Nexhmije Pagarusha

[LOJETARI]

Sa ndëgjohet sot në trevat shqiptare muzika e Nexhmije Pagarushës ?

http://www.youtube.com/watch?v=A7M9GrbH_yw

http://www.youtube.com/watch?v=pgybHncjqD0

[LOJETARI]

http://www.youtube.com/watch?v=p8DNykL6Sos

[SANTANA-29]

Sa ndegjohet atje se di po une e ndegjoj shum her,
http://www.youtube.com/watch?v=XKRvh...eature=related

[Shqiptare_ne_Turqi]

Nexhmije Pagarusha dekorohet me Medaljen “Artist i merituar”


Me rastin e 77 vjetorit të lindjes së këngëtares Nexhmie Pagarusha, presidenti Fatmir Sejdiu i ndau sot Medaljen “Artist i merituar”. Iniciativa për këtë çmim ishte e redaksisë së muzikës së Radio Televizionit të Kosovës, që u përkrah edhe nga 39 intelektualë dhe artistë të vendit.

04.05.2010

Me rastin e 77 vjetorit të lindjes dhe të përtej 6 dekadave të veprimtarisë artistike, kam vendosur që për kontribut të veçantë të dhënë në fushën e artit dhe të kulturës, ta dekoroj me medaljen “Artist i Merituar”, zonjën Nexhmie Pagarushën”, tha Sejdiu.

Kontributi i Nexhmie Pagarushës në fushën e krijimit, kultivimit, interpretimit dhe të promovimit të artit muzikor shqiptar, është i një rëndësie të jashtëzakonshme, thuhet po ashtu në motivacionin e dekoratës, që iu nda artistes sonë, Nexhmie Pagarusha nga presidenti i Republikës Fatmir Sejdiu.

“E përkushtuar gjithë jetën për të ngritur vlerat e artit muzikor, duke krijuar identitet referues kulturor, duke qenë zë i fuqishëm i shpirtit dhe vlerave estetike shqiptare, ajo ishte dhe mbetet shenjë identifikuese e Kosovës, dhe simbol i artistit, që me veprën e vet komunikon në mënyrë autentike dhe përherë frymëzuese me një audiencë të gjerë muzikore.”

Këngëtarja jonë e madhe, Nexhmie Pagarusha, këtë çmim ia dedikon babait të saj dhe publikut shqiptar, që e kanë mbështetur gjithmonë. Për të, ky çmim ishte një befasi.

“Është një befasi shumë e mirë dhe shumë e madhe për mua dhe me thënë të drejtën, aq kam emocione që mezi e përballova. Besoj që kjo nismë të vazhdojë edhe për artistët tanë që nuk janë më, ata që janë me ne dhe për ata që do të vijnë. Këtë çmim ia dedikoj babës tim, i cili nuk kishte paragjykime dhe më lejoi ta vazhdojë këtë rrugë dhe popullit tim, që më deshti shumë, i desha shumë dhe më mbanë ende në shpirt e në zemër”, tha Pagarusha.

Kjo është medalja e parë e këtij lloji, që presidenti i republikës ka ndarë për artistët tanë. Iniciativa për këtë çmim ishte e redaksisë së muzikës së Radio Televizionit të Kosovës, që u përkrah edhe nga 39 intelektualë dhe artistë të vendit. Nexhmije Pagarusha është një nga këngëtaret më të njohura të Kosovës, fituese e shumë shpërblimeve dhe laureate e disa çmimeve të njohura. Prej kohësh ajo mban epitetin ”Bylbyli i Kosovës”.

[murrizi]

Edhe unë i uroj të madhes Nexhmije Pagarusha titullin e ARTISTIT TË MERITUAR.

Gur gur po ngrejm kështjellë...

[Shqiptare_ne_Turqi]

http://www.youtube.com/watch?v=NUHJA...eature=related



Shum e madhe eshte shumm...!

Respekt nga zemra ...

