Kryesia e LDK-së shkarkon kryekuvendarin Nexhat Daci

[Dilaver]

Kryesia e LDK-së shkarkon kryekuvendarin Nexhat Daci
http://www.kosova.com/images/spacer_CCCCCC.gif
Prishtinë, 1 mars - Kryesia e LDK-së me 15 vota për dhe 4 abstenime sot ka shkarkuar Nexhat Dacin nga posti i kryektarit të Kuvendit të Kosovës. Para se Kryesia e LDK-së ta merrte këtë vendim ajo e ka njoftuar paraprakisht kryekuvendarin Daci me këtë mundësi, dhe se sipas Eqrem Kryeziut nënkryetar, ai është deklaruar se do të pranonte çfarëdo vendimi të LDK-së.
Kryesia e LDK-së ka marrë një vendim të vështirë, por të domosdoshëm, tha Kryeziu. Dhe pikërisht ky vendim konsiston në faktin që Kolë Berisha ta zëvendësojë Nexhat Dacin, si kryetar i Parlamentit të Kosovës.
"Ne vazhdimisht themi se e duam një Kosovë demokratike dhe të pavarur në emër të Zotit, ndërsa kur vjen puna, nuk e kam fjalën për Nexhat Dacin, karrigen më shumë apo demokracinë, aty vëhen në dyshim, dhe nuk po them vetëm për njerëz në Kosovë, por në krejt Ballkanin. Dhe pikërisht këto teste që nuk janë të lehta, janë shumë të vështira, janë dëshmi e orientimit institucional të shoqërisë kosovare dhe të institucioneve për të treguar praktikisht dinamizimin se në ecjen demokratike të Kosovës mund të bëhen edhe këso ndryshime pa pësuar tronditje as subjekti politik as shoqëria kosovare", tha Kryeziu.

Ai këtë e quajti një vendim të rëndë pas një debati të vështirë.
Kryeziu shpreson që nesër z.Daci të vijë në LDK dhe të ofrojë dorëheqjen. Ndërsa, i pyetur nëse ndodh që z.Daci të mos tërhiqet, ai tha se edhe për këtë është biseduar paraprakisht. "Para se të hynim në mbledhje unë dhe Naim Jerliu (nënkryetar i LDK-së) e kemi takuar zotin Daci dhe ai tha se çdo vendim të kryesisë e pranon", tha Kryeziu.
Nënkryetari i parë i LDK-së Eqrem Kryeziu shkarkimin e z.Daci e ka quajtur test për demokracinë e vendit, në kuptimin pozitiv.
Ndërkohë që AAK-ja pritet brenda çastesh ta bëjë publik vendimin e saj për shkarkimin e kryeministrit Bajram Kosumi.

[Dilaver]

Daci nuk do të pranojë vendimin e Kryesisë së LDK së për shkarkimin nga posti, thotë këshilltari i tij
http://www.kosova.com/images/spacer_CCCCCC.gif
Prishtinë, 2 mars - Këshilltari i Kryeparlamentarit Ramush Tahiri ka thënë se Nexhat Daci nuk do të pranojë vendimin e Kryesisës së LDK së për shkarkimin e tij nga ky post, duke e vlerësuar këtë vendim si "stalinist" dhe të ndikuaar nga presionet e jashtme.
Tahiri citon Dacin të ketë thënë se anëtarët e Kryesisë së LDK së i kanë bërë presion atij për të dhënë dorëheqje. Ramush Tahiri po ashtu citon Dacin të ketë thënë se Kryesia e LDK së nuk është organ legjitim për të vendosur për shkarkimin e tij.
"Tash mbetet që të zgjidhet në forumet më të larta se sa që është Kryesia e partisë. Mundet që edhe në Këshillin e Përgjithshëm të LDK së do të jetë vendimi i njëjtë, mundet që do të jetë vendimi i ndryshëm, por mundet që në ndërkohë, si të themi edhe nën udhëzimet ndërkombëtare që Kuvendi me aklamacion t'i zgjedhë anëtarët e rinj në Kryesi dhe ta shkarkojë kryeparlamentarin Daci.

[Dilaver]

Kryesia e FR të LDK së: Shkarkimi i Nexhat Dacit është i paanalizuar dhe jo valid
http://www.kosova.com/images/spacer_CCCCCC.gif
Prishtinë, 02 mars - Kryesia e Forumit të Rinisë të LDK së në mbledhjen e sotme të jashtëzakonshme ka diskutuar rreth zhvillimeve të fundit në skenën politike në Kosovë dhe reflektimin e tyre në Lidhjen Demokratike të Kosovës.
Nëpëmjet një komunikate për shtyp, "Kryesia e FR të LDK së shpreh qëndrimin e saj unanim se vendimi i Kryesisë së LDK së për propozim shkarkimin e akad. Nexhat Dacit nga posti i Kryetarit të Kuvendit të Kosovës është i paanalizuar dhe jo valid".
"FR i LDK-së çmon punën dhe angazhimin politk të akad. Nexhat Daci në LDK dhe në institucionet e Kosovës dhe njëkohësisht kërkon mbledhjen urgjente të Këshilit të Përgjithshëm të LDK së për të shqyrtuar situatën e krijuar dhe marrjen e vendimeve me qëllim të ruajtjes së unitetit dhe funksionimit normal të partisë si dhe ruajtjes së besimit në elektorat.
Forumi i Rinisë i LDK së gjithmonë do t'i qëndrojë besnik rrugës së Presidentit Rugova", thuhet në fund të komunikatës.

[Vranina]

Qekjo pun po me duket si ajo tregtia e Nasradinit,

"Shit Atllar e blej magar"

[Arb]

Daci duhet te pranoj vendimin e Kryesise se LDK-se, pasi nje vendim i tille ka ardh nga shumica e Kryesise. Madje asnje nuk votoi qe ai te mbetet ne ate post.

Ata qe i besuan kete post, pas tri vitesh kane arsyet e tyre qe te vendosin per shkarkimin e tij. Ne baze te votimit te Kryesise se LDK-se, verehet se nuk ekziston me besimi i mjaftueshem ne punen e tij ne ate post.

Nese ai kembengul per te mos pranuar shkarkimin atehere ai edhe nje here tregon se ato "shuplakat" qe ai ia dha disa here LDK-se, nuk ishin te rastesishme.

Vota e popullit, dhe e kryesise se LDK-se ia besoi ate post, tani po ata kane drejte te zbresin Dacin nga ai post.

Z. Daci ka meritat me punen e tij ne Parlament, e sidomos ne kembenguljen e tij perballe "lojerave" qe opozita vazhdimisht perpiqej te bente ne parlament, per ta shenderruar ate ne nje "shesh te lojerave te femijeve."

Jane per per te vleresuar nderhyrjet e tij ne fjalime femijesh te opozites, qe vazhdimisht ka luajtur rol dekonstruktiv ne Parlament. Ai u tregua trim dhe iu nenshtrua asnjehere sulmeve te vazhdueshme te Enveristeve...

Po ashtu Daci u tregua kembengules para nderkombetareve, qe ata te marrin me seriozisht njerezit e institucioneve te Kosoves.

Me disa qendrime te tij te ngutura humbi besimin tek nderkombetaret dhe zyrtaret e UNMIK-ut.

Vlen te vleresohet larte puna e tij ne organizimin e shkelqyer te Ceremonise Mortore te Presidentit.

[pokeri]

E huazova këtë postim te XENINI, të cilin e kisha postuar dje (është IMI), dhe mendoj që mund të shërbej të publikohet edhe këtu...

Kjo është matematikë e thjeshtë. Sa do të duket "fantastike" skenari është ky; "Realizimi(krijimi) i pashmangshëm i UNIONIT DEMOKRATIK TË KOSOVËS"! Tani, Daci do të tërheq një pjesë të "ithtarëve" brenda LDK-së, dhe bashkë me Ramushin ta krijojnë UNIONIN (këtu Daci do të zë një vend më "meritor", dhe nuk do të jetë "i pa-bazë" siç ishte në LDK! Derisa do të ndodh e gjithë kjo, do të ketë "shkarravitje" andej e këndej, por megjithatë LDK do të copëzohet... Nejse, kështu e ka demokracia, dhe duhet të mësohemi edhe me këso lajme të MIRA! Proceset si Ky, i kam parashikuar në një shkrim në po këtë Forum "XENINI" (kishte komente idioteske nga Zuzari, Urban-kanalizimi...) por ja që doli profetike (analitike-politike bre)!


