Padi kunder ish udheheqes te Kosoves

Lapsi · 13-08-10, 23:57

Komunizmi në EULEX
Deputeti Nait Hasani ka akuzuar edhe shtatë ish-udhëheqës kosovarë të kohës së Jugosllavisë. Ata i ka paditur për krime kundër njerëzimit dhe gjenocid. Hasani tashmë padinë e re me emra dhe fakte të zgjeruara, e ka dorëzuar edhe në EULEX. Ai i bën thirrje Prokurorisë së Kosovës, Gjykatës dhe EULEX-it, që këta ish-funksionarë të lartë të dënohen për veprat që kanë bërë.

Nga Nebih Maxhuni më 08.08.2010 në ora 9:25

Nait Hasani, deputet i Kuvendit të Kosovës nga radhët e PDK-së, padinë që e ka bërë kundër udhëheqësve të Kosovës në kohën e ish-Jugosllavisë dhe pjesëtarë të aparatit shtetëror të asaj kohe, tashmë e ka dorëzuar edhe në EULEX.

Përveç EULEX`it, kjo padi tashmë është deponuar dhe në Prokurorinë Publike të Qarkut në Prishtinë dhe në Prokurorinë Speciale të Kosovës.
Gazeta ka arritur ta sigurojë këtë padi, e cila është dorëzuar në EULEX më 29 korrik 2010.

Padisë i janë shtuar edhe emrat e shtatë personave që kanë qenë në funksione të ndryshme në kohën e ish-Jugosllavisë .
Hivzi Sylejmani, Bajram Tmava, Bajram Maraj, Mehmet Hoxha, Kolë Shiroka, Syrja Popovci, Kurtesh Salihu, Riza Sapunxhiu janë emrat e rinj që janë futur në kallëzimin penal që është dorëzuar në Prokurorinë e EULEX-it.
Në padi thuhet se në bazë të nenit 198 paragrafi 1 të KPPK-së thuhet se plotësohet, precizohet, zgjerohet dhe përmirësohet kjo padi ndaj 39 udhëheqësve në kohën e ish-Jugosllavisë .

Të paditurit e mëhershëm nga deputeti Nait Hasani janë Fadil Hoxha, Sinan Hasani, Dushan Mugosha, Ali Shukriu, Rexhai Surroi, Ymer Pula, Veli Deva, Xhevdet Hamza, Xhavit Nimani, Sahit Zatriqi, Mehmet Maliqi, Mehmet Shoshi, Jusuf Karakushi, Mahmut Bakalli, Azem Vllasi, Remzi Kolgeci, Rrahman Morina, Jusuf Zejnullahu, Hashim Rexhepi, Metë Kuçi, Mehmet Lumi, Hasan Mehmeti, Ibush Kllokoqi, Nazmi Mustafa, Xhemshit Duriqi, Hazër Susuri, Nikë Lumezi, Miftar Jasiqi, Hilmi Zhitia, Rexhep Haxhimusa dhe Vesel Latifi.

Sipas kësaj padie, e cila është dorëzuar nga avokati Bajram Krasniqi, i autorizuar nga deputeti Nait Hasani, thuhet se këta persona akuzohen për vepra penale krime kundër njerëzimit, gjenocid e vepra të tjera të rënda penale.

Deputeti i PDK-së ka thënë se këta persona janë pjesëmarrës të Masakrës së Tivarit, të Lidhjes së Dytë të Prizrenit, të Byrosë Informative të njohur si Gol Otok, të shpërnguljes masive, ose aksionit të armëve në kohën e Rankoviqit dhe mbështetës të politikës së Rankoviqit për shpërnguljen e 250 mijë shqiptarëve për në Turqi, po ashtu janë pjesëmarrës të ngjarjeve të viteve 1968, 1981, 1990 e tutje.

”Unë i kam mbledhur personat në fjalë, të cilët prej vitit 1945, kur është mbajtur më 10 qershor 1945 në Prizren, Lidhja e Dytë e Prizrenit, që është vendosur që Kosova të bashkohet me Serbinë dhe prej aty kanë filluar masakrat kundër popullit shqiptar në Kosovë. Nga këta njerëz, të cilët të inspiruar nga lufta e tyre, atëherë “liridashëse”, dhe këta kanë bërë krime kundër njerëzimit ndaj popullit të vet”, pati thënë Nait Hasani kohë më parë.

Ai ka thënë për Express se pret nga EULEX-i që të ndërmarrë hapa konkretë duke thënë se personat e përfshirë në këtë akuzë duhet të dënohen për veprat që i kanë bërë.

“I bëj thirrje Prokurorisë së Kosovës, EULEX-it, që personat që kanë bërë krime, e që janë përfshirë në padi, të dënohen”, thotë Nait Hasani.