[Guri i madh]

shum pak informata kena per Nxhmien


si quhet bashkshorti a esht gjall sa fmij i ka do me than kush jan pasardhsit

[Shqiptare_ne_Turqi]

Me kete rast,dua ta postoj shkrimin qe eshte botuar dhe ne gazeten ( Koha Ditore ) muajin Dhjetor .
Pra,pas nje vizite qe bera te Diva e muzikes Shqiptare,Nexhmije Pagarusha.

Ne shenje respekti ...

“BILBILI I KOSOVËS” PËRHERË KËNDON

Këngët “Ani mori nuse,ani qafgastare”,Çohu Rexho”,”Hajde, hajde moj Selvi”... qysh si fëmijë,i dëgjova dhe i mësova,në dasmat e gazmendet familjare në Turqi.Këngët shqipe atje kishin arritur, së bashku me prindërit tanë,të shpërngulur,në vitet e pesëdhjeta të shëkullit që lam pas.Së bashku me vargje mësova edhe një emër –emrin e këngëtrares sonë të papërsëritshme – NEXHMIJE PAGARUSHA.
Më vonë,përmes valëvë të Radio Prishtines,Nexhmija dhe këngëtarët tjerë shqiptarë,ishin të pranishëm në familjet shqiptare në Turqi,derisa dhuna sërbe e nderpreu programet shqipe.Por Nexhmija dhe kënga shqipe ishin të pranishme përmes bartjes së këngës “prej gjenerate në gjeneratë”dhe mjeteve auditive.
Ende isha nxënëse e shkollës fillore,në Turqi,në familjen time një mysafir nga Kosova kishte sjellur një numër të gazetës “Rilindja”. E shfletova.Më bëri përshtypje një fotografi ,nën të cilën shkruantë :”Nexhmije Pagarusha –bilbili i Kosovës”.E lexova si munda e dita.Me rëndësi ishte se e kuptova për kë bëhej fjalë. Këngët e Nexhmijes dhe kenga shqiptare u ngulitën shumë,shumë thellë në mua. E ndava atë shkrim dhe foton.E bartja me vete,në shkollë,mes fletëve të librave.Përpiqesha që t`ua shpjegoj përmbajtjen shoqeve turke dhe atyre shqiptare.
Sa herë që isha mysafire në Kosovë,para dhe pas lufte,me vete bartja një dëshirë – ta takoj,këngëtaren,këngët e të cilës e shuanin mallin, e shqiptarëve për vendlindjen a tyre...të takoja zonjën Nexhmije Pagarusha.Nuk kisha ide,e besa as guxim ta shprehja këtë dëshirë,unë si një dëgjuese dhe dëshirën e ndryja në vetvete dhe vazhdoja ta bartja në relacionin Kosovë-Turqi dhe anasjelltas.Më dukej dëshirë e tepruar.Sa shumë paskësha gabuar...!
Këtë dëshirë e shfaqa para sa ditësh.Një zonjë që e kuptoi dëshirën time dhe duke e njohur zemërgjersinë dhe dashurinë e artistes për njerëzit,më kërkoi numërin e telefonit.Pas pak ditësh ajo zonjë,më lajmroi shkurt.Zonja NEXHMIJE PAGARUSHA,ju mirëpret,do të jeni e mirëseardhur .
Të nesërmen,së bashku me dy shoqe dhe zonjën ,që ëndrren time e bëri realitet,trokitem në derën e artistes sonë.Dera u hap.Mirë se vini! Isha para këngëtares,artistes,”bilbilit të Kosovës”.Fjalët e ëmbëla mikëpritëse,ngrohtësia,modestia më çliruan nga një ndjennjë e ndruajtje.Biseduam,duke filluar që nga shtegtimet e shqiptarëve,e së bashku me ta edhe shtegtimi i artit dhe kulturës shqiptare,për muzikën e mirefillit dhe artistike shqiptare,e cila kam shpresë se po i rikthehet degjuesve, duke e lënë anash komercializmin dhe tallavanë... Nën ndikim të mallit për një këngë, i këndova 2-3 vargje të një kënge,që ishte dhe është shumë e njohur,”E kujtoj atë takim” dhe më pas i dëgjuam edhe disa të tjera këngë të DIVES Shqiptare NEXHMIJE PAGARUSHA,përmes CD...
Mikpritja,këngët,fjalët shumë dashamirëse,shumë të përzemërta më tretën shumë,shumë thellë në botën dhe zemërgjersinë e artistes.Zeri i saj gjatë bisedës ishte po aq i ëmbël si në këngë,në të vëtrtetë biseda e saj ishte këngë...Koha kalonte shpejtë,e unë duhej të udhëtoja për në Vushtrri.E falenderova për mikëpritjen,kërkova lejen ...na përcolli,duke më thënë se prap ju mirëpres...Me kaploi një mall,nëpër faqen time u rrokullis një lot ... Zonja NEXHMIJE-Bilbili i Kosovës- përherë këndoftë!
Derisa udhëtoja,mbresat e vizitës,meloditë e këngëve të zonjë së këngës shqipe –jo vetëm “Bilbilit të Kosovës” por “Bilbilit shqiptar” ndërpriteshin nga ideja dhe dëshira se si ta përshkruaj këtë takim... Ndoshta sado pak ia arrita. Faleminderit e çmuara artiste Nexhmije! Faleminderit këngëtarë e njerëz të artit e kulturës shqiptare!
Faleminderit redaksi!