E kam thënë, (akoma mbetet dilemë, kush do ta shaloj alamet veturën)???


E thotë një shkrimtar i madh; "ASGJË NUK ËSHTË MË FANTASTIKE SE SA REALITETI" !

[Gentiani]

Është tejet interesant zhvillimi i ngjarjeve politike në këto dy ditët e fundit!
Lidhur me vendimin e Kryesise se LDK-se për shkarkimin e Dacit nga posti i kryeparlamentarit të Kosovës, shihet qartas që e kanë tërhequr fijen e shtjellimit të lëmshit e drejt shkatërrimit, ju lumtë kësaj here ju përkrah bile ju uroj shkatërrim sa më të shpejt dhe komplet, më mirë nuk e meriton një kastë injorantësh e debilash e quajtur Kryesi e LDK-se!

Po të isha në pozitën e Dacit nuk do e pranoja e as do e njihja këtë vendim, pamvarësisht se a vjen nga kryesia dhe individët mbrenda saj! Kam lexuar e dëgjuar se bien qeveri e legjislatura, ndërrohen e vjen tjetra, por kjo risi me kryetarin e parlamentit është e paparë.

Ose nëse kanë vendosur tu prijnë zhvillimeve demokratike, të shpallin zgjedhje të reja parlamentare dhe shqiptarët kanë si shumë nevojë për zhvillime demokratike mu para procesve vendimtare e vendimmarrëse u japin luks vehtes të eksperimentojnë !!! :rolleyes:

Nuk është edhe aq keq që të shpërndahen letrat edhe njëherë nga fillimi dhe të shihet se kush ku është dhe ku po mbetet?!

[Xuki]

Mirë e paska pasë ai gazetari i Epokës së re kur tha në lidhje me vdekjen e Dr. Ibrahim Rugovës: "LDK-ja hala nuk di se çka e ka gjetë"

[AXHA]

Selam pej meje.
Mas pari pom vjen mier qi u qel kjo od se kogjo moti skemi mujt me ja msy.
Sa per muhabetin qi e paskni nis spo mun durohna pa e than edhe une menjen teme.
Mas pari per me fol per mat madhin e parlamentit duhet bile pak me ju afrue me dijeni e me shkoll,po masi jan qel kto oda pe thojn menimin krejt qysh po jau mer menja e sa din,po thom sa po din se kerkush nuk po thot qi nuk din.
Pej qi i ka pri parlamentit si maj madhi shum i neruemi Daci veq smrami ja kam pas zan per tmadhe qi me shok tvet e ban njet mej prit sabit qi i paten marr udht e dynjas,e u deshke qato dit per me emnue fatmirin nven mat madhit tkosovs.
SA PER AXHEN QYSH PO DOKET QYSH JA KAN NIS KTA TPARTIS MAT MADHE QITASH PER QITASH SE PER MA VON SI DIHET SA TMDHAJ KAN ME KAN VEQ BANE ZOT HAJR E QAQ.
NJA DIHET QI NA SMUJM MEJ DIT KREJT PUNT PSE ERDH E QYSH ERDH KJO PUN VEQ PO FLASIM QKA U DOKT E QKA U NIE PEJ MAT MADHIT TPARLAMENTIT SIMAS AXHE SU DESHT MEJ ARDH PUNA KSHTU MAT MADHIT TPARLAMENTIT.
THOJSHIN KTYNE HERE PLEQT MET BA DIKUSH ME LLAFE SKA GEJLE PO ME BA TI VET ME LLAFE NJERIN TAN PARTIN TANE ASHT PAK MA NRYSHE.
KUR E NISI NI MUHABET KJO SORRA ME ZOJT E VET U DOKT QI GATI KREJT I DUELEN NKRAH MAT MADHIT TPARLAMENTIT,PO U DOKT SE PAK VET PEJ KSAJ PARTIE SU NIEN QI JAN GJALL AT DITE E TASH PO DOKET PSE NUK JAN NIE SE TEK JAN KAN TU JA GATUE MAT MADHIT TPARLAMENTIT KULAQIN E SE DIN QI TE AXHA E KAN MARUE KIT KULAQ PER VETI.
PSE PO THOM TE AXHA SE TJETER SMUJM MEU BA POS QI QAT KOKERR QI E KAM QIT DEJMA NKIT PARTI SE QES KERKUN HIIIIIIIIIIIIIIIQQQQQ.
EDHE NI TJETER PUN SPOM DOKET TEJ DJE SAKE GJALL MAJ MADHI I KOSOVS BANI MAJ MADHI I PARLAMENTIT E SOT JOOOOO,A SMUJTEN HIQ MA SHUM ME PRIT PER KTO TQITNE E THASH E MTHE POS QIKAQ PAK DIT MASI QI DIQ MAJ MADHI I KOSOVS AAAAA.
PAJ NKOFT QI KA PAS FAJ MAJ MADHI I PARLAMENTIT QKA PRITEN TEJ TASH AJ FAJET NI PAQ BA I KA BA SA ASHT KAN GJALL MAJ MADHI I KOSOVS SE MAS DEKS TINA POS FATMIRIN QI E EMNUEN TJETER SDI QI KA NODH.
SAQI JA KA PRISH TIMIN KUJNA PEJ KTYNE TJASHTIT SKA MUJT ME KAN MA SHUM E PRISHNE SE QI KREJT E LYPSHIN MOS ME BA RAMUSHIN MAT MADHIN E QEVERIS EEEEEEEEEEEEE QKA NODHE,SA E DIN AXHA KURGJA JAN DATH VET.
PO TUTNA QI PO VJEN AJ VAKTI I ATI MAGJUPIT QI KUR ISH BA I MADH JA KISH KAJT DERRTIN MAS PARI BABS TVET PER ME JU TUT E ME MLEDH MEN TJERT MEDEMEK PER MEU BA I MIER NMAS,JA SI MA SHKURT ME KALLZUE TRIMNI SE QKA MUJN ME BA DIKUSH DIKUSHI KUR TJU VJEN NKUTI.
SA ME SEVDA E TRIMNI DUELEN KTA TRET QI PEJ PRIN PARTIS MAT MADHE NIHER PER NIHER PO STU KA SHKUE LARG QYSH JA KAN NIS JOOOOOOO,PO A MUNET DIKUSH ME JA QIT NMEN AXHS SA HER JAN DOKT BASHK KTA TRE AZGANA KUR U VRAJSHIN MAT MEQMIT E KOSOVS,A JAU KA NIE KUSH ZANIN,SAQI KAN PUNUE PER MEU RUEJT MAT MEQMIT E KOSOVS SA VET I KAN HJEK JA I KAN NRRUE QI SKAN MUJT MEJ RUEJT QYSH DUHET,JA SA VET JAN ZAN QI I KAN VRA MAT MEQMIT E KOSOVS.
QKA ASHT NJA E ZEZ E KAN THAN DO PAK VET QI KEN DAL PEJ PARTIS MAT MADHE TKOSOVS E KUSH SJAU NJEV ZANIN KTYNE FAR AZGANASH A KSI HOVI DUELEN SI ATO GRAT E KEQE ME LLAFET BOLL SHTIR PO PO DUHET ME BA,POOOOOOOOJ MA LET E KAN PAS ME KALLZUE PSE DUHET ME HJEK SE QKA KAN BA MOREEEEEEEEEE.
KEQ JAN KAN PAS RREJT ATA QI VRAJSHIN MAT MEQMIT E KOSOVS SE LIGET PARTIA MA E MADHE E KOSOVS,POOOOOOOOOO ATA MUJN MEU GZUE SE PARTIA MA E MADHE E KOSOVS LIGET ME QISO PUNSH QI SI KA PAS TEJ TASH,SI MA SHKURT SILL E BIR VETIT.
KURGJA MOS TISH KAN DESHT MEU BA NJA ASHT DESHT MEU BA,U DESHT KJO PUN MEU KRYE E QATHERE ME KALLZUE SE JO QYSH PO DOKET SE I ERDH PUNA KSAJ PUNE,JOOOO KEM, JOOOOOO NA THA,JOOOOOOOO TVIN ME NA THAN,JOOOOOOOOOOOOOOOOOOOOO SE KAM LLAFIN PER TA PO PER TJERT NBALLKAN SE KTA TRET KU ME DIT KU PO RRNOJKAN,JOOOOOOOOOOO AJ PER MUE ASHT DIKUSHI JO KSHTU E JO ASHTU,QI MOS ME ZGAT MAS PARI MEJ KRYE PUNT NERMJEVETI SE GJAKSA NUK JAN KAN,E JOOOOOOOO DIKEN ME SHTI ME KESH E DIKUJT SI AXHS MEJ SHTUE MERZI.
ME MA BA HALLALL JU SHUM TNERUEM MUSAFIR ME ZOT E SHPIS SE E ZGATA KOGJO SHUM KSI HOVI PO QYSH THASH EDHE KUR JA NISA NJERI FLET SA JA MERR MENJA E SA MUNOHET ME DIT,MEDEMEK AXHA ASHT NJA PEJ ATYNE QI QKA TA KEN E THOT HIQ PA MENUE SE DIKUJNA I JET HATRI JA MA ZEN PER TMADHE.
SHUM TNERUEM MUSAFIR EDHE JU ZOT E SHPIS JAM PEJ SHUM ATYNE QI ME ZEMER E KA DASHT EDHE E DON PARTIN MAT MADHE NKOSOV,JOOOOOOOOOO PSE SHUM PEJ JUSH E KAN DASHT PO MA KA MARR MENJA SE DUHET ME DASHT,PER QATA JAU DI SHUM PER FALEMINERES SI JUVE SI ATA QI MENOJN NRYSHE SE MKENI NERUE NMUHABETE QI I KAM PAS ME JU,SE VALLAHI BILAHI TE NI OD NKOJSHI JO VEQ TSHAME PO EDHE PLUMIN MA KAN MANUE.
PSE I THASH QITO LLAFE MA NALT SE QYSH KAM PAS DREJT ME DASHT EDHE ME QEF ME SHKRUEJT PER PARTIN MAT MADHE NKOSOV NIHER PER NI HER MU KA PRISH QEFI PER ME HI MA NKIT OD TE POLITIKA.
MIER U NJEFSHMI E JAU NJEFSHA TMIEREN SHUM TNERUEM MUSAFIR ME JU ZOT E SHPIS.

