Letër lamtumire ambasadorit Dell

**LOJETARI** · 19-07-12, 14:12

Veton Surroi përmes një letre lamtumire i është drejtuar ambasadorit amerikan në Kosovë z.Dell .Si e komentoni ju këtë ?

jadore · 19-07-12, 15:58

Citim:

Postimi origjinal është bërë nga LOJETARI

Veton Surroi përmes një letre lamtumire i është drejtuar ambasadorit amerikan në Kosovë z.Dell .Si e komentoni ju këtë ?

si ta komentojme pa leter !
ku eshte letra ..?
..perndryshe, ja keshtu Alimja ja fut pauschall..

**LOJETARI** · 19-07-12, 16:20

Letra është publikuar në të përditshmen Koha Ditore .Nesër publikohet pjesa e gjashtë e saj . Mendova të debatohet në mes atyre që e kanë lexuar deri më tani .Prandaj të gjitha shkrimet që nuk kanë të bëjnë me temën edhe do të fshihen .

Bajlozi i Zi · 19-07-12, 16:38

Kaniher mendoj se i vetmi shtet sovran ne botë eshte rusia.
Nuk guxon me u ndi i gjallë asnjë ambasador i m*tit, tip delli e fituje. As nuk e rrujn rusët se çka tha rompui e baronesha eshton e barrosja e fylja e rasmuseni e rrota e sames. E qeverisin vendin e vet qysh t'ju don qoshja e vet. Edhe janë të kënaqur, mbi 50 % e milionerave të botë jetojnë në rusi.

ueee, u bana prorus???

aspak.

por, kanë dinjitet.

e vetmja pjesë që vlen të merret parasysh, sipas meje, nga kjo seria e letrës së surroit, është: ajo që ai e ka quajtur "keqpërdorimi i proamerikanizmit të kosovarëve". Të tjerat i ka të tipit "laj m*t me sh"rrë".

Gjallë kemi qenë e e kemi pa se si i njejti veton surroi duke iu zvarritur ambasadorit amerikan e fundosën akademik Dacin, veç pse ky i kishte thënë amerikanit se kurrsesi nuk e pranon për president vetonin pa e votu populli.

murrizi · 19-07-12, 16:51

Interesant, në këtë temë disi nuk ndihem i "obliguar" të postoj.
Jo për i gjë, veqse Veton Surroi ka pas me i lujt gur e dru për me ardh ne post kryetari, e tash kishe kilimili (dikush nga ata t'mdhojt ja ka nxe shpinen, se ky me guxu me qel, msa e qeli deri sot ?).

**LOJETARI** · 19-07-12, 16:56

Citim:

Postimi origjinal është bërë nga Bajlozi i Zi

Kaniher mendoj se i vetmi shtet sovran ne botë eshte rusia.
Nuk guxon me u ndi i gjallë asnjë ambasador i m*tit, tip delli e fituje. As nuk e rrujn rusët se çka tha rompui e baronesha eshton e barrosja e fylja e rasmuseni e rrota e sames. E qeverisin vendin e vet qysh t'ju don qoshja e vet. Edhe janë të kënaqur, mbi 50 % e milionerave të botë jetojnë në rusi.

ueee, u bana prorus???

aspak.

por, kanë dinjitet.

e vetmja pjesë që vlen të merret parasysh, sipas meje, nga kjo seria e letrës së surroit, është: ajo që ai e ka quajtur "keqpërdorimi i proamerikanizmit të kosovarëve". Të tjerat i ka të tipit "laj m*t me sh"rrë".

Gjallë kemi qenë e e kemi pa se si i njejti veton surroi duke iu zvarritur ambasadorit amerikan e fundosën akademik Dacin, veç pse ky i kishte thënë amerikanit se kurrsesi nuk e pranon për president vetonin pa e votu populli.

Çasje interesante ,megjithatë kjo fjalia e fundit nuk e qartëson pse zvarritja e Surroit do të duhej të ishte fundi i Dacit .
Ndersa për mendimin tim akuzat që Surroi ia bën Dellit janë të një dimensioni pak më të madh se veq larje e m. me sh.

