LDK në balotazh

[Lapsi]

Nga Shkelzen Maliqi
Në momentin që po shkruaj këtë koment, ende nuk kanë përfunduar votimet në 21 komuna, ku po zhvillohet balotazhi për zgjedhjen e kryetarëve të këtyre komunave. Vetëm nesër, e në disa raste edhe pas disa ditësh, do të dihet se cili do të jetë rezultati përfundimtar i zgjedhjeve lokale, me të gjitha nuancat e sukseseve dhe të dështimeve, gjë që pastaj edhe mund të bëhet material për analiza më të hollësishme për raportin aktual të forcave dhe zhvillimet e mundshme të skenës politike në të ardhmen. Por, edhe në këtë çast, jam pothuajse i sigurt se balotazhi nuk do të sjellë ndryshime të mëdha, në krahasim me atë që ka ndodhur më 15 nëntor. PDK është e sigurt se do të mbetet partia më e madhe dhe me numrin më të madh të komunave që drejton, edhe nëse eventualisht nuk do t’ia dalë të përsëritë suksesin e vitit 2007, duke humbur një ose dy komuna. Për LDK-në, po kështu, balotazhi nuk do të prishë shumë përshtypjen e stabilizimit dhe të tendencës së ripërtëritjes, edhe nëse balotazhi nuk do të jetë po aq i suksesshëm sa raundi i parë i 15 nëntorit. AAK-ja, ndërkaq, me gjasë do të vulosë edhe me fuqishëm avancimin që shënoi një muaj më parë, duke rritur numrin e komunave që do të drejtojë në katër vjetët e ardhshme. Ndërkaq, për AKR-në dhe LDD-në, 13 dhjetori me gjasë nuk do të sjellë ndonjë kthesë të madhe, dhe këto dy parti mbetet të reflektojnë profilin dhe strategjinë e tyre deri në zgjedhjet e përgjithshme, se si mund të rifaktorizohen dhe të bëhen më imponuese në nivelin lokal, por edhe në atë qendror.

Pos këtyre katër grupacioneve të mëdha, ekziston edhe një spektër i madh i partive minoritare të cilat individualisht nuk çojnë shumë peshë, por mund të luajnë rol të madh në ndërtimin e koalicioneve qeverisëse, aq më parë që edhe kësaj here është treguar se në Kosovë nuk ka një subjekt politik që do të veçohej dhe bëhej bartës i vetëm i pushtetit.

Pas balotazhit, sigurisht se çështja më intriguese do të jetë raporti mes tri partive më të mëdha, PDK-së, LDK-së dhe AAK-së. Përderisa është e qartë se PDK-ja dhe AAK-ja pas këtyre zgjedhjeve edhe më shumë investuan në thellimin e hendekut mes tyre, dhe të paktën AAK-ja decidivisht deklaroi se në asnjë mënyrë dhe kontekst nuk është e gatshme që të bëjë koalicion me PDK-në (te PDK-ja ndërkaq kishte zëra më të arsyeshëm se nuk përjashtojnë partneritetin në koalicion me asnjë subjekt), enigma kryesore e këtyre zgjedhjeve dhe zhvillimeve të ardhshme mbetet LDK-ja. Duke qenë pjesë e koalicionit aktual në pushtet, LDK gjatë fushatës dhe pas 15 nëntorit ka dërguar vazhdimisht sinjale kontradiktore, herë se është e pakënaqur me bashkëqeverisjen me PDK-në dhe se më shumë i përshtatet të qenit në opozitë, e herë duke pohuar se opozitën e bën vetëm në nivelin lokal dhe se nuk e ka ndërmend që ta prishë koalicionin në nivelin qendror.

