KQZ: LDK e PDK në balotazh në Rahovec

[Dilaver]

KQZ: LDK e PDK në balotazh në Rahovec

Bota Sot
KQZ: LDK 28.3 për qind, PDK 26.9 për qind
(E plotësuar) Sipas rezultateve preliminare të KQZ-së, të shpallur nga kryetarja e saj Valdete Daka, në orën 23.25 minuta, del se në balotazh shkojnë LDK dhe PDK, ndërsa kanë mbetur pa u numëruar edhe 408 vota me kusht.
Kandidati i LDK-së Ibrahim Kryeziu prin me 5211vota, përkatësisht me 28.3 për qind, ndërsa pasohet nga kandidati i PDK-së Xhelal Canziba me 26.9 për qind të votave apo me 4952 vota, i treti radhitet kandidati i AAK-së, Smajl Latifi me 25.8 për qind apo 4740 vota, ndërsa i katërti radhitet kandidati i AKR-së, Rexhep Oruqi me 3021 vota, përkatësisht me 16.4 për qind dhe e fundit kandidatja e LDD-së Luljeta Kadiri me vetëm 2.6 për qind, përkatësisht me 473 vota.

[jEtA_1]

Ai kuku per popullin tone krejt nisoj hin ni hajn dil ni hajn

[Makresh]

N'rahovec jan krejt t'pit njerzit, se ndryshe se kishin votu asnjonjin e as tjetrin.

[premium]

qatje ku po zihet rakia qaty po shkojne partitë .

[Gentiani]

Ec e mos bleje e shit vota! Kushtoj sa kushtoj vetem e vetem per te larguar surratin prej skenes deshtakeve, e Valdetja te thone çfare te done.

Afersisht ne kete lemsh kane per te shkuar edhe ato 12 Dhjetorit, mostren e paskan gati.

[Dilaver]

Demokracia në Veprim, AAK hyn në balotazh me LDK-në

Demokracia në Veprim i ka publikuar rezultatet e zgjedhjeve preliminare për kryetar të komunës së Rahovecit.
Sipas këtyre rezultateve kandidati i LDK-së, Ibrahim Kryeziu, prinë me 27.80 % të votave. Pas tij radhitet kandidati i AAK, Smajl Latifi, me 26.88 % të votave, ndërsa kandidati i PDK së, Xhelal Canziba, ka fituar 26.63 % të votave.
Numërimi i 405 votave me kusht, do të jetë përcaktues për balotazhin, i cili pritet të zhvillohet me 19 dhjetor.
Gjatë ditës do të numërohen këto vota dhe Komisioni Qendror Zgjedhor pritet t’i kumtojë rezultatet.
Zyrtarët e KQZ-së patën publikuar rezultatet preliminare të zgjedhjeve për kryetar të komunës së Rahovecit, sipas të cilave listës i printe kandidati i LDK-së dhe ai i PDK-së.
AAK kishte reaguar duke thënë se kanë gjetur parregullsi dhe se kandidati i tyre ka vota të mjaftueshme për të hyrë në balotazh.


Bota sot