Rezultatet e zgjedhjeve parlamentare 2010

Dilaver · 12-12-10, 20:45

Exit pole: PDK 31%, LDK 25, VV 16, AAK 12.5, AKR 6.5, FER 4.5, LDD 2.5

(E plotësuar) Qendra për Studime Humanistike “Gani Bobi” ka organizuar “Exit Poll” mbi votimet e sotme parlamentare në Kosovë.
Sipas anketimeve nga kjo qendër, e udhëhequr nga publicisti Shkëlzen Maliqi, këto janë rezultatet:
Partia Demokratike e Kosovës (PDK)- 31 për qind të votave
Lidhja Demokratike e Kosovës (LDK) - 25 për qind
Vetëvendosja (VV)- 16 për qind
Aleanca për Ardhmërinë e Kosovës (AAK)– 12.5 për qind
Aleanca Kosova e Re (AKR) – 6.5 për qind
Fryma e Re (FER)– 4.5 për qind
Lidhja Demokratike e Dardanisë (LDD)– 2.5 për qind
Partitë tjera – 2 për qind.

Dilaver · 12-12-10, 20:46

Gashi: LDK po udhëheq me 5-6 % epërsi ndaj PDK-së

LDK-ja jo vetëm që ka kontestuar sigurinë e rezultatit të Exit poll-it, por e ka përmbysur atë duke shpallur se ajo është partia që po fiton.
Arben Gashi njëri nga anëtarët e shtabit zgjedhor të KQZ-së, në një prononcim për media, tha se LDK-ja prin me 5-6 për qind të votave, nga 20 mijë votat e numëruara deri më tash, me një shtrirje mjaft përfaqësuese.
Ai tha se këto të dhëna tregojnë tendencën e rezultatit të zgjedhjeve se ato po i fiton LDK-ja. Ai i hodhi poshtë parashikimet e Exit Poll-it si të pasakta. / BS

Dilaver · 12-12-10, 20:48

AAK konteston rezultatet e Exit poll-it, parashikimin për fitore të PDK-së

AAK-ja në një paraqitje para mediave pak minuta më parë kontestoi rezultatet e prezantuar pas gjysmë ore nga Exit poll, duke i quajtur të pasakta ato të dhëna, dhe se sipas tij nata do t’i përmbysë, pasi anketimi ishte tendencioz. Besnik Tahiri, zëdhënës i AAK-së, u bëri thirrje komisonarëve të kësja partie që të qëndrojnë stoik sepse rezultati do të jetë tjetër. / BS

Makresh · 12-12-10, 20:56

Ngushëllime Kosoves.

Dilaver · 12-12-10, 21:00

KQZ: Votuan 779.401 veta, apo 47.8 për qind

(E plotësuar) Sipas KQZ-së në zgjehhje morën pjesë 779.401 veta me të drejtë vote, përkatësisht 47.8 për qind. Këtij rezultati i mungojnë votat e 22 ekipeve mobile të votimit në Veri, të qendrave të votimit, në Gjilan, një në Prishtinë dhe të disa vendvotimeve të tjera.
Sipas kryetares së KQZ-së, Valdete Daka pjesëmarrja e serbëve ishte mjaft e lartë, përveç në Veri, në Partesh pjesëmarrja ishte mbi 50 për qind, në Graçanicë 48 për qind etj.
Në Prishtinë kanë dalur mbi 55 për qind e votuesve, në Prizren 44.3, në Pejë, 42.5, Deçan 43.6, Gjakovë, 40.13, Gjilan 46.8, në Istog 40.7, në Ferizaj mbi 47, në Mitrovicë në të cilën përfshihet edhe numri i votuesve në pjesën veriore kanë dalë 37 për qind, ndërsa pjesëmarrje rekorde ka shënuar Skenderaji, ku kanë dalur mbi 93 për qind e votuesve, që paraqet edhe një indikacion dyshimi. / BS

