Njohje te reja te shtetit te Kosoves

[Llapi]

Shën Lucia njohu shtetin e Kosovës

Shën Lucia ka njohur edhe zyrtarisht pavarësinë e shtetit të Kosovës. Lajmi për njohjen nga ky shtet, është bërë i ditur në një konferencë për gazetarë nga këshilltari për media i Ministrisë së Punëve të Jashtme të Kosovës, Artan Behrami.
Shën Lucia është shtet në ishujt e Karaibeve anëtare e Komonuelthit. Ka një siperfaqe prej 620 km katrore me një popullesi rreth 173,765.
Me këtë njohje, numri i vendeve që kanë pranuar shtetësinë e Kosovës shkon në 81.
Këtë javë shteti i Kosovës është njohur edhe nga Guinea, Nigeri dhe Benini.


------------------
Zyrtare: Nigeri dhe Guinea njohin Kosovën


Nga Express më 16 gusht 2011 në ora 14:06
(E plotesuar)Zyra e Behgjet Pacollit ka dërguar para pak çastesh edhe notat verbale të dy shteteve që kanë njohur Kosovën, Republika e Nigerit dhe Republika e Guinea Conacry.

Republika e Nigerit ndodhet në Afrikën Perëndimore. Është vend gjymëpresidencial. Ka 1,267,000 km2 sipërfaqe tokësore dhe 15,306,252 banorë.

Republika e Guinea’s po ashtu ndodhet në Afrikën Perëndimore, kryeqytet ka Conakry’n, ka 245,857 km2 sipërfaqe tokësore dhe 10,057,975 banorë. Kufizohet me Guinea Bissau, Senegalin, Mali’in, Sierra Leone’n, Liberia’n dhe Bregun e Fildishtë.


Nigeri dhe Guinea njohën Kosovën, sipas Pacollit

Zëvendëskryeministri Behgjet Pacolli, përmes një njoftimi për media, tha se Kosova është njohur nga dy shtete.

“Ju njoftojmë se Zëvendëskryeministri i Parë i Qeverisë së Republikës së Kosovës, z.Behgjet Pacolli konfirmon zyrtarisht nga kontinenti i Afrikës se Republika e Guinesë Conacry dhe Republika e Nigerit, janë shtetet e radhës të cilat e kanë njohur pavarësinë e Republikës së Kosovës", thuhet në komunikatën e Zyrës së Pacollit.

Këto dy njohje, sipas komunikatës vijnë pas aktivitetit të dendur lobues të Zëvendëskryeministrit Pacolli.

"Brenda ditës ju njoftojmë për detajet e këtyre njohjeve”, vazhdon komunikata e Zyrës së Pacollit.

Zyrtarisht, deri më tash Kosova është njohur nga 77 shtete. Bashkë me shtetet që Pacolli thotë se na kanë njohur, atëherë shkon në 79 numri i shteteve që njohin realitetin e krijuar në Kosovë më 17 Shkurt 2008.

-----------------



Republika e Beninit njeh Republikën e Kosovës

Zëvendëskryeministri i parë i Qeverisë së Republikës së Kosovës, Behgjet Pacolli, ka konfirmuar zyrtarisht njohjen e 80 për shtetin e Kosovës, nga Republika e Beninit.

“Njohja nga Benini i është dorëzuar sot, zëvendëskryeministrit të parë të Qeverisë së Kosovës, z.Behgjet Pacolli nga Presidenti i Beninit Yayi Boni gjatë takimit zyrtar”, thuhet në një komunikatë të Zyrës për informim të zv/kryeministrit Pacolli.

Kjo njohje, siç theksohet më tej, ”është rezultat i aktiviteteve të vazhdueshme lobuese të zotit Pacolli në kuadër të diplomacisë së tij në shtetet veç e veç”.

Republika e Beninit kufizohet me Togon, Nigerinë, Burkina Fason dhe Nigerin.

Kryeqyteti i Beninit është Porto Novo me një sipërfaqe prej 110 mijë kilometrash dhe me rreth 9 milion banorë.

Aktivitetet lobuese të Pacollit, theksohet më tej në komunikatë, do të vazhdojnë edhe në ditët në vijim. /Zëri/

[Llapi]

Hoxhaj fton vendet islame ta njohin Kosovën Ministri i Punëve të Jashtme, Enver Hoxhaj u ka bërë thirrje vendeve anëtare të Organizatës për Kooperim Islamik, që të njohin pavarësinë e Kosovës. ... Postuar: 04:45:50 / 19.08.2011
Hoxhaj tha se 80 shtete e kanë njohur Kosovën dhe theksoi se janë vendet islame që ende nuk e kanë njohur pavarësinë. Ndërkaq, duke shtuar se një nga përpjekjet më të mëdha është anëtarësimi në BE dhe OKB, Hoxhaj vuri në dukje se janë duke u bërë përpjekje për krijimin e marrëdhënieve të forta me këto organizata. Hoxhaj tha po ashtu se pretendimi që Rusia dhe Kina janë duke mbështetur Serbinë nuk reflekton realitetin, por se këto vende e mirëkuptojnë situatën e Kosovës së pavarur, ka thënë Ministri Enver Hoxhaj, në intervistën e dhënë për gazetën Zaman, gjatë qëndrimit në Stamboll, ku ka marrë pjesë në takimin e Organizatës për Kooperim Islamik për Somalinë.

[tipi engjellor]

ani flm flm prej tyre per te gjitha keto njohje.....