Erdoan: Turqia nuk u ngjan vendeve të tjera

[Lapsi]

1. Erdoan: Turqia nuk u ngjan vendeve të tjera
Erdoan vlerësoi diskutimet rreth zhvendosjes së boshtit, një temë mjaft e nxehtë kjo e rendit të ditës në Turqi dhe bëri deklarata mjaft të rëndësishme.


Kryeministri Rexhep Tajip Erdoan, në kuadër të turneun e tij të Detit të Zi, vizitoi dje qytetet Trabzon dhe Rize.



Erdoan vlerësoi diskutimet rreth zhvendosjes së boshtit, një temë mjaft e nxehtë kjo e rendit të ditës në Turqi dhe bëri deklarata mjaft të rëndësishme.



"Na qenka duke shkarë boshti i Turqisë, sipas tyre po na kërcënojnë. U bëj thirrje mediave ndërkombëtare me mbështetje izraelite dhe mashave të tyre. Turqia nuk i ngjan asnjë vendi tjetër", tha Kryeministri Erdoan.



Pasi vuri në dukje se Turqia nuk do të mbetet spektatore ndaj ngarjeve në rajonin e saj, Shefi i Qeverisë turke u dha një përgjigje të ashpër atyre që drejtojnë pyetjen "Përse Turqia interesohet kaq shumë me Gazën?"



Erdoan foli kështu: "Ata thonë ç'punë ka Turqia në Gaza, por nuk pyesin ç'do SHBA-ja në Irak. Ashtu siç gjyshërit tanë 500 vjet më parë u dolën për zot çifutëve që u dëbuan nga Spanja, ashtu edhe ne sot u dalim për zot vëllezërve tanë në Palestinë."



2. Davutollu: Hetimi i brendshëm i Izraelit për ne nuk ka asnjë vlerë
"Nuk kemi aspak besim, se një vend, i cili sulmon në ujëra ndërkombëtare një flotilje civile, të bëjë më pas një hetim të paanshëm", u shpreh Davutollu.



Ministri i Punëve të Jashtme të Turqisë, Ahmet Davutollu, tha se hetimi i cili do të fillohet në lidhje me sulmin e Izraelit ndaj anijeve me ndihma për Gazën, duhet patjetër të jetë një hetim ndërkombëtar.



Davutollu bëri këtë deklaratë: "Nuk kemi aspak besim, se një vend, i cili sulmon në ujëra ndërkombëtare një flotilje civile, të bëjë më pas një hetim të paanshëm."



"Ne kërkojmë nga Kombet e Bashkuara një komision, që të jetë direkt nën kontrollin e Kombeve të Bashkuara, me një kryesi të paanshme dhe me pjesëmarrjen e Turqisë dhe Izraelit. Dhe do të jemi këmbëngulës në këtë kërkesë tonën. Kushdo le të thotë çtë dojë, Turqia është vendi që humbi shtetasit e saj. Madje edhe një nënshtetas amerikan ka humbur jetën. Ne mendojmë se SHBA-ja do të jetë një ndjekëse e të drejtës së jetës së shtetasit të saj. Nuk kemi aspak besim se Izraeli, i cili duke shkelur të gjitha rregullat e drejtësisë ndërkombëtare, sulmoi një flotilje civile në ujëra ndërkombëtare, të mund të drejtojë një hetim të tillë të paanshëm. Ne kërkojmë me këmbëngulje, që komisioni i ri të jetë një komision ndërkombëtar dhe asnjë kërkim i njëanshëm, i bërë nga ana e Izraelit, nuk përfaqëson ndonjë vlefshmëri për ne. I kushtojmë një rëndësi të veçantë faktit, që t'ia bëjmë të ditur këtë gjë shoqërisë ndërkombëtare dhe aleatëve tanë"- u shpreh Davutollu.
__________________