Ndërron jetë Teki Dervishi

[Zero Cool]

Mbrëmë rreth mesnatës pas një sëmundje të rëndë ndërroi jetë Teki Dervishi.





Teki Dervishi u lind në Gjakovë më vitin 1943. Pas shkollimit fillor ai i ra në sy regjimit serb të asaj kohe dhe u burgos e u dënua që në moshën 17 vjeçare, ku vuajti dënimin disavjeçar me burgjet serbe.

Teki Dervishi gjatë gjithë jetës së tij u mor me shkrime letrare e publicistike. Është autor i rreth 90 veprave letrare artistike, romane, poezi, drama. Është autor i romaneve: Pirgu i Lartë, 1972, Padrona, 1973, Skedarët. 1974, Herezia e Dervish Mallutës, 1981, Palimpsest për Dush Kusarin, 1993. Ai shkroi edhe përmbledhjen e tregimeve: Etje dhe Borë, vëllimin e poezive Nimfa ,1970, Shtëpia e Sëmurë ,1978, Thashë, 1981, Nimfa,1986.

Ka botuar edhe këto drama: Zbutësi i njerëzve me sy prej zymrydi, 1979, Bregu i Pikëllimit, 1985, Pranvera e Librave, 1990, Zhvarrimi i Pjetër Bogdanit, 1990, Kufiri me atdhe, 1996, Vojceku, 1996, Eshtrat që kthehen vonë, 2000, Nesër nisemi për Parajsë, 1999, Ku është Populli?, 2003 si dhe i veprës me ese e kritika mbi teatrin Qan e qesh Talia ,1978.

[rastesishT]

Ngushellime familjes se Teki Dervishit me ka pelqy qdo gje e shkruar nga Teki Dervishi.

[Giovanni]

Ngushllime per familjen Dervishi.

[sherri]

(Dy vjet pa Teki Dervishin)

Mbetëm vetëm,
Se ishe dhuratë e premtuar, për dashurinë.
S`të lanë kohë, për ta flijuar dhuntinë,
U mishërove në maestro për letërsinë,
Shkollë e dinjitetshme për shqiptarinë.

Ta zgjojmë bekimin me dashuri,
E t`gëzohemi kur t`na braktisë kjo paudhësi.
Ta shpëtojmë strehën, e bëri porosi,
Përkulën të zgjedhurit, për këtë hirësi,
Dikur mjaftonte vetëm një fjalë e tij.

Ligështimin tonë e kthente në siguri,
Kujtojmë ndejat me qeshje, kur vinte në shtëpi.
Ai ishte streha, çliruesi, dhe muza jonë,
Ku po shkojmë kështu, po vonon shpëtimi jonë,
S`jeni të braktisur, besoni në bariun tonë.

Shtëpia jonë u bë erëz, u bë dashuri,
Por, misteri i fshehtë, mbretëron në çati.
Ke mëshirë për ne, jemi fëmijë,
Jemi të dobët, nevojtarë për frymë dhe dituri,
Na zë frymën e keqja, le të lind një si Ai.

Çfarë bëni këtu?
Ngutuni, se do të bie shi!
Pse kërkon të ndahesh prej nesh përsëri,
Akt i pendesës apo mrekulli,
Po ju dëgjoj, do të takohemi në përjetësi.

Prof. Dr. Neki Dervishi
Gjakovë