[Gentiani]

Përshëndetje o AXHA,

Megjithëate duhet të hyjmë edhe në odën e politikës, pamvarësisht formës së ligështisë dhe sulmit të hijenave nga kryesia e LDK-së ndaj Dacit.

Dje u kyça shkurtimisht, në mungesë kohe në temë.

Skena politike në Kosovë është përplot zhurmagjinjë politikanë që bëjnë zhurmë në jetën politike dhe institucionale, por pak, shumë pak e pothuaj aspak politikan të tillë që kanë fjalë, vepra,mendje, sjellje dhe qëndrim burrash sikur Nexhat Daci.

Pikërisht është kjo që u ka penguar dhe pengon zhurmagjinjëve, injorantëve njerëzve të vdekur për së gjalli, anëtarëve veteranë të kyçur në parti me vite duke bartur funksione mbrenda partisë e asgjë e vlefshme nga ata me vite të tëra.

Nexhat Daci është figurë komplete, në mbrendinë e së cilës ka njerëzi, mençuri, vendosmëri, trimëri, dinjitet njerëzor e parasëgjithash shqiptar i ngritur intelektualisht në piedestalin e shkencës dhe i mençur tu paraprijë dhe drejtojë proceset me vendosmëri. E këte nuk e kanë pasur, nuk e kanë e ndoshta shkojnë shumë e shumë kohëra të gjindet dikush nga ata, që shkarkojnë Dacin nga posti i kryeparlamentarit. Me një fjalë dhe shkurt Nexhat Daci me gjitha ato veçori që i ceka, ka kapacitet që në njërin xhep ta bartë komplet kryesinë bashkë me këshillin e LDK-së e në xhepin tjetër ta fus tërë kapacitetin e atyre që janë të ulur dhe ulen në ulëset e parlamentit të Kosovës.

Është pikërisht, po ky Nexhat Daci i cili i mësoi dhe i tregoi fillimisht partisë së tij, si udhëhiqet dhe drejtohen institucionet, atyre që me vite kanë shpurthur në strukturat partiake, pa e ditur as vehtë se pse janë aty dhe çka bëjnë. Është pikërisht Nexhat Daci, i cili u tregoi dhe e mësoi edhe opozitën e sidomos udhëheqësit e saj Thaqin e Haradinan, se si duhet komunikuar dhe drejtuar në parlament, në të kundërtën nuk i kalojnë muhabetet sikur në oda!

Pamvarësisht se a mbetet a shkon Nexhat Daci, nga funksioni që ka, Ai ka treguar pjekurinë e tij intelektuale, burrërore para popullit dhe e ka kryer atë Provim. I mbetet kotillës së mjerë zuzare të vrapojnë mu sikur hijenat në grupe e grupacione klanesh e kryesish në kërkim të ndonjë ngordhësire - posti që do e zënë, pa e ditur përsëri se pse janë në atë post, çka bëjnë dhe çka duhet të bëjnë.

Për fund, më duhet të shtoj se shpesh herë më ka ndodhur që ia kam nxënë për të madhe të ndjerit President Rugova, për shumë gjëra e raste, por tani jam bindur dhe i pastë ndjesë shpirti Dr Rugovës, që shumë i madh i paska qëlluar ai bërllog individësh afër vehtes dhe i lumtë atij që ka mundur të funksionojë me këta individë që janë të mërzitshëm ti takosh edhe para dyerve të tualetit, se lëre më ti kesh pranë vehtes dhe të kyçur në parti...

[Krokodilli]

e besa mir u flitke ktynehere,, Ish Kryetari Rugova pi mban ne kemb LDK-istat, se te gjith jan kafegji, ishalla vetem mu vra nuk vriten nermjet veti,, se si duket pi vie fundi kesaj partie te njohur kinse si partia me e madhe ne Kosove

[Arb]

Kush do t’i rezistojë stuhisë politike në Kosovë ?

3 mars 2006 /TN

- Daci viktimë e koalicionit të gabuar, të cilin vetë e ka dashur aq shumë, Kosumit i skadoi afati i prodhimit, Çeku do ta ketë me vështirë se në Zhepë të Kroacisë kur t'i vijë dita të kërkoj të kthehet në TMK.

- Kolë Berisha zgjidhje adekuate për Kryetar Parlamenti. Ai nënjë post të këtilla është dashur të zgjidhet edhe më herët.

Shkruan : Sefedin KRASNIQI

Kosova më një mars 2006 u përfshi nga një stuhi e fuqishme politike nga e cila rezultuan një dorëheqje e një shkarkim i krerëve të institucioneve më të larta të vendit. Kjo stuhi politike edhe sikur të ishte batutë e Një Prillit do të ishte tepër për qytetarët e Kosovës për situatën delikate që po kalon vendi kah pavarësia. Shkarkimi i Dacit prej postit të kryeparlamentarit nga ana e Kryesisë së LDK-së qiti në shesh shumë gjëra nga marrëveshjet e koalicionit tepër të përfolur, si jo normal, në mes të LDK- së dhe AAK-së për qeverisje te përbashkët.

Në të vërtetë, Daci marrëveshjen për qeverisje të përbashkët me AAK-në nuk e ka çua deri në fund. Dihet që ai vetëm kishte arritur ta bind Presidentin Rugova për ta nominuar Haradinajn kryeministër të Kosovës, derisa ministrat nga radhët e LDK-së i ka zgjedhur tjetërkush. I njëjti apo të njëjtit, në vend që t'i dalin tash në ndihmë z. Daci, bashkë me ish-ministrat e LDK-së, ka (kanë) zgjedhur strukjen pas Forumit Rinor të LDK-së të z. Sejd Tolaj dhe Lulëzim Zenelit.

