Kosova Republikë

[Zero Cool]

Parulla"Kosova Republikë" sillte burg të ashpër pë Shqiptarët nga viset jasht shtetit amë.
Si'ç po duket historia po na përsëritet?!



Vetëvendosje: Janë arrestuar tetë aktivistë për parullën





Prishtinë, 14.02.2012 17:42
Lëvizja Vetëvendosje, ka njoftuar se sot janë arrestuar tetë aktivistë të kësaj lëvizjeje, për shkak të shkrimit të parullës “Kosova Republikë” në ndërtesën e Qeverisë së Kosovës.
Në kumtesën e Vetëvendosjes thuhet se policia kishte “intervenuar brutalisht”.
Aksioni i aktivistëve ishte bërë në kohën kur shefja e ekipit të Kosovës në dialogun me Serbinë, Edita Tahiri, po takohej me ndërmjetësuesin e këtij dialogu nga Bashkimi Evropian, Robert Cooper, në Prishtinë.
Qëllimin e këtij takimi, Lëvizja Vetëvendosje e përshkruan si “heqje dorë nga Republika”.
Vetëvendosje ka reaguar edj për mbajtjen e referendumit të serbëve në veri dhe vizitën e Cooperit në Prishtinë. Sipas deputetit, Glauk Konjufcës, Kosovës me këtë qeveri në krye po i përgatitet koncesioni i tetë me radhë që prej kur filluan bisedimet në tetor të vitit të kaluar.
"Me sa duket, Qeveria e Kosovës është e gatshme ta pranojë zgjidhjen që edhe Rezoluta 1244 të figurojë si footnote e emrit të Kosovës. Por kur u bë publike si mundësi, për shkak të reagimit të hovshëm të opinionit publik dhe politik, Qeveria filloi të thotë se ata kurrë nuk do ta pranojnë të përfaqësohen me Rezolutën 1244. Ky është kompromisi i tetë që po na e sjell Qeveria dhe radha e tetë që po i lëshon pe Serbisë, prej kur kanë filluar negociatat në mars të vitit 2011. Në të gjitha këto marrëveshje është Kosova ajo që është dëmtuar dhe Qeveria e Kosovës ajo që ka bërë koncesione" ka thënë Konjufca.
Ai ka thënë se nëse ndodh kjo, atëherë qeveria duhet të jep dorëheqje përderisa ka paralajmëruar demonstrata masive.