[Shqiptare_ne_Turqi]

Postimi origjinal është bërë nga Guri i madh

shum pak informata kena per Nxhmien


si quhet bashkshorti a esht gjall sa fmij i ka do me than kush jan pasardhsit

Guri,gjeta kete biografi te shkurter ku shkruan dhe per bashkeshortin e Nexhmijes.
Ne nje vizite qe kem bere,ka treguar se e ka nje djal jasht Kosove .

Vendlindja: Pagarushë (Malishevë)
Mosha: 77 Vjeç
Ditelindja: 07 Maj 1933
Shenja e Horoskopit: Demi


Kur flitet për të, përdoren në një frymë shumë epitete si: Bilbili i Kosovës, Mbretëresha e Këngës Shqipe, Primadona e Melosit Popullor, Ema Sumak Shqiptare, Madam Butterfly, Fyti i Kristalte, etj. Mori shumë çmime, ndër të tjera "Këngëtare e Shekullit". Veprimtaria e saj muzikore 40-vjeçare është aq e gjerë, sa që është vështirë të thuhet se cilit zhanër i takon. Është e njohur për interpretimet e saj të shkëlqyera në muzikën popullore dhe opera . Nexhmije Pagarusha ishte edhe aktore e suksesshme, si në film ashtu edhe në teatër. Në Beograd vijoi shkollën e muzikës për solo kanto, të cilën ajo e la në vitin e tretë dhe nuk e vazhdoi më. Po ashtu në Beograd kishte paraqitjen e parë muzikore në skenë. Në vitin 1948 është pranuar soliste në Radio Prishtinë. Bashkëpunoi edhe me këngëtarët nga Shqipëria dhe u paraqit edhe në Shqipëri me ansamblin “Shota” me rastin e një turneu. ”Baresha” është një ndër kryeveprat e interpretimit të saj. Kjo këngë u kompozua nga bashkëshorti i saj Rexhep Mulliqi, me tekstin e poetit Rifat Kukaj.
Nexhmije Pagarusha interpretoi në një koncert të muzikës klasike veprat e përkthyera shqip të Bethovenit, Puçinit, Verdit, etj. Ky koncert ka qenë i pari i këtij lloji. Fatkeqësisht, asnjërit nga organizatorët teknikë nuk iu kishte kujtuar që të regjistronte këtë koncert! Për fat të keq, nuk janë evidentuar as të gjitha koncertet dhe repertori i këngëve të kënduara nga ajo, ngaqë, siç ka thënë ajo një herë, për të vetëm muzika ishte me rëndësi; ajo dhe muzika ishin një. Mendohet se ajo ka interpretuar mbi 150 këngë. Ajo ishte pjesëmarrëse e koncerteve në Kosovë, Shqipëri, Bullgari, Izrael, etj. Karrierën muzikore e përfundoi në vitin 1984, pas një koncerti në Sarajevë. Pas 16 vjetësh larg skenës, ajo u paraqit në vitin 2000 me këngën "Për ty" në një emision të udhëhequr nga Ardit Gjebrea, i cili e bindi të bëjë këtë. Ishte në jurinë e festivalit "Kënga Magjike 2005". Aktualisht është këshilltare e lartë për muzikë në Radio Kosovë dhe në Radio Blue Sky.