Ata që kryetarin e Forumit Rinor të LDK-së e kishin zgjedhur me telefona për njëzet minuta, nga prapaskena po ia kompozojnë Forumit simfoninë e kukuvajkave për ta kundërshtuar vendimin e Kryesisë së LDK-së. Koha do të tregojë shpejtë, se të tillët, luftën do ta humbin më shpejt sesa betejën nëse urgjentisht nuk e braktisin kurdisjen e kurtheve dhe kërcënimeve nga shpella ndaj fytyrave të dëshmuara të LDK-së, sidomos tash që s'po munden më të manipulojnë NE dhe ME emrin e Presidentit Rugova.

Bumerangu mbledhjes urgjente të 2 marsit të Forumit Rinor të LDK-së, i erdhi një ditë më vonë nga 18 kryetarë të Degëve të po këtij forumi, të cilët me nënshkrimet e tyre përkrahin vendimin e Kryesisë së LDK-së për shkarkimin e z. Dacit nga kryetari i Parlamentit dhe kërkojnë dorëheqjen e z. Tolaj dhe z. Zeneli nga Forumi Rinor.

Këtu duhet cekur edhe një gjë, se nga këto qarqe, nga këta njerëz kanë dalë informacione se kundërshtitë në mes të z. Daci dhe « një qytetarit amerikan » kanë filluar kur ky qytetari, në cilësinë e diplomatit amerikan, e paska interceptue një letër të z. Dacit, që ky ia paska drejtuar Administratës së Shteteve të Bashkuar për presionin që i paska bërë për të mos përkrahte kandidaturën e Haradinajt për kryeministër.


Dashuria e tepërt del hidhërim

Akademik Daci i di të gjitha këto. Nëse vërtetë e ka për zemër t’i dalë hakut LDK-së, por edhe veti bazuar në situatën delikate që ndodhet, ai duhet të zbut qëndrimin, të qetësojë situatën, të pranojë vendimin e Kryesisë se LDK-së për shkarkimin e tij dhe sa më shpejt të kthehet kah partia e cila politikisht e ka ngritur dhe e ka bërë atë që ishte dje dhe mund ta bëj edhe nesër. (Shembull konkret është rikthimi në pushtet i z. Sali Berishës).

Por, për një kohë, nëse vërtetë ka vendosur të mbetet anëtar i LDK-së, siç tha në një intervistë në RTK, veç kthimit, ai duhet ta shikoj në fytyrë LDK-në e jo nga lartësia. Në të ardhmen, në cilësinë e shkencëtarit duhet t'i llogarisë më shumë precizitet koalicionet politike, sepse ,,historia përsëritet". Nëse do një rifillim të mbarë në LDK do të duhej ta vizitojë familjen e Sali Çekut dhe té lapidari i tij të vej kurora me lule. Duhet të kuptoj edhe një gjë ; dashuria e tepërt me Ramushin i doli hidhërim.


Kosumi është bërë kryeministër me afat të skaduar

Kredoja prej një të burgosuri politik, Bajram Kosumit nuk i ka mjaftuar ta kryej me sukses postin e kryeministrit të vendit të trashëguar prej një komandanti të UÇK, të një Zone Operative shumë të rëndësishme. Prandaj me kohë është ditur se Kosumi në këtë punë jo vetëm që është me kontratë të përkohshme por edhe me afat të skaduar. Krahasuar me Dacin, Kosumin s'do te ketë as kush ,,ta vajtojë", nëse vërtetë ka rënë në kundërshtim me të parin e AAK-së e cila për hatër te Ramushit do ta harroj shpejt.

Me një fjalë, Kosumi erdhe në postin e kryeministrit vetëm pasi Ramushi kur iu dorëzua Tribunalit te Hagës, para se te ikte atje me aeroplan, kishte lënë porosinë që trashëgimtar i tij duhej të ishte Kosumi. Një gjë dihet, Kosumi e ka me vështirë se Daci, sepse rënia në konflikt me Ramushin, nëse është e vërtetë, mund t’ia mbyllë dyert edhe në Parlamentin e Kosovës aq me tepër kur anëtarësia e ish-Parlamentares praktikisht më nuk ekziston.

Rrezikut të koalicioneve, me shkrirje partish, iu ka frikësuar më herët edhe Emrush Xhemajli i LPK-së, vetë LKÇK , si dhe Muhamet Kelmendi i UNIKOMB-it. Pa pasur as më të voglin qëllim të rrezojmë gurë mbi Ramushin, vetvetiu imponohet pyetja ; pas këtyre dështimeve të koalicioneve të ndryshme, çfarë do të sjell koalicioni i ri LDK-AAK.

Nga ç’u tha më lartë , LDK s'ka asnjë arsye të merret me Kosumin, për arsyen e thjeshtë, mjafton ta kujtojmë fjalorin e tij ofendues që ky e ka përdorur me qindra herë ndaj Presidentit Rugova kur ishte kryetar i Partisë Parlamentare. Vetëm pasi e shkriu partinë e vet në AAK të Ramushit, ky i fundit ia ndaloi ofendimet dhe sharjet ndaj figurave historike-në këtë rast ndaj Rugovës


Çeku nuk është Petar Graqanin sepse Presidenti Sejdiu nuk është Milloshviq

Hedhja e paraleleve në mes të gjeneral Çekut dhe Graqaninit, siç e bëri dikush këto ditë është pa shije dhe non sens ani pse ardhja e ushtarakëve në politikë, në mënyrën e Çekut, nuk është për duartrokitje. Graqanini është aktivizuar në politikë nga Millosheviqi për ta shkelur Kosovën me tanke, ndërsa Çeku, veç propozimit te AAK-së, vjen me bekimin e Presidentit Sejdiut dhe njeriut të pare të UNMIK-ut, z. Petersen për ta bërë Kosovën shtet.

Shikuar në retrospektivë, pas vizitës që gjeneral Çeku i pati bërë Shteteve të Bashkuara gjatë verës, ai duket të ketë qenë i planifikuar për postin e Presidentit të Kosovës, pas vdekjes se Presidentit Rugova, por refuzimi i zbatimit të urdhrave nga komandanti i Gardës së TMK-së, me rastin e varrimit të të ndjerit, i qiti probleme të paplanifikuara atij dhe Bashkësisë Ndërkombëtare.

Kjo mos dëgjueshmëri ushtarake, i shtjerri zërat e analistëve „ te pavarur", që bënin thirrje në shumë mediume që Çeku të kandidohet për president të Kosovës si dhe zbehu të gjitha lëvdatat që i thurnin përmbushjes së standardit nga ana e TMK-së. Dy arsyeve të para u shtohet edhe fakti që të kandidohej gjeneral Çeku për president pa qenë anëtar i LDK-së - fituese e të gjitha zgjedhjeve - edhe përkundër përkushtimi i tij rreth varrimit të Presidentit Rugova që ishte evident, ka qenë krejt jo normale.

Si do qoftë, për momentin gjeneral Çeku është zgjidhja më e përshtatshme pasi në Parlament nuk do të kalonte asnjë tjetër me lehtë se kandidatura e tij për Kryeministër të Kosovës në rrethanat e krijuara. Megjithatë, pas kyçjes në politikë si kandidat i një partie të vogël siç është AAK dhe reputacionit të saj jo të mirë për koalicione të dështuara, gjeneral Çeku nëse një ditë do të ketë nevojë të kthehet në krye të TMK-së do ta ketë më vështirë sesa kur është emëruar nga Thaçi Komandant i UÇK-së. Fakti që derisa të merr votat e duhura nga Parlamenti për tu bërë Kryeministër i Kosovës nuk do ta zhvesh uniformën e TMK-së, ai e ka kuptuar më mirë se të gjithë se si (s)funksionojnë koalicionet partiake në Kosovë.

Kalkulimi i tij për tu kyçur në politikë duket të jetë i qartë, sepse e di mirë se nëse donë të mbetet në politikë që tash duet të mendojë për ardhmërinë e vet të post kryeministerllëkut. Ndryshe, rikthimi si ushtarak (komandant) në TMK do jetë i vështirë sepse Thaçi me PDK nuk e ndihmon më, për faktin që nominimi i tij nga Presidenti Sejdiu për kryeministër, ia ka dëmtuar edhe takimin e zellshëm në Greqi me Boris Tadiqin e Serbisë. Pikërisht për takimet e huqura, ditën e revolucionit te stuhisë politikë në Kosovë, Thaçi dukej shumë i zymtë ne fytyrë.


Baca Kolë pionier i LDK-së ...