Në listën e të paditurve të deputetit Hasani ka edhe persona që tashmë nuk janë gjallë.

Për këta persona, Nait Hasani ka thënë se duhet të ketë një dënim moral, ndërkaq ata që janë sot në pozita nëpër pushtet, duhet të deklarohen për krimet e bëra dhe të japin dorëheqje morale. Të gjithë këta persona të përmendur në padi akuzohen për krim kundër njerëzimit dhe gjenocid.
Në padi për secilin është dhënë edhe arsyetimi për këta persona se duhet të dënohen për veprat e kryera në kohën e ish-Jugosllavisë .

Fadil Hoxha, Sinan Hasani, Mehmet Hoxha, Dushan Mugosha, Ali Shukriu, Hivzi Sylejmani, Kolë Shiroka, Ymer Pula, Xhavit Nimani, Xhevdet Hamza, Mehmet Maliqi- Cikulli, Veli Deva dhe Sahit Zatriqi, sipas padisë, bazuar në Kodin Penal të Kosovës, neni 117, akuzohen për vrasje, shfarosje, skllavërim, depërtim ose përzënie me dhunë e popullsisë, burgosje ose privime të tjera të rënda të lirisë fizike në kundërshtim me rregullat themelore të së drejtës ndërkombëtare, persekutim të një grupi ose kolektivi të identifikuar për arsye politike, kombëtare etnie etj, zhdukje e detyruar e personave, krim i aparteidit etj.

Hasani e ka bërë këtë kallëzim penal në mënyrë individuale, mirëpo nuk e përjashton mundësinë që të ketë padi të tjera nga Shoqata e të burgosurve politikë dhe nga Këshilli për Mbrojtjen e të Drejtave dhe Lirive të Njeriut.

Personat që janë përfshirë në padinë e fundit:
Hivzi Sylejmani,
Bajram Tmava,
Bajram Maraj,
Mehmet Hoxha,
Kolë Shiroka,
Syrja Popovci,
Kurtesh Salihu,
Riza Sapunxhiu.

Personat që janë paditur kohë më parë:
Fadil Hoxha,
Sinan Hasani,
Dushan Mugosha,
Ali Shukriu,
Rexhai Surroi,
Ymer Pula,
Veli Deva,
Xhevdet Hamza,
Xhavit Nimani,
Sahit Zatriqi,
Mehmet Maliqi,
Mehmet Shoshi,
Jusuf Karakushi,
Mahmut Bakalli,
Azem Vllasi,
Remzi Kolgeci,
Rrahman Morina,
Jusuf Zejnullahu,
Hashim Rexhepi,
Metë Kuçi,
Mehmet Lumi,
Hasan Mehmeti,
Ibush Kllokoqi,
Nazmi Mustafa,
Xhemshit Duriqi,
Hazër Susuri,
Nikë Lumezi,
Miftar Jasiqi,
Hilmi Zhitia,
Rexhep Haxhimusa dhe
Vesel Latifi.

Fakte:
Faktet të cilat janë përfshirë në kallëzimin penal janë të ndryshme. Ato fillojnë që nga dëshmitë e botuara të atyre që i kanë mbijetuar Masakrës së Tivarit në vitin 1945, e deri te librat hulumtues të botuar vite më vonë. Akuzat me të cilat këta persona ngarkohen, janë të ndryshme dhe fillojnë që nga viti 1945, shpërnguljet në Turqi, demonstratat e ndryshme, e deri te bashkëpunimi i tyre në vitet ‘90 me ish-regjimin serb.

Urata · 14-08-10, 06:07

O pasha t'madhin Zot, duhet gjykue e denue disa vete t'ksaj liste....!!!! Po cka tu beht Fadilit e ca t'jereve n'varr, se!!!!

Fshatari · 14-08-10, 07:27

E paska harrue Atilen qe dogji evropen pa therre ne kembe; as Neronin s'e paska permend kund!Kesaj liste i mungon poashtu Hamze Kastrioti qe trathetoi Skenderbeun.
Po me cilin ligj duhet te gjykohen keta njerez ?! Me ligjin e ish jugosllavise, natyrisht sepse ligjet e sotme ne fuqi ne Republiken e Kosoves nuk jane "retroaktiv"(kete deputeti e di). I sikur t'i lihej kjo barre historianit sepse periudha ne fjale i perket mire e mire historise!
Edhe nje pyetje per kete deputet: sa perfillen e zbatohen ligjet ne fuqi sot ne Republiken e Kosoves ?
Kur eshte guximtar, deputeti i nderuar do te duhej pergatitur kallexim penal kunder serbise qe as eshtrat e shqiptarve te masakruar nuk jau ketheu familjeve te gjymetuara;kallexim penal kunder soldateskes serbe qe perdhunoi mbi 2 mije gra e vajza te mitura shqiptare; qe dogji mijera shtepi shqiptaresh;qe shkaterroi gjithe ekonomine e vendit tone, e nuk u pergjigj per asgje...!
I bjen samarit gomari!
Revoltues...!

