të rasteve është vënë re se tek shtatzënat me nivel të lartë të këtij hormoni janë shfaqur shenjat e depresionit

Për të kuptuar nëse një mama e re do të vuajë nga depresioni mjafton të studiojmë nivelin e hormoneve të stresit në javën e 25-të të shtatzënësisë. Sipas një studimi, të kryer nga Universiteti i Ajrvinit në Kaliforni, nëse niveli i hormoneve të kartiokotropinës është i lartë, atëherë ka shumë mundësi që mamaja të kalojë një periudhë të gjatë depresioni pas lindjes së fëmijës.

100 shtatzëna janë studiuar dhe në 75 për qind të rasteve është vënë re se tek shtatzënat me nivel të lartë të këtij hormoni janë shfaqur shenjat e depresionit. Kjo e dhënë ndihmon mjekët dhe sanitarët ta ndjekin me kujdes një rast të tillë dhe ta mbështesin sa më shumë që të jetë e mundur. Zona ku prodhohet kortizoli ose hormoni i stresit quhet PCRH dhe, sipas shkencëtarëve, është pikërisht kjo zonë që kontrollon hormonet e stresit tek nënat. Studimi është botuar në faqet e revistës shkencore "Archives of General Psychiatry".