[LOJETARI]

Shpeshëherë muzika e mirë krahasohet me ushqim të mirë .Muzika që ka interpretuar Nexhmije Pagarusha ka qenë e një klasi të lartë , një delikatesë e vërtetë, por që mjerisht nuk ka hasë në shumë vesh të pregatitur për të .Ajo edhe sot ndëgjohet rrallë , sikur të ia kemi frikën ,sikur të jet ushqim ekzotik . Neve më parë parapëlqejmë një muzikë të rrejshme , një muzikë talava , pa tone të qëlluara ,pa ritëm ,një muzikë që i ngjanë një ushqimi monoton [ gjellë fasule ] se sa të provojmë të kënaqim shpirtin me zërin e një ikone të gjallë .

[LuLjaa]

[Shqiptare_ne_Turqi]

Prishtinë, 24 maj –

Nëntë këngë të kënduara dikur nga Nexhmije Pagarusha dhe dy të tjera kushtuar primadonës së muzikës shqiptare, kanë qenë përmbledhja e gala koncertit të mbajtur mbrëmjen e së dielës në Teatrin Kombëtar të Kosovës. Koncerti ka pasuar pas ndarjes së medaljes “Artiste e merituar” nga presidenti i Republikës së Kosovës, Fatmir Sejdiu, për Nexhmije Pagarushën. Kjo “dhuratë” i ka ardhur asaj me rastin e 77-vjetorit të lindjes. Një ekran që shfaqte imazhe të krijimtarisë së Pagarushës, i vendosur në hollin e TKK-së, ishte mirëseardhja që u bëhej mysafirëve të ftuar, të cilët kishin respektuar “urdhrin” e specifikuar në ftesë - “veshja duhet të jetë solemne”. Ata qëndruan në hollin e TKK-së për 15 minuta, derisa nuk erdhi Presidenti, Fatmir Sejdiu, për të hyrë i pari në sallë. Këngët e kënduara gjatë koncertit arrinin që kohë pas kohe t’i lëviznin buzët edhe të vetë atij. Ndërkaq me të përfunduar koncerti, presidenti Sejdiu u shpreh se dëshiron të qetësohet fillimisht.
“Ishte një mrekulli e Zotit”, ka qenë krejt çka ka thënë i pari i vendit.
Por për të shprehur emocionin e saj, menjëherë pas koncertit nuk është kursyer Nexhmije Pagarusha. Ajo tha se populli e ka dashur gjithmonë, por më shumë se këto ditë nuk ndihet e vlerësuar asnjëherë.
“Jam shumë e lumtur, Zoti më ka ruajtur deri në këtë moment që unë të jem e lumtur”, ka thënë ajo teksa po qëndronte e ulur në një karrige në foajenë e teatrit për të pritur radhën e gjatë të atyre që dëshironin të bënin një fotografi me të.
Këngës më të njohur të kënduar nga bilbili i Kosovës, “Baresha”, i ka takuar të hapte koncertin. Kënga e kompozuar në mesin e viteve ’60 nga Rexho Mulliqi është rikthyer e interpretuar mjeshtërisht në çifteli nga Fatmir Makolli i përcjellë nga Big Bendi i RTK-së. Ajo u ka lënë vend dy këngëve të tjera të kënduara nga Pagarusha gjatë viteve ’60.
Sanije Matoshit i kishte takuar të interpretonte këngën “Kështu kaloi kjo mizori”. “Pagarusha është legjenda e muzikës shqipe”, është shprehur me pak fjalë ajo.