Bajlozi i Zi · 19-07-12, 17:03

Citim:

Postimi origjinal është bërë nga LOJETARI

[/COLOR]

Çasje interesante ,megjithatë kjo fjalia e fundit nuk e qartëson pse zvarritja e Surroit do të duhej të ishte fundi i Dacit .
Ndersa për mendimin tim akuzat që Surroi ia bën Dellit janë të një dimensioni pak më të madh se veq larje e m. me sh.

Muhabete te thella, Lojetar,

prej inatit, surroi e qeli gryken e thesit me dollarë, e bleu kryesinë e kryesisë së ldk-së së asaj kohe (edhe të sotit, kqyri partinë ORA në kryesi të ldk-së, etj), e fundosi hambarin e votave të ldk-së, Nexhat Dacin... e solli hashimin në pushtet... hashim zvarraniku, pastaj, ia kaloi surroit me zvarritje ndaj ambasadorëve... ...the rest is history.

**LOJETARI** · 19-07-12, 17:21

Citim:

Postimi origjinal është bërë nga Bajlozi i Zi

Muhabete te thella, Lojetar,

prej inatit, surroi e qeli gryken e thesit me dollarë, e bleu kryesinë e kryesisë së ldk-së së asaj kohe (edhe të sotit, kqyri partinë ORA në kryesi të ldk-së, etj), e fundosi hambarin e votave të ldk-së, Nexhat Dacin... e solli hashimin në pushtet... hashim zvarraniku, pastaj, ia kaloi surroit me zvarritje ndaj ambasadorëve... ...the rest is history.

Prapë po më duket se po dalim jashtë teme , mbase pohimeve të tilla personalisht nuk ju besoj .Çka mua më tepër më intereson është se a do të do të reagoj dhe si do të reagoj Dell pas tërë këtyre akuzave .Nëse nuk reagon fare ,atëherë ku ka qenë qëllimi i tij me atë deklaratë drejtuar si Surroit ashtu edhe LDK-së .

Bajlozi i Zi · 19-07-12, 18:28

Sherri në fjalë, ka fillu nga ky shkrim në Koha Ditore:

Doli prej zarfit, tash nuk del prej zyrës!

Enver Robelli

Maskarada e organizuar nga ambasadori Christopher William Dell dhe kidnapuesi i shtetit Hashim Thaçi këto ditë mori formën përfundimtare: me bekimin e Gjykatës Kushtetuese Atifete Jahjaga mund të mbajë postin e kryetares – si rezultat i një marrëveshjeje politike antikushtetuese dhe antidemokratike
1.

Së pari një lajm i mirë: më së largu në shtator nga Kosova do të largohet Christopher William Dell, i cili që nga korriku 2009 shërbeu si ambasador i Shteteve të Bashkuara të Amerikës në Prishtinë. Kur erdhi në Kosovë, Dell ngjalli disa shpresa. Menjëherë mbajti fjalime, ku nënvizoi rëndësinë e luftës kundër korrupsionit, i përmendi viktimat që me vite presin drejtësinë, kritikoi plaçkitësit e Kosovës, të cilët sillen si kapadainj. Shoqëria civile e Kosovës, gazetarët, në përgjithësi opinioni kritik e mirëpriti këtë qasje të ambasadorit. Por, në fund të mandatit bilanci i Dellit është tejet i dëmshëm: në kujtesën e opinionit iluminist ai mbetet vetëm si shkatërrues i demokracisë, i intervenimeve arbitrare dhe kurdisjeve të vendimeve. Në vazhdim do të tregohet edhe pse mbetet i tillë.

2.

Paraardhësja e Dellit, Tina S. Kaidanow, kishte lënë një nam të keq prapa, duke u marrë me mikromenaxhim të politikës, mes të tjerash, edhe me qëndisjen e flamurit të Kosovës, me të cilin vështirë të identifikohet dikush – jo pse Kosova nuk duhet të ketë flamur, por pse ky bajrak është imponuar nga lart dhe jo si rezultat i një debati publik. Një shembull tjetër: a e mban mend dikush ndonjë fjalë nga momenti kur Hashim Thaçit si kryeministër i thanë ta recitojë proklamatën e pavarësisë? Jo! Jo, sepse deklarata e redaktuar nga Tina S. Kaidanow dhe vartësit e saj tingëllonte si një ditiramb i dobët, i cili dikur zakonisht lexohej me rastin e hapjes së kooperativave bujqësore në kampin komunist.

