Shkëmbim territoresh mes Serbisë dhe Kosovës

Shkëmbim territoresh mes Serbisë dhe Kosovës


28-10-2011 09:40 CET


Anëtari i Dhomës së Përfaqësuesve Dana Rohrabacher thotë se shkëmbimi i territoreve mes Serbisë dhe Kosovës është zgjidhje e mirë, nga e cila të dyja palët do të përfitonin.
Në një intervistë për shërbimin serb të “Zërit të Amerikës”, ligjvenësi amerikan thotë se hapja e çështjes së kufijve nuk do të ndikojë në çështjet e tjera në rajon, sepse bëhet fjalë për shkëmbim territoresh mes dy vendeve sovrane.
Ligjvënësi republikan Rohrabacher thotë se në dhjetë vitet e fundit Shtetet e Bashkuara janë përqendruar në Afganistan dhe Irak, por se ende ka çështje të pazgjidhura në Ballkan ku Shtetet e Bashkuara kanë përdorur forcën në vitet 1990 për të parandaluar vrasjen masive të popullit të Kosovës nga diktatura serbe.
Ai thotë se duhet të ketë një plan të ri, i cili do të shmangte një luftë tjetër në Ballkan.
Ligjvënësi Rohrabacher thotë se një luftë tjetër mes këtyre dy vendeve do të ishte e tmerrshme për popujt e rajonit dhe do të krijonte paqëndrueshmëri në mbarë botën, veçanërisht në Evropë.
Ai thotë se për t’i dhënë zgjidhje përfundimtare konflikteve të vazhdueshme mes popullit të Kosovës dhe fqinjit të tyre serb duhet të ndryshohen kufijtë aktualë që janë vendosur në vitet 1950 nga regjimi i Titos.
“Unë mendoj se për t’i dhënë fund këtij konflikti të hidhur dhe urrejtjes mes popullit të Kosovës dhe serbëve ne duhet të pranojmë kufij realistë, në vend që të imponojmë kufijtë e vjetër, të cilët janë vendosur nga Tito”.
Rohrabacher thotë se nëse e Kosovës i njihet e drejta për vetëvendosje, edhe serbëve në veri të Kosovës duhet t’u njihet e drejta për vetëvendosje. Por ai thotë, se ekziston një zgjidhje shumë e lehtë për këtë, sepse në Luginën e Preshevës 90 përqind e popullsisë janë kosovarë, të cilët nuk duan të jenë pjesë e Serbisë.
“Kështu që një shkëmbim territoresh, në këtë rast, nuk do të rezultonte në humbje të madhe të popullsisë ose territorit për këto dy vende. Do të ishte një zgjidhje nga e cila të dyja palët do të fitonin”.
Ligjvënësi Rohrabacher thotë se kjo zgjidhje do të ulte tensionet dhe do të rriste mundësinë për bashkëpunim mes këtyre popujve.
Lidhur me shqetësimet se hapja e çështjes së kufijve mund të ketë ndikim negativ në rajon, Rohrabacher thotë se frika nga kjo zgjidhje nuk është e arsyeshme. Ai thotë se bëhet fjalë për shkëmbim reciprok të territoreve dy vendeve sovrane.
“Pra, ne po flasim për një përfitim reciprok të shkëmbimit të territoreve. Kjo nuk do të shkaktojë hapje të çështjeve tjera. Kjo do të krijojë mundësi për fillimin e negociatave për shkëmbimin e dyanshëm të territoreve, që do ta përmirësonte situatën atje”.
Ligjvënësi Rohrabacher thotë se për shkak të armiqësive dhe situatës së tensionuar është e vështirë që njerëzit të jenë të arsyeshëm. Por, duhet të binden kosovarët dhe serbët se kjo është zgjidhje e mirë për të dyja palët.
Kosovarët në veçanti mund të përfitojnë nga kjo zgjidhje sepse 90 përqind e popullsisë në veri të lumit Ibër është e përkatësisë serbe. Dhe nëse situata vazhdon të injorohet dhe nuk bëhet asgjë, ata do ta humbasin atë pjesë të territorit.
Ai tha se trupat amerikane do të largohen nga Kosova brenda disa vitesh për shkak të problemeve financiare në Amerikës. Pas largimit të trupave amerikane nga Kosova, nëse problemin në veri të vendit nuk zgjidhjet, shton ai, kriza dhe konflikti mund të shpërthejë përsëri. /qik/
3

[Tarzani]