Oqeani · 12-12-10, 21:08

Dilaver · 12-12-10, 21:21

Në qendrën e votimit 1 tetori, ka fituar LDK

Sipas rezultatit të numërimit të votave në sallën 1 tetori, ku procesi i numërimit ka përfunduar, rezulton që LDK është e para, ndërsa Vetëvendosje e dyta./BS

Oqeani · 12-12-10, 21:23

Dilaver · 12-12-10, 21:43

PDK-ja feston fitoren e kësaj dege në Prizren

Dega e PDK-së në Prizren e ka shpallur fitoren e saj, dhe sipas zyrtarëve të saj atje, me një diferencë prej mbi 45000 vota. Ndërsa, kanë reaguar zyrtarë të partive të tjera, duke thënë se rezultati është më i ngushtë. / BS

Dilaver · 12-12-10, 22:09

Prishtinë: Festojnë edhe LDK edhe PDK

Parashikimi i fitores nga Exit-polli për PDK-në, ka nxitur simpatizantët e kësaj partie që të dalin dhe të festojnë në kryeqytet, ndërsa shpallja e epërsisë së vazhdueshme në procesin e numërimit të votave, nga LDK-ja, i ka nxitur të dalin dhe të festojnë në rrugët e kryeqytetit edhe ithtarët e kësaj partie.
Ndërsa, PDK-ja ka filluar festën edhe në Prizren. / BS

Dilaver · 12-12-10, 22:12

Feston PDK-ja e Vushtrrisë

Dega e Partisë Demokratike të Kosovës në Vushtrri, sipas njoftimeve të para ka shënuar fitore, duke u renditur sërish si partia e parë në këtë qytet. Simpatizantë të kësaj partie sonte rreth orës 23:05 minuta kanë ndriçuar qiellin e Vushtrrisë duke shkrepur fishekzjarre në shenj të fitores së degës së PDK-së./BS

Dilaver · 12-12-10, 22:15

PDK-ja kremton fitoren në Mitrovicë

Mitrovicë, 12 dhjetor 2010 (Kosovapress) Koha 22:38

Simpatizantë dhe anëtarë të PDK-së në Mitrovicë kanë filluar të kremtojnë fitoren. Shefi i shtabit zgjedhor të PDK-së në Mitrovicë, Rasim Veseli, ka theksuar se në bazë të 65 për qind të materialit të përpunuar nga vendvotimet, PDK-ja prin bindshëm. Sipas tij, PDK-ja ka marrë 40 % të votave, LDK-ja 23,5 %, Vetëvendosja 15.6 %, AKR-ja 8 %, AAK-ja 5.5 % dhe FER 4.5 %.

E_Zjarrta · 12-12-10, 22:25

Kosove e mjera ti edhe ni her hajnat tash po e di se 31 % te kosoves qenkan hajna

Oqeani · 12-12-10, 22:29

Citim:

Postimi origjinal është bërë nga E_Zjarrta

Kosove e mjera ti edhe ni her hajnat tash po e di se 31 % te kosoves qenkan hajna

Mos i nençmo edhe 25% se po te versulen !

Dilaver · 12-12-10, 22:35

Kryeministri Thaçi shpalli fitoren e PDK-së

Kryetari i PDK-së, Hashim Thaçi shpalli fitoren e PDK-së, pak çaste më parë, duke përkujtuar rezultatet e arritura nën qeverisjen e tij. Ai tha se kjo është fitore e Kosovës, fitore e Demokracisë.
Ndërkohë, që pak më parë Isa Mustafa ftoi simpatizantët e LDK-së që të presin rezultatet e KQZ-së, dhe nuk ka nevojë të bëhet asnjë manifestim nga ithtarët tanë në kryeqytet. Ai theksoi se rezultatet valide janë ato që i shpall KQZ-ja dhe se ato do të pranohen dhe të respektohen. Mustafa nuk pranuar t’i bëhen pyetje. / BS