Llapjani_HH · 14-08-10, 16:54

Deputeti Nait Hasani ka bërë mir që ka ngritur padi kundër udhëheqësve të Kosovës në kohën e ish-Jugosllavisë dhe pjesëtarëve të aparatit shtetëror të asaj kohe.

Mirpo a ka harruar deputeti se njërit prej të paditurve Fadil Hoxhës

Trupat Mbrojtëse të Kosovës (TMK), mes tyre edhe ish-pjesëtarë të Ushtrisë Çlirimtare të Kosovës (UÇK), në ceremoninë e varrimit e kanë bartur arkivolin me trupin e Fadil Hoxhës dhe i kan bërë nderime ushatarake.

A i ka paditur edhe kta të TMK/UÇK-ës dhe urdhër dhënsin e tyre(Hashimin) për ti bërë nderime ushtarake Fadil Hoxhës?

Pastaj qka thot Nait Hasani që në qeverin e tashme ka ministra nga familjet e këtyre të paditurve, psh.Justina Pula Shiroka i takon Familjes së Kolë Shirokës, etj.

Plus ka edhe shumë udhëheqës tjer me poste të larta që i kan takuar atij regjimi.

A ka mendue edhe në këta Nait Hasani, apo veq u dal me ba ni padi sa me shkrue shtypi për të?

murrizi · 14-08-10, 16:59

Nait Hasani këtu nuk ka bërë asgjë përveqse siq është në modë, të gjitha ato vende që duan ti bashkangjiten alenaces veriatlantike duhen ta gjykojn komunizmin në shtetin e tyre.
Nait Hasani për publicitet është dashur të zgjedhë diçka tjetër ndoshta sepse komunizëm ndër Shqiptarët e ish jugosllavis nuk ka patur kurrë !

Zeqiri · 20-08-10, 22:30

o leni njerzit e mos i ngucni o jarana se ma patriota jan kan ata se keta te sodit ata nuk e kan shit kosoven keta e shiten ja kajten nanen edhe kta e vjedhen bishtum bisht edhe kta duhet me i shpall tradhtare edhe me i denue me burg e jo ata qe skan pas mundsi me ba ma shume ne at kohe

Guri i madh · 21-08-10, 20:03

Citim:

Postimi origjinal është bërë nga Zeqiri

o leni njerzit e mos i ngucni o jarana se ma patriota jan kan ata se keta te sodit ata nuk e kan shit kosoven keta e shiten ja kajten nanen edhe kta e vjedhen bishtum bisht edhe kta duhet me i shpall tradhtare edhe me i denue me burg e jo ata qe skan pas mundsi me ba ma shume ne at kohe

mir ke than shyqyr qe kjo qeveri nuk ka qen ne at koh se as qat autonomi nuk e kishim pas

po ra muri i berlinit GOBAQOVI e shkatrroj paktin e varshaves

e tash esht nji koh tjter , se aspak ma e mir e ma kombtare nuk esht as kjo qeveri

4peace · 24-08-10, 08:29

***

Une i kisha akuzue edhe (mes tjerash) per flamur:
Per cfare arsye (keta te akuzuarit) nuk e sollen nje flamur te mavit (kalter) si ky i sotmi: me nje glacë pule ne mes (midis)?!

***

murrizi · 24-08-10, 08:57

Citim:

Postimi origjinal është bërë nga 4peace

***

Une i kisha akuzue edhe (mes tjerash) per flamur:
Per cfare arsye (keta te akuzuarit) nuk e sollen nje flamur te mavit (kalter) si ky i sotmi: me nje glacë pule ne mes (midis)?!

***

ani de ni "glac" e zë copa bezit, apo mos kujtove me bo bezin ni hektar ?
a mujte bre bac, se bash thash mos t'ka gjet i gjo e keqe (se njo ta besoj që ti si nrro nofkat !).

4peace · 24-08-10, 09:56

Citim:

Postimi origjinal është bërë nga murrizi

a mujte bre bac, se bash thash mos t'ka gjet i gjo e keqe (se njo ta besoj që ti si nrro nofkat !).

Une s'guxoj me shkrue shume se...
...m'dalin dhomte e peshkit...
por edhe m'duhet me heshte se "vdes" Llafa Zani.

Akuzat:
Me vend kjo akuze ama pak si vone, bre...Te na i thojmi "mas pazarit t'molla Shaqirit".
Po cka me i bo politi kuajve aktua qi po duhet me i akuzue hala pa e mar pushtetin se.

***