3.

Pas deklaratave premtuese në fillim të mandatit, Christopher William Dell e vazhdoi traditën e keqe të pasardhëses së tij. Në tri vitet e fundit ai ka qenë i përfshirë në pothuaj të gjitha veprimet e ndotura, të cilat ia kanë humbur kuptimin garës demokratike. Në Prishtinë ka diplomatë të Bashkimit Evropian, të cilët ankohen se ndikimi destruktiv i Dellit shkon deri aty sa e cakton edhe orarin se kur mund të shkojnë në WC liderët lokalë dhe disa përfaqësues të huaj. Kur e gjithë Kosova fliste dhe mediet shkruanin për politikanë të dyshuar për keqqeverisje dhe korrupsion, Dell nuk ngurronte t’i merrte ngrykë ose të dilte nëpër bare të Prishtinës me ta. Kur Kuvendi i Kosovës në shkurt 2011 në një atmosferë të kërcënimeve dhe shantazhit e zgjodhi në mënyrë antikushtetuese një matrapaz në postin e presidentit të Kosovës, rolin kyç - krahas kaubojit Sami Lushtaku dhe kidnapuesit të shtetit të quajtur Hashim Thaçi - e luajti ambasadori Dell. Mesazhet telefonike, të cilat citojnë Dellin, paraqesin ndërhyrje të drejtpërdrejtë në procesin zgjedhor të presidentit dhe do të mbesin në analet e historisë si moment i ndotjes së procedurave demokratike. Kur mediet i publikuan fotot me SMS, Dell inatçiu u përpoq t’u mbante ligjëratë gazetarëve për rregulla profesionale. Kjo ishte një ndërmarrje qesharake dhe e destinuar për dështim.

Kur Gjykata Kushtetuese e quajti zgjedhjen e matrapazit, i cili kishte thënë “Srbija [je] još majka Kosova, nažalost, zla majka”, si antikushtetuese, Dell e nxori nga zarfi një emër: një police ordinere, me dije politike nën mesataren e shumë qytetarëve të zakonshëm të Kosovës, do të bëhej presidente. Atifete (kush?) Jahjaga! Një marrëveshje politike, e arritur nën kërcënimet e Dellit, caktonte afatet kohore për zgjedhje të drejtpërdrejta presidenciale dhe për zgjedhje të parakohshme parlamentare, përfshirë edhe ndryshimet përkatëse në legjislacion. Nënshkrues të marrëveshjes ishin kryeministri, kanakari i tij dikur ish-komisar politik i Kremlinit, si dhe lideri i ngathët i opozitës. Marrëveshja caktonte afate kohore për këto reforma dhe për mbajtjen e zgjedhjeve.

4.

Ishte kryetari i Kuvendit të Kosovës, Jakup Krasniqi, i cili menjëherë pas zgjedhjes së Jahjagës presidente e citoi Kushtetutën, e cila përcakton një mandat pesëvjeçar të presidentit/presidentes. Kjo ishte një shuplakë e atypëratyshme për nënshkruesit e marrëveshjes dhe autorin e saj, ambasadorin Dell. Më vonë Krasniqi do të ankohej se me imponimin e Jahjagës si presidente ishin ulur niveli dhe profili publik që vetëkuptueshëm kërkohen për t’u zgjedhur në postin e presidentit. Këto deklarata paksa kryengritëse të kryetarit të Kuvendit bënë që Dell ta shpallte atë pothuaj armik të Amerikës – një metodë perverse kjo për luftimin e atyre që mendojnë ndryshe. Dhe kjo metodë është përdorur me bollëk të neveritshëm si nga Delli, ashtu edhe nga kidnapuesit e shtetit me Hashim Thaçin në krye, të cilët erdhën në pushtet me vota të vjedhura dhe me bekimin e ambasadorëve si Dell.

5.

