Marketingu i dhunes

[Januzbrahimi]

Nje kriminel ia lidh duart nje femres per nje trari te tavanit me litar. Eshte e pafuqishme para tij. Ne gjoksin e saj vizaton me nje stilolaps konturet e nje objektivi per gjuajtje. Dhe pra, me nje vare dhe një fëndyell i hap kraherorin dhe ia nzerr zemren. Nje skene e nje filmi qe transmetohet ne televizionet tona ne oret e pasdarkes. Tmerri ka hy ne shtepite tona. Eshte nje mysafir i zakonshem, me te cilin jemi mesuar tashme, shpeshhere i shumepritur dhe i mirepritur. Sa jane ata qe kan provuar nje rrenqedhje kenaqesije kur e kan pa ne televizion agonine e Gadafit? Njerzit e thjesht, bashkqyetaret tane edhe vet ne jemi bere te zymte, buzeqeshjet tona jan gjithnje me te rralla, dashuria ndaj njeri-tjetrit eshte zbehur fort dhe vazhdon te zbehet edhe me shume.
Dhuna eshte nje droge. Kush e prodhon e di mire. E shet, e trafikon, e inserton ne masmediume.
"Avazh, lehtesi, mendim, fllad, perkedhelje, puthje,lumturi, livadh, peme, shoke, butesi...." jane fjale keto qe nuk i shpreh me askush, si per turp!
Kjo overdoze (mbidoze) dhune eshte valle shkaku apo efekti i nje shoqerie ? Pse dhuna eshte shenderru ne nje mall, qe projektohet, eksportohet, blihet? Lufta eshte be diqka e mire, quhet eksport i demokracise. Raketat qe vrasin civilet quhen bomba inteligjente qe e forcojne miqesine. Masakrat jane demokratike dhe zhvillohen ne frymen e miqesise. Ajo qka vret eshte se askujt nuk i pengon kjo. Nese nje ushtar i armatosur i cili shperndan vdekjen nga tyta e automatikut te tij quhet misionar apo ndertues i paqes, paqeruajtes, atehere kuptimi i fjales paqe dhe paqedashes e humb kuptimin e vet. Atehre Nena Tereze dhe çfardo misionari tjeter ,nje vullnetar i nje organizate humanitare si duhet te quhet ? Kur dikush tenton ta ndryshon kuptimin e fjales, ai ta ndryshon edhe kuptimin e botes!

[Zero Cool]

Tiranë, 21 dhjetor

Krimi në familje godet sërish. Një 54-vjeçar ka vrarë me 7 plumba bashkëshorten e tij gjatë kohës kur ky i fundit ishte nën efektin e alkoolit. Ngjarja në fjalë ka ndodhur dy ditë më parë në shtëpinë e familjes Mancaku në Ndroq, por vetëm ditën e djeshme ajo është denoncuar nga njëra prej vajzave të çiftit.

Burime nga Policia e Tiranës bëjnë të ditur se Ylli Mancaku, 54 vjeç, pasi ka debatuar me bashkëshorten Shpresa Mancaku, 50 vjeçe, ka qëlluar 7 herë në drejtim të saj duke i shkaktuar vdekjen. Ngjarja ka kaluar pa u marrë vesh për më shumë se 24 orë, kur njëra prej vajzave të çiftit ka njoftuar policinë.

Nga ana e saj, blutë e kryeqytetit kanë mbërritur menjëherë në vendngjarje pas marrjes së njoftimit, ku kanë bërë të mundur arrestimin e 54-vjeçarit Ylli Mancaku. Ndërkaq, sipas deklarimeve të para në polici, autori ka pranuar se kishte konsumuar alkool dhe se janë zënë, pasi bashkëshortja kishte shkuar në dyqan pa i marrë leje atij. Ndërkohë, grupi hetimor është duke mbledhur dëshmitë e të afërmve, për të zbardhur të gjitha detajet e ngjarjes.

[Zero Cool]

Detroit, 20 dhjetor

Një shqiptar dënohet me 40 vjet burg për shkak se theri me thikë për vdekje bashkëshorten në sy të fëmijëve në banesën e tyre në Chesterfield (SHBA) në dhjetor të viti 2009.

Leonart Nazarko, 43 vjeç, duke folur në shqip nëpërmjet një përkthyesi, i kërkoi gjykatësit falje dhe u shpreh se ndjen keqardhje për ngjarjen e ndodhur.

"Nuk kisha si qëllim të shkatërroja familjen time. Unë kërkoj falje, u kërkoj falje fëmijëve të mi për gjithçka ndodhi”, u shpreh Nazarko para trupit gjykues ditën e hënë, transmeton Lajmi i Shkupit shkrimin e Detroit Free Press.

Nazarko u gjet fajtor për vrasje të shkallës së dytë muajin e kaluar, lidhur me vrasjen e Andoneta Nazarko, 41 vjeç.

Avokati i Nazarkos, Carl Marlinga, u shpreh se do të zhvillojë një tjetër gjyq për shqiptarin.

Sipas avokatit, Nazarko nuk kishte ndër mend të vriste gruan sepse thika nuk u vendos në fyt, por qëlloi në shpatull. E megjithatë, thika preu aortën e gruas, duke i shkaktuar vdekjen.

Çifti kishte prej kohësh grindje dhe madje gruaja i kishte kërkuar bashkëshortit divorcin. Avokati shpjegoi se Nazarko, gjatë incidentit me thike donte thjesht ta kërcënonte gruan dhe jo ta vriste atë.

"Kjo nuk ishte vrasje e paramenduar, as e parashikuar që thika që do godiste ai në shpatull gruan, do t’i merrte asaj jetën”.

Ndihmës prokurori Therese Tobin kërkoi nga 20 deri në 40 vjet burg për shqiptarin, duke argumentuar se ngjarja konsiderohet e rëndë për vetë faktin se gruaja nuk e sulmoi bashkëshortin, dhe se ngjarja cilësohet tragjike, për shkak se ndodhi para syve të fëmijëve 11 dhe 16 vjec.

"Jeta e tyre u kthye kokë poshtë, ata panë sesi vdiq nëna e tyre”, tha prokurori.

Mësohet se fëmijët e çiftit shqiptar u adoptuan pas ngjarjes së rëndë. Ata nuk erdhën në procesin gjyqësor ku u dha dënimi për babain e tyre.

Autoritetet policore kanë mësuar gjithashtu se Nazarko për të mos lejuar gruan të divorcohej kishte marrë në banesë dhe benzinë me qëllim që ta digjte atë, por ka qenë ndërhyrja e një prej fëmijëve që ndaloi skenën makabre. E megjithatë 43-vjeçari nuk e pranoi këtë akuzë.

Çifti kishte jetuar në Chesterfield Township për rreth shtatë muaj para se të ndodhte ngjarja. Para kësaj, ata jetonin në Clinton Township. Çifti u martua në Shqipëri në vitin 1992. Gjatë kohës së qëndrimit atje, 43-vjeçari punonte si kuzhinier dhe pjatalarës në një restorant në Roseville.