Për disiplinën që ka treguar dhe punën e përkushtuar në radhët e LDK-së, Baca Kolë ka merituar shumë më herët një avancim në pozitë më të lartë, sesa nënkryetar i LDK-së dhe spektator i heshtur i Parlamentit. Ai është nga të parët që iu ka bashkuar Presidentit Rugova në ditët më të vështira dhe i ka qëndruar besnik në të gjitha betejat. Propozimi i tij në postin e Kryetarit të Parlamentit është një rekompensim krejt normal dhe i domosdoshëm.

Përvoja e tij në politikë na siguron që, për Pavarësinë e Kosovës, do të dijë të jetë i urtë dhe i dëgjueshëm aty ku duhet dhe kur duhet. Ai e din edhe një gjë tjetër se Surroi sikur që fshehurazi iu ka gëzuar vdekjes së Presidentit Rugova e haptas vdekjes parlamentare të Dacit, nesër do t’i gëzohet çdo vdekjes se çdo kundërshtari politik-pra edhe të Bacës Kolë.

Pastaj, koha e ka vërtetuar se nga gjithë spektri i raportueseve të zyrave diplomatike, Vetoni është treguar më i zhdërvjellëti. Sa herë ka marrëveshje të rëndësishme, me parti e pa parti, në emër të ndonjë organizate humanitare apo jo qeveritare, ai është aty-mjafton të kujtojmë Rambujen. E deshëm s’e deshëm Vetoni na ka rënë hise, ai bënë sherr vetëm kur i thonë të huajt.

[Arb]

Një grip partiak në këtë fund dimri

3 mars 2006 /TN /QIK

Shkruan: Sabit Rrustemi
Zhvillimet e fundit në LDK , përkatësisht në kryesinë e saj si organ politiko ekzekutiv, pas vdekjes së Presidentit Rugova, emblemës së pazëvendësueshme në historinë më të re të Kosovës dhe në vetë LDK në, nuk janë veç interesante, po edhe shumë dramatike.
Një kryesi, tërësisht nën hijen e deritashme të vetë Presidentit tashmë të ndjerë, si duket, ka zënë së tepërmi t'i ekspozohet rrezitjes nën diell, pavarësisht stinës në të cilën ndodhemi. Prandaj, edhe është krejt normale që një ekspozim thuaja i përnjërshëm para opinionit, me një vrull më të madh të punës shkaku i dinamikës së ngjarjeve, qofshin të vonuara apo atyre që janë në vijim, manifestohet, me ngrohje ftohje, ngërçe, të kollitura po, edhe temperature, tamam me ato shenja që reflektojnë një grip partiak në këtë fund dimri.

Një "sëmundje" kjo e pritshme në periudhën postrugoviane, meqë, një pjesë e mirë e këtyre zhvillimeve që sot po ndodhin në skenën politike të Kosovës, sidomos ato në qeveri, kishin qenë në një mënyrë, zhvillime të paralajmëruara muaj më parë por që, sëmundja e Presdientit, përballja e tij dinjitoze me një betejë disamuajshe kundër kancerit në mushkëri e, më pas edhe vdekja e tij fizike, i kishin lënë për më vonë Kryesia aktuale e LDK së, domosdoshmërisht është detyruar të përballet me zgjidhjen e këtyre çështjeve të akumuluara më herët apo edhe të atyre që rodhën në ndërkohë, siç ishte rasti me kandidimin dhe zgjedhjen e Presidentit të ri të Kosovës, pastaj me ndarjet ministrore me partnerin në koalicion (AAK) dhe propozimin për kandidatin për Ministër të Punëve të Brendshme.

Këto dy çështje ishin me urgjencë
E para, që vendi të prezentohej dhe udhëhiqej nga Presidenti i zgjedhur dhe legjitim në procesin tashmë të filluar të negociatave për pavarësinë e Kosovës, duke ua mbyllur kështu rrugën manipulimeve dhe kalkulimeve të ndryshme politike.
E dyta, që shtyrja rreth ndarjes së dy ministrive dhe përcaktimi për kandidatin nuk mund të shtyhej në pafundësi, sepse kaluan tashmë dy muaj e sa që nga bartja e këtyre dy përgjegjësive shumë të ndijshme në institucionet vendore dhe, çdo zhagitje e mëtejshme vetëm do të vinte në dyshim seriozitetin e koalicionit qeverisës. E, kur jemi këtu, përgjegjësia më e madhe s'do mend, bie mbi vetë LDK në si forca më e madhe qeverisëse në koalicion.
Por, në gjetjen e këtyre dy zgjidhjeve, aspak të lehta, duke i ditur dhe u përballur me apetitet e brendshme, dolën në sipërfaqe dhe hyrën në rend dite, për mendimin tim edhe çështje të tjera " të paplanifikuara", apo të heshtura përbrenda kryesive partiake të koalicionit qeverisës, të imponuara edhe nga faktori ndërkombëtar, i cili si një vëzhgues i vëmendshëm i këtyre zhvillimeve, përdori momentin politik për mënjanuar disa figura publike në institucionet kosovare, të cilat ose ishin përfolur për korrupsion e keqpërdorim detyre apo edhe për kundërvënie faktorëve më ndikim nga bashkësia ndërkombëtare, në veçanti nga SHBA ja.
Faktori ndërkombëtar, në veçanti SHBA ja përmes Zyrës amerikane në Prishtinë, nuk është e interesuar ta ketë një kryesi kaq heterogjene, të cilën për momentin e ka LDK ja, për vetë faktin se parti jo vetëm që është partia më e madhe në Kosovë, por, edhe ka qenë bartësja kryesore e proceseve të pavarësisë së Kosovës në këto 16 vite.
Duket, po kjo edhe la përshtypje në opinion e, edhe në mesin e aktivistëve të vetë LDK së, se, përbrenda kryesisë kishte dy tri pozicionime anëtarësh për dy apo tri figura qendrore të LDK së, duke u thirrur bashkërisht në emrin e Rugovës.
Këto pozicionime, sado që ka mundur të supozohen, për të gjallë të Rugovës nuk kanë reflektuar dukshmëri. Bashkërisht janë strehuar nën ombrellën e Presidentit dhe emrit të tij, ngjashëm si tash por me një ndryshim, që, përmes emrit të Tij, t'i realizojnë ato synime të fshehura për vite.
Momenti që i nxori në sipërfaqe këto pozicionime ishte kandidimi i zotit Fatmir Sejdiu për president, kandidim që realisht ishte më i qëlluari dhe pranuari por që nxori me vete edhe disa apetite të papërpunuara dhe të parakoshshme, të cilat, fatmirësisht u neutralizuan apo, thënë më troç u tërhoqën nga një betejë për ta fituar tjetrën.
Duke i vërejtur nga afër (mbase edhë më afër se ç'mund të merret me mend) këto zhvillime në kryesinë e LDK së, faktori ndërkombëtar, indihmuar edhe nga opozita kosovare, riktheu në axhendë rikomponimin e qeverisë, për të cilën në disa të përditshme tona të përafërta me opozitën, u patën paralajmëruar në vjeshtën e kaluar.
Në paketën e rikomponimit të qeverisë, po nën të njejtën trysni u fut edhe emri i kryekuvendarit, akademik Nexhat Dacit, për dikë, hap i pritshëm, për dikë, pak befasues e, për dikë, shumë i panevojshëm.
Meqë shumëçka nga këto zhvillime shumë të bujshme e, tamam dramatike, u zien dhe kavërdinë larg syve të opinionit dhe pa shpjegime adekuate e bindëse, hapësira për të manipuluar me të vërteta, gjysmë të vërteta po edhe me gënjeshtra si rëndom, u krijua si kurrë më parë.
Kryesia e LDK së, e kuptoj shumë drejt, u gjend ndër sprovat më të rënda të saj. Sepse, përkundër presioneve të mëdha për t'u përcaktuar për një kandidat nga një varg i gjatë pretendësh që pop resin për Ministrinë e Rendit, tash, do t'i duhej të përballet, thuaja me komplet garniturën e saj në qeveri, punë kjo aspak e lehtë për ta kapërcyer me dinjitet apo siç thuhet në popull, me faqe të bardhë.