Tani kemi një vendim të Gjykatës Kushtetuese, e cila, siç e ka nënvizuar edhe profesor Arsim Bajrami, me një formulim të paqartë bekon mandatin pesëvjeçar të presidentes – deri në vitin 2016. Sipas Gjykatës, shkurtimi i mandatit të Jahjagës “duket se pakëson” të drejtat dhe liritë e njeriut të garantuara me Kushtetutë. Thënë më së buti, ky vendim është shkruar me hamendje, me tahmin, siç thuhet në gjuhën popullore. Ambasadori Dell sot e quan marrëveshjen politike të arritur me rastin e zgjedhjes së Jahjagës hiç më pak se - gabim, por prapë përpiqet ta mbrojë, sepse paskësh qenë e diktuar nga rrethanat. Një gabim i mirë, pra? Dellit i takon merita në shpikjen e nocioneve të reja politike. Njëkohësisht ai apelon që të respektohet vendimi i Gjykatës Kushtetuese dhe bën disa elozhe qesharake mbi “punën e shkëlqyeshme” të presidentes, ndonëse për çdo ditë ne shohim një grua që ka probleme elementare të lexojë madje edhe një fjalim të shkruar nga vartësit e saj. Ndoshta Dell si punë të shkëlqyeshme të Jahjagës e sheh edhe rrahjen e një qytetari nga gorillat e saj – për shkak se qytetari kishte kërkuar t’i hapej rruga e zënë me veturat e Zyrës së presidentes, e cila po ujdisej në një sallon bukurie para takimit me presidentin e Shqipërisë.

6.

Atifete Jahjaga e ka bërë tashmë të qartë se nuk do të largohet nga posti i kryetares – përkundër marrëveshjes politike. Mesazhi i saj është ky: “Unë kam dalë prej zarfit, tash nuk dalë prej zyrës”. Ç’të bëjë opinioni i Kosovës me një presidente të tillë? Rrethanat e zgjedhjes së saj nga një marrëveshje politike antikushtetuese e bëjnë Jahjagën presidente me legjitimitet të cunguar. Është punë e karakterit të saj nëse do të vazhdojë të qëndrojë në detyrë, siç ka qenë punë karakteri edhe kur pranoi postin e presidentes. Por, përgjegjësinë më të madhe për këtë katrahurë politike gjithsesi e bartin shkaktarët e saj, e në radhë të parë Christopher William Dell. Të gjithë janë shkelës të Kushtetutës. Por, kjo nuk do ta shqetësojë Dellin: ai siklet të vetëm në të ardhmen do të ketë karrierën e tij. Prej postit të ambasadorit Dell duket se do të prapakthehet në shkallët e karrierës dhe në të ardhmen do të kryejë - me gjasë - një detyrë qatipi në një zyrë në Stuttgart, ku, sipas fjalëve të tij, do të merret me ushtrinë amerikane në Afrikë. Sa për krahasim: kolegu i tij ambasador në Shkup (2008-2011), Philipp T. Reeker, para një viti u emërua zëvendësndihmëssekretar i shtetit dhe është ndër zyrtarët kyç të politikës së jashtme amerikane.

7.

Nga marrëveshja e ndërmjetësuar nga Delli dhe e nënshkruar nga tre politikanët e përmendur, i laguri i vetëm del kryetari i Lidhjes Demokratike të Kosovës, Isa Mustafa. I gjendur nën kërcënimet e Dellit dhe jo fort i gatshëm të përballojë presionin, ai nënshkroi një dokument të pavlerë. Edhe kësaj radhe u dëshmua vërtetësia e thënies së Ciceros: “Epistula non erubescit” (letra nuk skuqet ose letra duron gjithçka). Njëjtë ishte djegur edhe ish-kryetari Fatmir Sejdiu, i cili, ndonëse profesor i drejtësisë dhe jo i papërvojë në politikë, u kishte besuar verbërisht “marrëveshjeve orale” me “ndërkombëtarët”. Nga kjo përvojë jo vetëm Isa Mustafa duhet të nxjerrë mësime.

I pari mësim duhet të jetë ky: derisa Partia Demokratike e Kosovës është një firmë biznesi që vepron jashtë kornizës demokratike dhe derisa kryetari i saj, i cili për fatkeqësinë e Kosovës është edhe kryeministër, vazhdon të bëjë politikë sipas parimit “kujt-po-ia-lëshoj-sot”, nuk duhet të nënshkruhet asnjë marrëveshje – as me PDK-në, as me Thaçin.

Mësimi i dytë: opozita e Kosovës duhet të bashkohet rreth synimit për të shporrur nga pushteti një firmë biznesi, tenderësh dhe krimesh, e cila vepron nën siglën PDK.