Gala koncerti solli të riorkestruara edhe tri këngë të tjera, të cilat Nexhmije Pagarusha i kishte interpretuar gjatë viteve ’70. Kënga “Kur një ditë të kthehesh ti” erdhi në variantin e interpretuar nga dueti Teuta Kurti e Gentian Gojani. Për Kurtin kjo nuk ka qenë hera e parë që ka kënduar këngë të Pagarushës.
“Por sa herë që këndoj ndiej më shumë emocion, sepse kuptoj sa shumë vlerë kanë dhe vetë Pagarusha”, ka thënë ajo.
Ndërkaq kënga fituese në “Akordet e Kosovës”, të vitit 1970 “Për ty vuaj, për ty këndoj”, erdhi nën interpretimin e Yllka Kuqit. Kënga “E dehur jam”, e kënduar nga Pagarusha në vitet ‘70, e cila viteve të fundit ka pasur disa variante të riorkestruara, erdhi edhe në një variant tjetër nga Riza Dolaku dhe e interpretuar nga Alma Bektashi.
Këngët e viteve ’80 dhe ’90 të dedikuara për Pagarushën i sollën në duet Naim Krasniqi dhe Adelina Thaçi, si dhe këngën “Bilbili i Kosovës”, të interpretuar nga Hysni Klinaku.
Menjëherë pas koncertit përshtypjet e tyre i kanë shprehur edhe miqtë e bashkëpunëtorët e Pagarushës. Kompozitori Engjëll Berisha ka thënë se epitetet më të mëdha janë thënë për të, kështu që “çka do që flas nuk them asgjë të re”.
“Ajo është primadonë e muzikës shqiptare”, ka thënë Berisha.
Ndërkaq Liliana Çavolli ishte ajo që Pagarushën e pagëzoi me epitetin institucion.
“Ajo është institucion, me të cilin kombi duhet të mburret që e ka”, është shprehur Çavolli, teksa Shahindere Berlajolli, Pagarushën e ka cilësuar “letërnjoftimin kryesor të identitetit kombëtar”.
Ndryshe, iniciativa për ndarjen e çmimi “Artiste e merituar”, si edhe organizimi i gala koncertit kanë ardhur nga Radiotelevizioni Publik i Kosovës.Faleminderit për rekomandimin




Faleminderit nga miqet per ftese, faleminderit realizuesit e kesaj mbremje...Do te mbetet ne kujtimet e mia si nje mbremje e paharrueshme ...

Siq e ceku dhe vet artistja e madhe,shpresojme dhe ne se,do te behet trashigimi qmimi qe muar Nexhmije Pagarusha dhe per artistat tane te tjere,te merituar.

[jadore]

e une them qe eshte mrrekulli qe te kemi ty Shqiptare nga Tuqia ,e falenderojme Zotin per Ty,sepse ka kohe qe nuk kam takua krijese arberore qe me aq pasion mbron flet dhe shpreh vleren dhe traditen e kultures sone te mirefillte
te falenderoj per ate qe je .

[Makresh]

Po e teprojm pakes me talentin e saj, s'ka qen ku e di se cfar.


.

[roadrunner]

E kush o Makresh na paska kene ma e talentume se Nexhmija sipas teje. Sipas teje s'paska talenta shqiptare, masi ma t'mires po u thuakan jo sosht ashtu qysh po thoin. Me siguri e ke then kete ne aspektin se per femer shqiptare kjo po piskitka shume?

Postimi origjinal është bërë nga Makresh

Po e teprojm pakes me talentin e saj, s'ka qen ku e di se cfar.


.