Plus, kur t'i shtohet kësaj që, tashmë i mungon një udhëheqës autoritativ siç realisht ishte vetë Presidenti Rugova, po, edhe kontestimi shumë i vonshëm i legjitimetit të saj si kryesi, situatën e bënë shumë të ndërlikueshme dhe, dashakeqët presin edhe thyerje të mëdha.
Sado që është inkurajues dinamizimi i saj si kryesi, heterogjeniteti brenda saj, lë vend për rreshtime të ndryshme, pavarësisht mekanizmit të votës, që tashmë shumë vonë poashtu ka hyrë në funksion si masë demokratike për t'i zgjidhur çështjet e ndieshme kadrovike kur ke më shumë se dy e tre kandidatë.
Tjetra, që mund t'i kthehet si bumerang kësaj kryesie, është fakti se, më parë, këto çështje brenda saj janë aminuar dhe, pastaj janë mjaftuar me një mbështetje nga kryetarët apo përfaqësuesit e degëve, si një organ i paparapër për vendime në statutin e partisë po, që realisht, me mbështetjen e tyre, pastaj nuk është kaluar fare aty ku, realisht është dashur të vendoset, në Këshillin e Përgjithshëm të LDK së.

Mos funksionalizimi i organit më të lartë të partisë në këto dy vite të fundit, i cili nuk është mbledhur më asnjëherë prej kohës kur mbështeti në parim listën për kandidatët për deputetë(me ndryshimet që u kërkuan e u votuan dhe, realisht nuk ndodhën, me përjashtim të një rasti dhe, atij nën trysni të theksuar dhune)e bërë këtë organ, organ të djegur brenda partie, anise, me statut është organi më i lartë i saj dhe, pa bekimin në këtë Këshill nuk është dashur të merret asnjë vendim i rëndësishëm i partisë, siç ishte rasti me formimin e koalicionit qeverisës, pastaj marrëveshjen rreth koalicionit dhe ndarjes së posteve në qeveri, me kandidatët për ministra e zëvendës ministra, me hierarkinë në kryesinë e kuvendit, anëtarët e kryesisë dhe të kryetarit të kuvendit e, deri te rasti i fundit, përcaktimi i kandidatit për president të Kosovës.
Të gjitha këto vendime tepër të rëndësishme, deri më tash janë mjaftuar vetëm në suazat e kryesisë dhe asnjëri prej këtyre nuk ka kaluar në Këshill të Përgjithshëm. Ç'është më e rëndësishmja, askush as nuk ka reaguar deri më tash (madje as unë vetë si anëtar i këtij Këshilli) mendoj publikisht, anise në strukturën e partisë sipas hierarkisë, kjo çështje ka mund për t'u biseduar, siç e kam biseduar dhe unë por, rezultati ka munguar.
Askush deri dje në LDK në këto dy vite nuk e ka kërkuar Këshillin e Përgjithshëm për t' u tubuar dhe për ta vendosur një çështje me rëndësi të madhe politike jo vetëm për partinë po, edhe për vetë Kosovën.
NUk e ka kërkuar për fat të keq, as akademik Nexhat Daci e, as Forumi i Rinisë IiLDK së e, lëre më dikush tjetër që sot na e përkujton se qenka edhe një organ më I lartë se kryesia e LDK së, një organ që paska mundësi për t' I ndryshuar dhe anuluar vendimet e kësaj kryesie, madje edhe kryesinë vetë.

vazhdim

[Arb]

Përse ndodh kjo tash
Thënë drejtë, sepse dikush nuk është I kënaqur me vendimet e kryesisë së partisë.Dhye, e kërkon tash si "xhoker" Këshillin e Përgjithshëm, që, për mendimin tim, është organ krejtësisht i djegur tashmë, me vetë faktin se për dy vite, në gjithë këto procese të mëdha politike për Kosovën , nuk është tubuar asnjëherë, nuk është pyetur asnjëherë, nuk ka vendosur për asgjë, asnjëherë dhe, tash, pse ka nevojë të thirret e të tubohet? Për ta bërë edhe më llugë? Apo për t'i ndarë në taborre, kush në këtë krah apo kush në atë krahë? Dhe, ç' është më e keqja, për t' u thirrur secili në emrin e Rugovës, në realizimin e një qëllimi që në esencë mund të jetë krjetësisht personal?
Unë, pikërisht tash mendoj se, nuk ekziston fare kjo nevojë. Meqë, kjo trandje e partisë duhet me mbetë dhe me u mbyll në suazat e kryesisë së partisë, të cilën, e deshëm apo nuk e deshëm , vetë e kemi legjitimuar, edhe me heshtjen tonë dhe, që nga viti 1998, duke e harrnuar krejt në mënyrë jostatutare me 2004, ia kemi vazhduar jetëgjatësinë.
Ajo kryesi, e tillë çfarë është, e ka rastin dhe nderin për ta respektuar programin e partisë dhe statutin e saj. Në çështjet për të cilat nuk ka koncenzus, mund ta përdorë mekanizmin e votës. Gjërat për të cilat, në formë propozimi e jo vendimi, duhet me I bartë në Kuvend, duhet t'i bartë përmes Grupit të saj parlamentar, me kërkesën që t' ia votojnë, gjë që s' mund t'i detyrojë deputetët.
Ndërsa, detyrën kryesore, për mua, e ka përgatitjen e zgjedhjeve në parti, në një afat sa më të afërt kohor dhe, përmes mekanizmit zgjedhor dhe, mbi të gjitha të votës së lirë e jot ë stupcit dhunues apo ryshfetit, të garojnë kush të dojë, burrërisht e ndershmërisht dhe, në frymën e atij që po e përflasim më së shumti, Presidentit tonë historic.
Deri sa të ndodhin zgjedhjet në parti, kryesia mund ta përdorë mandatin e saj në pajtim me statutin e partisë dhe, amanetet e Rugovës, duke e ruajtur mbi të gjitha, frymën pavaresiste të saj, demokracinë për të cilën ka gjakuar dhe sakrifikuar shumë, tolerancën e mirëkuptimin si virtytet më të mëdha të kësaj demokracie. E, kuptohet edhe atë miqësine e përhershme me SHBA në por, jo në funksion të realizimit të apetiteve personale po, të pavarësisë së Kosovës.
Në përmbushjen e krejt këtyre detyrave të mëdha dhe , aspak të lehta, ajo duhet të hapet më shumë me anëtarësinë e saj, duke i neutralizuar presionet e grupeve të caktuara të interesit, në çfardo niveli qofshin ato dhe, grupet tjera pak më të padukshme apo të dukshme që, sorollaten nëpër koridoret dhe zyrat e partisë me llojë llojë hekurash si nëpër duar, brez apo edhe në gjuhë.
Fryma dhe filozofia e Rugovës në LDK asnjëherë nuk është identifikuar me presionin dhe, aq më keq dhunën, siç nuk është identifikuar as edhe me kundërshtimin joparimor apo vendimin e njëanshëm.

Filozofia dhe fryma vepruese e Rugovës në LDK, ka qenë afria, krijimi i hapësirës për të gjithë e, edhe për të rinjtë sipas kualiteteve dhe vlerave po, mbi të dhitha, ka qenë dhe mbetet hapësira e paqes dhe mirëkuptimit për të arritur në qëllimin final, për të cilin po them I se është afër, pavarësinë e Kosovës.

Le ta besojmë këtë, le të punojmë për këtë dhe, në këtë mënyrë nderojmë Rugovën, Kosovën po, edhe vetveten.
Gjilan, 3 mars 2006

[Arb]

KARAMBOLLI POLITIK NË KOSOVË

Çka pas dorëheqjes së Kryeministrit të Kosovës dhe pas vendimit për shkarkimin e Keyetarit të Kuvendit
3 mars 2006 /TN

Ndodhën si në filma: kryeministri dha dorëheqje, e nga kryetari i Kuvendit të Kosovës kërkohet dorëheqje pas vendimit të kryesisë së LDK-së për shkarkimin e tij! E gjitha ndodhi brenda ditës! Brenda ditës u caktua edhe mandatari për formimin e qeverisë së re, si dhe u caktua kandidati për kryetar të Kuvendit!Brenda ditës Kosova mbeti pa qeveri dhe me një kryetar Kuvendi të kontestuar nga partia e tij. Çfarë po ndodh me të vërtetë?