Mësimi i tretë: synimi për ndryshime cilësore në qeverisjen e Kosovës nuk arrihet me shfryrje pseudopatriotike dhe djegie flamujsh të Kosovës (siç veprojnë aktivistët e Vetëvendosjes), por po aq pak arrihet me opozitë vëzhguese, siç po e praktikon Lidhja Demokratike e Kosovës, një klub pleqsh që ambicie të vetme nuk e kanë zhvillimin e Kosovës, por ruajtjen e disa privilegjeve nepotiste. (Aleanca për Ardhmërinë e Kosovës mbetet e paralizuar për aq kohë sa lideri i saj vazhdon të ndiqet nga drejtësia ndërkombëtare).

Mësimi i katërt që duhet të nxirret është ky: në të ardhmen partitë opozitare shqiptare, të cilat së bashku kanë më shumë vota se PDK-ja, duhet të fokusohen në bindjen e qytetarëve për të marrë pjesë në zgjedhje. Nëse pushtetin e zgjedhin nja 25 deri 30 për qind e votuesve, siç ka ndodhur në zgjedhjet e kaluara, atëherë nuk mund të flitet për demokraci përfaqësuese. Kjo është demokraci klienteliste: në zgjedhje dalin vetëm ata që përfitojnë drejtpërdrejt nga sistemi korruptues (një vend pune, një tender, një privilegj), ndërsa 70 për qind e votuesve fishkëllejnë të zemëruar ose me vullnetin e tyre praktikojnë avashllëkun, duke e pranuar keqqeverisjen si “nafakë të keqe”. - Jo, keqqeverisja nuk është nafakë e keqe – është rezultat i apatisë, dembelizmit dhe anarkisë së vlerave.

**LOJETARI** · 19-07-12, 22:02

Ok Bajlozi i Zi ,

Tash, si duhet një njeri i thjesht , qytetar i Kosovës ta kuptoj këtë .
-Së pari; çka ka të pavërtetë te shkrimi i Enver Rrobelit ?
-A mundet një ambasador i shtetit me te forte demokratik me degradue deri ne kete masë ?
-A ka bërë Veton Surroi mirë që po reagon në këtë mënyrë ?
-Çfarë interesi kanë SHBA- të të përkrahin një klasë politike ne krye me Hashim Thaqin deri në këtë shkallë ?

Thjesht ,kujt duhet qytetari i thjesht t'i besoj ?

**GURI SYLAJ** · 21-07-12, 10:50

I nderuari Lojtari!
Qytetari i KOSOVES NUKKA NEVOJE ME I BESU ASKUJT SEPSE AI ,TASHME,ESHTE BIND SE PO NUK U BERE HAJN DHE MATRAPAZ NE KOSOVE E KE VESHTIRE MEMBIJETU !

Ambasadori Dell ,jo njehere ,ka bere "qudira" me sjelljet e Tij ne Kosove .Kjodo te shihet me von.Por edhe Vetoni eshte pjese perberse e keryre "qudirave" qe Kosova po ipaguen per cdodite e meshtrenjet!!

Artisti · 21-07-12, 11:18

Nuk e kam lexuar letrën, por sipas shkrimeve këtu, Veton Surroi bën gabim pas gabimi dhe edhe ky gabim nuk do të jetë i fundit.

Besueshmëria e tij u pa që moti, votuesit nuk lejuan një " magar" të tillë që të mbijetoi në skenën politike.

U rrah me shumë pak vota, dha dorëheqje nga Partia Ora me shpresë se kjo Parti pa të do të rritet.Votuesit e nuhatën që ai ishte në prapaskenë dhe bënte regjin.

E dënuan aq ashpër sa që e tërë Partia u dashtë të kapitulloi.

Nuk i mbeti asgjë tjetër veçse të bashkangjitet në jetën e "errët" ku bëhen bizneset e errëta.

" Magari" para se të jap shpirt, shkelmon edhe njëherë!!!!

.

Bajlozi i Zi · 21-07-12, 12:01

Citim:

Postimi origjinal është bërë nga LOJETARI

Ok Bajlozi i Zi ,

Tash, si duhet një njeri i thjesht , qytetar i Kosovës ta kuptoj këtë .
-Së pari; çka ka të pavërtetë te shkrimi i Enver Rrobelit ?
-A mundet një ambasador i shtetit me te forte demokratik me degradue deri ne kete masë ?
-A ka bërë Veton Surroi mirë që po reagon në këtë mënyrë ?
-Çfarë interesi kanë SHBA- të të përkrahin një klasë politike ne krye me Hashim Thaqin deri në këtë shkallë ?