Ky dualizëm i LDK-së do të mbetet pashmangshëm edhe pas 13 dhjetorit, cilido që do të jetë rezultati i balotazheve, sepse rritja e LDK-së nuk është e mjaftueshme që të faktorizohet deri në masën që të shkëputet nga tutela e PDK-së, ndërkaq që nuk e ka aq komode as llogarinë e rikthimit të koalicionit me AAK-në, përderisa as AAK-ja nuk e ka votën e mjaftueshme, jo vetëm në Kuvendin aktual të Kosovës, por edhe në bazë të deklarimit të 15 nëntorit, për t’i konkurruar PDK-së. Në të vërtetë, LDK-ja dhe AAK-ja së bashku edhe mund t’i konkurrojnë PDK-së, por në atë rast duhet të llogarisin që edhe PDK-ja do të lidhë koalicionin me AKR-në dhe LDD-në, me ndonjë subjekt tjetër nga partitë e minoriteteve, ku disponimi dhe vota e përgjithshme e 15 nëntorit është ashiqare në favor të këtij koalicioni potencial PDK-AKR-LDD, që aktualisht kontrollon rreth 50 % elektoratit, në krahasim me rreth 42 %, sa i kanë LDK-ja dhe AAK-ja.

Ajo natë e “famshme” e përmbysjes fiktive të koalicionit aktual, e cila u demantua në mëngjes, me gjasë edhe e ka pasur funksionin që LDK-së t’ia bëjë me dije se PDK-ja ka më shumë hapësirë manovruese për koalicione dhe se koketimi i LDK-së me AAK-në mund të ketë pasoja më afatgjate.

Pas balotazhit, tensionet mund të barten tek Qeveria aktuale, qoftë në kuptimin që Kryeministri Hashim Thaçi do të kërkojë nga LDK-ja një rikonstruktim serioz të Qeverisë dhe një lojalitet të shtuar programor të LDK-së në periudhën dyvjeçare deri në zgjedhjet e ardhshme të përgjithshme, qoftë në kuptimin e divorcit të këtyre partive që do ta kërkonte LDK-ja, por edhe PDK-ja. Të dy variantet sfidojnë para së gjithash LDK-në, e cila duhet të kryej reformën dhe konsolidimin e brendshëm në Kuvendin Zgjedhor në pranverë, duke vendosur edhe për raportet me PDK-në. Një Kuvend i mëparshëm i LDK-së që u mbajt pas vdekjes së Ibrahim Rugovës, përgjysmoi fuqinë e kësaj partie. Kjo mund të ndodhë edhe në Kuvendin e ardhshëm, përderisa një pjesë e protagonistëve të çarjes së mëhershme ende janë në pushtet, dhe kundër vetës kanë grupacione të fuqishme që ardhmërinë e LDK-së e shohin ndryshe.

Në pyetjen çka vjen pas balotazhit të 13 dhjetorit, mendoj se përgjigja është: duhet të ndodhë edhe balotazhi në LDK, që të dihet nga do të lëvizë politika kosovare.

[filxhani]

Shkëlzen Maliqi analist i zoti,por jo i paanshëm!Çdo analizë,koment i tij nuk ka mundësi të përfundojë pa thumbuar në drejtim të LDKsë,nëse jo edhe të tjerëve,por as edhe njëherë nuk analizon PDKnë;evetmja e metë e tij,e dukshme në publik (tjetër as nuk më intereson),kur dihet se ska të përsosur absolute,sidomos jo në spektrin politik të Kosovës.Shkëlzen Maliqit nuk i mungon dija,as hapësira për analiza e komente më të gjëra e kuptimplote,por guximi.Pse?E di ai vet!

[GURI SYLAJ]

Nje koment qe ,sikur tha edhe Filxhani ,e din vet pse ka harru shumecka!
Ai 50 % i njeres dhe ai 42%i tjetres ,krejt bashk bejne vetem afer 35%ose 40% te votueseve ne Kosove qe kan drejte vote!
Nuk na e ka thene asnje fjale te kujt jan keta dhe pse jan shumeice!
Nuk na e ka thene as mundesine e nje "Balotazhi"edhe brenda Partive tjera qe ,me sa duket ,eshte i pashmangshem!
Ky koalicion ne nivelin qendror ishte eshte dhe do te mbetet koalicion i interesave te ngushta individuale e asesesi koalicion i inetereseve partiake e edhe me pak shtetrore!
Cilit do qe do te marr guximin te dali jasht rendit i premtohet nje vend ministri dhe te nesermen vjen me "kmishe"tjeter!
Ketu shteti eshte jasht loje ,edhe interesi i partise edhe inetersi i qytetarit.
Ketu pushteti eshte ne loje,inetersi i individit dhe klanit e edhe interesi i forcave tjera qe Kosova te mbetet nene TUTE -ELEN e nje politike te ngatrruar dhe te acaruar ne mes te atyre qe pushtetin e politiken i mbajn bashk e inetereset ndahen ne baze te forces por jo asaj te votes se lire por te votes se improvizuar dhe qe perdoret per te hedhe hi syve!!
Ceshtja shtrohet : Votuesi a do te pranoj te ecen i verber apo do te detyrohet te gjeje rrugen neper te cilen don te ecen dhe per te cilen eshte sakrifikuar deri ne prag te zhdukjes!!
Forca politike qe do te kete guximin te ofrohet me kete 65% apo70% qe nuk votuan do te jete forca politike e cila i duhet Kososves!Sepse kjo eshte pjesa me e vuajtur dhe pjesa qe ka ,me se shumti, cka te thot.
Kjo pjese eshte harruar nga politika plotesisht por jan shume per t'i marre HARRASA!!