Rexhep KASTRATI

Kosova po bëhet një vend shumë interesant dhe po ia kalon edhe vendeve me demokraci den baba den për sa i përket vakive politike. Në asnjë vend të botës nuk di të ketë ndodhur që në të njëjtën ditë kryeministri të japë dorëheqje, kurse kryetari i Kuvendit të kontestohet, përkatësisht të mohohet nga partia e tij. Kjo ndodhi në Kosovë, e cila për më tepër, është në përmbyllje të një procesi politik që ka të bëjë me statusin e saj.

A mund të merren si të befasishme? Nëse kihen parasysh kritikat që i janë bërë qeverisë dhe kryetarit të Kuvendit gjatë kësaj kohe e më herët, nuk është për t’u befasuar, por kur të kihet parasysh mënyra kaq e shpejt e këtyre veprimeve, atëherë mund të thuhet se po. Është kështu për faktin se kryeministri tashmë i dorëhequr, vetëm një natë më parë la të nënkuptohej se nuk e kishte ndërmend të jepte dorëheqje, kurse kryetari i Kuvendit pati një mbrojtje fanatike, e në raste edhe me debate të ulëta nga deputetët e partisë së tij. Atëherë çka po ndodh në të vërtetë?

Fakti se edhe dorëheqja e kryeministrit u duk se ishte e imponuar, pasi këtë e shfaqte si toni me të cilin e kumtoi ai dorëheqjen, ashtu edhe pamja e tij, si dhe kryetari i Kuvendit të Kosovës u gjend para një vendimi të kryesisë së partisë së tij për shkarkim, me kërkesën që ai të ofrojë vetë dorëheqjen, lë për të kuptuar se këto veprime kanë prapavijë të fortë politiko-partiake. Kur them këtë mendoj në faktin tashmë të bërë publik sipas të cilit AAK ka qenë e pakënaqur me punën e njeriut të tyre që drejtonte qeverinë e Kosovës, kurse këtë pakënaqësi ndaj njeriut të saj në krye të Kuvendit të Kosovës, kryesia e LDK-së e shfaqi me votimin kundër tij, flet se gjithçka është imponuar.

Nëse ky imponim ka qenë thjesht vetëm nga partitë në fjalë, kjo mund të merret edhe si vendosje e autoritetit të partisë kundruall njerëzve të tyre rebelë, që mund të jetë shumë mirë, pasi që si kryetari i Kuvendit, ashtu edhe kryeministri e pse jo edhe në tërësi qeveria, shpesh kanë dhënë shenja të mospërfilljes së bazës partiake që i ka emëruar dhe që i ka zgjedhur.

Është folur shumë për një afrim të z. Daci me Hashim Thaçin, si dhe një ftohje me Veton Surroin, kurse kryeministri i vendit ka vepruar shpesh i shkëputur nga baza e tij partiake. Por a është vetëm kjo arsyeja? Natyrisht se jo. Kur është fjala te trysnitë, duhet thënë se bashkësia ndërkombëtare me shumë vështirësi ka gëlltitur koalicionin LDK – AAK dhe një kryeministër si Ramush Haradinaj. Bashkësia ndërkombëtare më shumë ka pëlqyer një bashkëqeverisje si në mandatin paraprak. Në këtë drejtim trysnitë kanë qenë të vazhdueshme.

Në anën tjetër, raportet shpeshherë të acaruara të kryetarit të Kuvendit të Kosovës me përfaqësuesit specialë të OKB-së në Kosovë, e kanë vënë në vështirësi bashkëpunimin e institucioneve vendore me ato të administrimit ndërkombëtar në Kosovë. Të gjitha këto, s’do mend se kanë ndikuar në dobësimin e pozitave të kryetarit të Kuvendit dhe të kryeministrit të Kosovës.

Krah i gjithë këtyre, natyrisht, janë bërë edhe dy partitë opozitare PDK dhe “Ora”, e para me një antipropagandë të bërë edhe në bashkësinë ndërkombëtare, kurse e dyta – me një vajtim të shpeshtë të zyrtarët e UNMIK-ut dhe të bashkësisë ndërkombëtare. PDK-ja, jo vetëm në Kuvendin e Kosovës, jo vetëm në mediat vendore dhe në shtrirjen e saj territoriale, por edhe në institucione ndërkombëtare, në media të huaja dhe në forume të ndryshme, i ra shumë më qafë qeverisë së Kosovës, duke e paraqitur atë si të paaftë dhe të korruptuar.

Vizitat e shpeshta të kryetarit të PDK-së, Hashim Thaçit nëpër botë, takimet e tij me përfaqësues të shteteve të ndryshme, të mbetura në të shumtën e rasteve misterioze, duket se e kanë bërë të veten. Në anën tjetër ankesat e shpeshta të Veton Surroit në drejtim të kryetarit të Kuvendit të Kosovës te UNMIK-u dhe te zyrtarët e tjerë ndërkombëtarë që e kanë vizituar Kosovën, për drejtim jodemokratik të seancave të Kuvendit të Kosovës, ishin një faktor shtesë në dobësimin e pozitave të kryeministrit dhe të kryetarit të Kuvendit të Kosovës si te bashkësia ndërkombëtare, ashtu edhe tek vendësit.

Të gjitha këto ndodhën kështu, për shkak se dy partitë e koalicionit qeveritar: LDK-ja dhe AAK-ja, të mbetur pa kryetarët e tyre historikë: dr. Ibrahim Rugovën dhe Ramush Haradinajn, edhe pse ky i fundit zyrtarisht ende kryetar partie, në të vërtetë, u dukën si anije pa timonierë, dhe të cilat i drejtonte kushdo dhe si dëshironte, apo thënë më saktë, u krijua një situatë ku ishte e lehtë të rebeloheshe dhe të punoje kokë më vete.

Shikuar nga ky aspekt, mungesa de facto e drejtuesve të tyre, këto parti i vuri para një rikonsiderimi të identitetit të vet: LDK-ja nga një parti-lëvizje qytetare e politike, jepte shenja të afrimit me rryma radikale-militariste, kurse AAK-ja nga një aleancë partish marksisto-militariste, jepte shenja të afërsisë me koncepte qytetare demokratike.

Koalicioni LDK-AAK, në këtë mënyrë, u bë koalicioni shumë interesant i dy partive me bazë të ndryshme konceptuale, pse jo edhe ideologjike. Qëndrueshmëria e këtij koalicioni u vë në dyshim që në fillim, gjë që ndikoi edhe në punën e qeverisë, por edhe të vetë Kuvendit të Kosovës.

Për ta mbajtur situatën nën kontroll, përveç kryetarit të Kosovës, dr. Ibrahim Rugova, i cili nëpërmjet këtij koalicioni e realizoi dëshirën e tij që vendi të kishte pozitë dhe opozitë, me ç’rast do të krijoheshin kushte për një debat politik dhe institucional, u kujdesën edhe kryetari i Kosovës, akademik Nexhat Daci dhe kryeministri, Ramush Haradinaj, që thënë të drejtën, para se të kishte miqësi me Nexhat Dacin, pati takime me ndonjë këshilltar të kryetarit Rugova.

Situata mori tjetër kahje kur Ramush Haradinaj dha dorëheqje marsin e vitit të kaluar dhe në vend të tij erdhi Bajram Kosumi, i cili thënë të vërtetën, nuk arriti kurrë të kishte autoritetin e Ramush Haradinajt, as në qeveri e as në parti. Me koncepte marksiste fillestare, që gjatë viteve ’90 t’i moderojë dhe t’i modelojë në një socialdemokraci gjysëmperëndimore gjysëmmoskovite, Bajram Kosumi pati shumë vështirësi në krijimin e një imazhi të një burrështeti modern dhe të tipit perëndimor.

Prandaj ishte shumë e lehtë që të kritikohej. Kritika që iu bë për kthimin nga Turqia për t’u takuar me Kai Aiden, dhe paaftësia për t’u mbrojtur si duhet, e zbehu shumë edhe atë troh autoritet që kishte. Ai kurrë nuk diti ta pyesë Hashim Thaçin se nga po i merr gjithë ato para që të bëjë udhëtime aq të shpeshta sa nuk bënte as gjithë administrata shtetërore e Kosovës marrë së bashku me atë të UNMIK-ut dhe në këtë mënyrë të lehtësonte barrën e kthimit të tij nga Turqia.