Kemi shkembye mjaft shume ..e veq nese ja falim Kosoven krejt per hater te evropes apo qiftit tend..., kishe tash don mu bo e mire serbia ne fund.. sanxhaku i nishit sa fshatra i ka pas e sa banor para vitit 1878 sa kan qen me nacionalitet Shqiptar diku 550 fshatra diku etnikisht shqiptare diku gjysma e tyre diku me pak vetem se gjithe keto fshatyra jan pastrue etnikisht e tash po kerkon ....pajtim histori... jo rastesisht i ke dhene 3 qytetete . leposaviqin,zveqanin edhe Zubin Potokin... edhe i ka marr pjesen lindore te Kosoves... arsya, me i shperngul shqiptaret qe andej dhe kendej me rrit nr e banorve te perzim me serb.... por i ka mbet ne fyt potezi i fundit edhe pse per nga teritori del fitimtare... sanxhaku i nishit si dhe sanxhaku i sotem novi pazari

Eh robti ti qifsha moj evropa kuve me deputet te parlamentit evropian jelko kacin e me erhard busek e me galuqa te unmik e me senator te sojit te tille......... ne tre p te somes kurr mos ju kofsha fal

[Arb]

Haziri për kufij të 1956-ës

Deputeti i Lidhjes Demokratike të Kosovës, Lutfi Haziri, ka deklaruar se problemi mes shqiptarëve dhe serbëve mund të zgjidhet në kthimin e kufijve historikë dhe natyralë të Kosovës që kanë ekzistuar deri në vitin 1956. Asokohe pjesë e Kosovës kanë qenë Presheva, Medvegja dhe Bujanovci, por jo edhe Leposaviqi me disa fshatra.

Haziri ka thënë për KosovaTimes se kjo mund të realizohet përmes një dialogu paqësor. “Këto vendbanime (Leposaviqi dhe disa fshatra të Zubin Potokut) me popullatë serbë i janë bashkëngjit Kosovës me qëllim të ndryshimit demografik të popullatës”, ka thënë ai.

Haziri, i cili ka qenë pjesë e bisedimeve për statusin e Kosovës dhe anëtarë i dy qeverive të pasluftës, kërkon të mbyllet çështja e kufijve që vazhdon të mbetet e hapur edhe pas shpalljes së pavarësisë.

“Kufijtë e pasluftës së Dytë Botërore janë kufijtë realë të Kosovës historike”, tha ai, duke shtuar se shkëputja e territoreve që kanë qenë pjesë e Kosovës është bërë në kuadër të reformave agrare dhe përmes një referendumi të manipuluar popullor që është organizuar nëpër fshatra. Paralelisht me këtë, është bërë shpërngulja e shqiptarëve për në Turqi me qëllim të ndryshimit demografik të Kosovës”.

“Është bërë ndryshimi demografik duke dërguar fshatra dhe vendbanime shqiptare nën administrimin e Vranjes si qendër administrative, dhe në anën tjetër duke sjellë serbë nga Kraleva në qendrën administrative të Mitrovicës”, ka thënë Haziri.

Ai konsideron se përmes një dialogu paqësor mes Kosovës dhe Serbisë mund të bëhet ridefinimi i kufijve. “Një dialog paqësor i definimit të kufijve që kanë qenë deri në vitin 1956 do t’i zgjidhte problemet etnike dhe territoriale mes serbëve dhe shqiptarëve. Raportin mes Kosovës dhe Serbisë, problemet e komuniteteve apo pakicave nacionale, dhe problemet territoriale”, ka thënë Haziri.

Deputeti Haziri thotë se politika e Kosovës duhet guximshëm të dalë me qëndrim politik që kufijtë që kanë qenë deri në vitin 1956 janë të pranueshëm për shqiptarët dhe i zgjidhin problemet në lindje ose juglindje të Kosovës dhe i mbyllin problemet në veri.

“Së pari Sërbia dhe Kosova e njohin njëra tjetrën me kufijtë egzistues. Më pas asnjë instancë ndërkombëtare nuk e ndalon ridefinimin e kufijve me marrëveshje. Kjo nuk paraqet ndryshim të kufijve. Me të rëndësishëm se kufijtë janë njerëzit. Një proces dialogu për kufijtë e atëhershëm nuk i bën keq as Kosovës as Serbisë, por përkundrazi, e mbyll problemin e serbëve në veri të Kosovës dhe e mbyll problemin e shqiptarëve në jug të Serbisë”, ka deklaruar Haziri. /Telegrafi/

[Oqeani]

Mire po e di se çka duhet, dhe te gjithe e dine, por si te veprohet !

[murrizi]

Luftfi Haziri e ka mire.
(Kshtu eshte) kur dikush guxon ta flet te verteten.

[Oqeani]

Postimi origjinal është bërë nga murrizi

Luftfi Haziri e ka mire.
(Kshtu eshte) kur dikush guxon ta flet te verteten.

Burri qe na ka folur ! E çka paska thene!!!

Postimi origjinal është bërë nga Oqeani

Burri qe na ka folur ! E çka paska thene!!!

......e qe de, hahahahahahah....

...s po di qysh me ja qu ket hart lute fukarase e me i than a e ke fjalen per qet kufi?

http://upload.wikimedia.org/wikipedi...umelia_map.jpg