Thjesht ,kujt duhet qytetari i thjesht t'i besoj ?

Shkrimi i Enver Robellit, është i pandershëm, dhe jofisnik.

Për inati të gomarit (hashimit), mshoji samarit (dellit).

Në instanca më të larta: shkrimi i Robellit, i pastron plotësisht hashimin. Demek mos me qenë Delli, nuk do të ishte hashimi. (shqipëria pa Dell, pati enver!!!).

Surroi,
Nuk ka çka me humbë ma shumë. Për këtë edhe e ka "lirinë" për me e shprazë krejt arsenalin, ndash kundër amerikës, ndash kundër zotit.
Surroi nuk përfaqëson asgjë, sot.

Ne as që duhet të guxojmë të ndikohemi nga kjo letër e tij. Sepse është diplomaci e shpellës, e frëngjisë, zine një pozitë edhe futja kush të del përpara.

Shqiptarët, po. Kanë çka humbin.

Dellit dhe Amerikës, i konvenon që proceset të shtyhen përpara. Ndash me hashim, ndash me atifete.

Pas 20 vjetësh, nëse shqiptarët do të jenë të lumtur me shtetin e tyre, kjo puna "hashim e atifete e dell" do të ketë rëndësi qaq sa ka rëndësi për neve sa kanë kushtu specat edhe patligjanat në vitin 1993 në Kosovë.

SANTANA-29 · 21-07-12, 13:12

Erdha ne perfundim se shqiptarit nuk duhet as ti ndihmosh,se ta kthem me te keqe ,se kemi zakon nje Mik te Pershendetim keshtu se ka ardhur per te mir e jo per te keqe,po qka ti bejsh popullit tone se jan te prapambetur te prishte te korruptuar te qmendur te tranuar per nje karrik,,

Ka pak vite kur na u knaq zemra se avionat amerikan shkatrruan serbin ,e ne brohoriTshim USA...e tash po shrrasim ,,,????????????????????::

Vetoni per mua edhe pse eshte nje nder intelegentet me te mdhej shqiptar nuk eshte deshte te hyj ne lojen e hashimit me te theme e thash ,,

Lojtar ....une pak e bali pak,,mos na kritiko neve ,,

**LOJETARI** · 21-07-12, 23:56

Jam plotësisht në anën e Veton Surroit .Letra e tij drejtuar Dellit besoj që shumëkujt ,e posaqërisht intelektualëve të Kosovës do të duhej t'u shërbej si shembull se edhe zotit që ta ka falë jetën nuk duhet nënshtruar kur e ka gabim .
Veton Surroi përmes kësaj letre lamtumire shpalos një varg argumentesh se deri ku ka arritë klasa jonë politike ta përdhunoj identitetin dhe dinjitetin e qytetarit shqiptar të Kosovës .Ky përdhunim bëhet edhe më tragjik kur kjo klasë politike merr bekimin e ambasadorit amerikan në shkuarje .
Mos t'i ngatërrojmë gjërat ,Veton Surroi në asnjë moment nuk e vën në dyshim rëndësinë dhe rolin e SHBA-ve për Kosovën ,prandaj kjo përplasje Dell -Surroi duhet diferencuar dhe vlerësuar jo si konflikt mes Surroit dhe politikës amerikane por të keqes dhe të mirës ,apo injorancës dhe intelegjencës .
Ambasadori në shkuarje për habi të shumëkujt në një intervistë lamtumire na lenë amanete (këshilla)të çuditshme duke filluar nga etiketimi i LDK-së ,AAK-së ,vetvendosjes dmth diskualifikimin e opozitës e deri te përqeshja Veton Surroit gjoja se i qenka zvarritë aq shume Hashim Thaqit që ta bëj president .Thjesht bën atë që shumëkush pyet me të drejtë ,interesat e kujt po i mbron ky njeri ?
Unë për vete në asnje nga këto që ka shkruar Veton Surroi nuk gjeta diçka të pavërtetë .