[GURI SYLAJ]

Postimi origjinal është bërë nga GURI SYLAJ

Nje koment qe ,sikur tha edhe Filxhani ,e din vet pse ka harru shumecka!
Ai 50 % i njeres dhe ai 42%i tjetres ,krejt bashk bejne vetem afer 35%ose 40% te votueseve ne Kosove qe kan drejte vote!
Nuk na e ka thene asnje fjale te kujt jan keta dhe pse jan shumeice!
Nuk na e ka thene as mundesine e nje "Balotazhi"edhe brenda Partive tjera qe ,me sa duket ,eshte i pashmangshem!
Ky koalicion ne nivelin qendror ishte eshte dhe do te mbetet koalicion i interesave te ngushta individuale e asesesi koalicion i inetereseve partiake e edhe me pak shtetrore!
Cilit do qe do te marr guximin te dali jasht rendit i premtohet nje vend ministri dhe te nesermen vjen me "kmishe"tjeter!
Ketu shteti eshte jasht loje ,edhe interesi i partise edhe inetersi i qytetarit.
Ketu pushteti eshte ne loje,inetersi i individit dhe klanit e edhe interesi i forcave tjera qe Kosova te mbetet nene TUTE -ELEN e nje politike te ngatrruar dhe te acaruar ne mes te atyre qe pushtetin e politiken i mbajn bashk e inetereset ndahen ne baze te forces por jo asaj te votes se lire por te votes se improvizuar dhe qe perdoret per te hedhe hi syve!!
Ceshtja shtrohet : Votuesi a do te pranoj te ecen i verber apo do te detyrohet te gjeje rrugen neper te cilen don te ecen dhe per te cilen eshte sakrifikuar deri ne prag te zhdukjes!!
Forca politike qe do te kete guximin te ofrohet me kete 65% apo70% qe nuk votuan do te jete forca politike e cila i duhet Kososves!Sepse kjo eshte pjesa me e vuajtur dhe pjesa qe ka ,me se shumti, cka te thot.
Kjo pjese eshte harruar nga politika plotesisht por jan shume per t'i marre HARRASA!!

Si duket ,qe para nje viti ,kam pas te drejte!!

[teutaA]

kurr spo di qka eshte kah bahet a u met naj nje i mir ne ket parti a u qerediten edhe keta si tona tjerat

kush nime e meriton me u votu ne keto zgjedhje ?

[GURI SYLAJ]

Postimi origjinal është bërë nga teutaa

kurr spo di qka eshte kah bahet a u met naj nje i mir ne ket parti a u qerediten edhe keta si tona tjerat

kush nime e meriton me u votu ne keto zgjedhje ?

Isa Mustafa

[murrizi]

LDK-ja dhe ndarja e fundit,
Jo !
LDK-ja dhe shanca e fundit.

Nëse arrin Fatmir Sejdiu të mbajë postin e Kryetarit të LDK-s, ku në ekipin e tijë do të kishte Isa Mustafën, Skender Hysenin, Eqrem Kryeziun....
Pa Bujar Bukoshin e të manipuluarin e tijë Ukë Rugovën (djalin e ish liderit të ndjer, ma qo menen si me pas morrë pej bullicav e me shti n'politik).

LDK-ja e ka në dorë,

Po thu jo ?
Hajt se flasim prap !

[Etnical]

Veq Isa Mustafa...