[Arb]

Në anën tjetër, kryetari i Kuvendit të Kosovës, diti shumë herë që të afrohet me Hashim Thaçin, bile edhe në Ekipin Negociator të krijuar nga kryetari Rugova, në dëm të procesit politik. Është bërë tashmë publike kundërshtia që pati ndaj emërimit të Blerim Shalës si udhëheqës i grupit të ekspertëve, si dhe dekonspirimi i takimeve të Ekipit Negociator, ashtu siç bënte edhe anëtari tjetër i këtij Ekipi, Hashim Thaçi. Zvarritjet e seancave kuvendore, mbajtja e rrallë e tyre, kishte dhënë shenja të mosefikasitetit në punë. Kritikat që ia bënte “Ora”, sidomos ato lidhur me qendrën “Gërmia”, që e sollën edhe precedentin kur iu dha fjala edhe sekretarit tekniko-juridik të Kuvendit, mbrojtja joparimore e disa deputetëve të LDK-së, e vuri në siklet vetë LDK-në.

Nga të gjitha këto, mund të thuhet se kishte shumë arsye që të bëheshin ndryshimet e këtilla. Çështja është se a kanë mundur të bëheshin më herët e jo ditën kur pritej të vinte Marti Ahtisari, kryenegociatori i OKB-së për statusin e Kosovës? Dhe a mund të kishte ndonjë mënyrë tjetër për t’u bërë këto ndryshime? Pa dashur të spekuloj, mund të them se një mënyrë krejt tjetër, si p.sh., që të mos bëheshin në të njëjtën ditë, ose që të mos kishte ndonjë vendim të kryesisë së LDK-së, por që në mënyra pak më diskrete t’i bëhej e qartë kryetarit të Kuvendit se nuk ishte i dëshirueshëm në postin që kishte dhe do të ishte e mirëpritur dorëheqja e tij.

Vetëm nëse do të ishte mungesa e vullnetit për të dhënë dorëheqje, dhe nuk do të kishte më mënyra të tjera, atëherë mund të merrej ndonjë hap tjetër detyrues. Me vendimin që ka marrë kryesia e LDK-së, është treguar pak arrogante, por edhe e ka vënë në siklet veten, pasi që çka do të bëhet nëse Nexhat Daci nuk do të japë dorëheqje? A do të vijë puna të votohet kundër tij në Kuvend?

Nëse po, a është unik grupi i deputetëve të LDK-së për të votuar kundër Nexhat Daci, sidomos deputetët që pak ditë më parë e mbrojtën me fanatizëm dhe pa kurrfarë lidhje me akuzat konkrete që i bëheshin atij, siç ishte ta zëmë Fadil Geci, apo për hir të ndonjë posti ministri, dhe të ndonjë shpërblimi tjetër, mund t’i hanë fjalët e tyre dhe të votojnë kundër shkarkimit të Dacit. Natyrisht se kjo do të varet shumë nga mënyra e votimit që do të mund të bëhet në Kuvend.

Natyrisht se mënyra më e lehtë do të ishte që vetë Nexhat Daci të ofrojë dorëheqjen e kërkuar, sepse në këtë mënyrë do të evitonte ndonjë krizë brenda LDK-së, edhe pse jam i bindur se kjo parti do të dijë t’i tejkalojë këto momente, që vijnë edhe nga gara e brendshme për kryetar partie. Kur jemi këtu, duhet thënë se është pikërisht edhe gara e brendshme për kreun e partisë, ajo që sikur i ka dhënë zjarr kësaj pune. Dhe ka mundësi që Nexhat Daci të jetë, në një mënyrë, viktimë e kësaj gare.

Ka indikacione, sipas të cilave, mund të jetë arritur marrëveshja brenda LDK-së për kreun e partisë, me ç’rast është bërë edhe ndarja e posteve. Pas zgjedhjes së Fatmir Sejdiut kryetar i Kosovës, si një kandidat i mundshëm për të qenë i pari i LDK-së, duket se edhe Kolë Berisha është mënjanuar nga kjo garë, duke u propozuar për kryetar të Kuvendit të Kosovës. Mbetet të shihet a do të jetë mr. Eqrem Kryeziu kryetar i ardhshëm i LDK-së, pasi që ai kaherë e ka deklaruar vullnetin dhe gatishmërinë për ta drejtuar partinë. Duke qenë mbështetës i filozofisë politike të dr. Ibrahim Rugovës dhe i vijës institucionaliste, shqetësimin e vetëm e kam për fatin e kësaj filozofie politike dhe të asaj që u quajt trashëgimi e kryetarit Rugova.

Në të kundërt, do të mbështesja çdo kandidaturë për kryetar të LDK-së, nëse do t’i rrijë afër filozofisë politike të dr. Ibrahim Rugovës, e rrjedhimisht edhe të mr. Eqrem Kryeziut, i cili edhe do të duhej të ishte ushtrues detyre i kryetarit të partisë edhe për hir të funksionit që ka pasur qysh moti si nënkryetar i parë i LDK-së. Natyrisht se do të jem kritik ndaj gjithë atyre që do të vënë në dyshim filozofinë politike të dr. Ibrahim Rugovës, që do të punojnë mbi mendësinë e klanit, duke i sjellë njerëzit e vet në funksione drejtuese partiake, nepotizmin, ashtu siç nuk do ta mirëprisja autoritarizmin që provon ta shtrijë kontrollin e rreptë mbi partinë, duke e shtypur mendimin e lirë, por edhe përpjekjet për të kontrolluar media të caktuara.

Duhet thënë në këtë drejtim, se nga individë dhe klane të caktuara ka pasur kontroll mbi gazetën “Bota sot” nëpërmjet individëve që kanë punuar në atë gazetë. Fakti se disa ish-udhëheqës të redaksisë së “Botës sot” në Prishtinë që një kohë kanë mbajtur një qëndrim censurues dhe anatemues ndaj Kolë Berishës, duke mos ia botuar edhe shkrimet që i bënte për “Botën sot”, duke i imponuar në shumë raste edhe politikën kadrovike LDK-së, e që kontribuan që kjo gazetë të rrënohet realisht, u vunë nëpër ministri të ndryshme si këshilltarë ministrash apo zëdhënës të tyre, flet mjaftueshëm për kontrollin që individë dhe klane të caktuara brenda apo afër LDK-së kanë pasur mbi këtë gazetë.

Dhe janë këta individë dhe klane brenda e afër LDK-së që e dëmtuan vijën politike të drejtuar nga dr. Ibrahim Rugova, duke imponuar edhe emra ministrash të tillë që vetë ministritë e caktuara i bënë çamçakëz-ministri apo edhe kondor-ministri, me rrezikun që edhe partinë ta bëjnë çamçakëz-parti apo kondor-parti. Duke qenë njohës i këtyre çështjeve, duke i kundërshtuar këto edhe sa kam qenë në “Bota sot”, dhe duke parë faktin se vija institucionaliste në çdo zgjedhje ka pësuar rënie, mund të them se do të jem i kujdesshëm që përkrahja ime të mos jetë për këta individë dhe për këto klane, sepse do të ishte përkrahje për individë dhe për klane që kanë punuar dhe punojnë për shkatërrimin e kësaj linje.

Prandaj, edhe lëvizjet e fundit brenda LDK-së dhe në përgjithësi brenda koalicionit qeveritar aktual, meritojnë një vëmendje të theksuar për të parë se çka pas dorëheqjes së kryeministrit të Kosovës dhe çka pas vendimit të kryesisë së LDK-së për shkarkimin e kryetarit të Kuvendit të Kosovës? A do të bëhet konsolidimi i këtij koalicioni, i partive përbërëse të këtij koalicioni, apo përfundimisht do të sjellë diktatin e opozitës ndaj tyre. Gjithçka do të bëhet e qartë pas qëndrimit përfundimtar të z. Daci, do pranojë apo jo të japë dorëheqje, qëndrim që nuk mund të vonojë në pakufi, edhe pse qëndrimi i tij kategorik i gjertanishëm është kundër dorëheqjes, në ç’drejtim tashmë ka marrë edhe mbështetjen e FR të LDK-së.

.................................................. ..............
Adresa elektronike:
Rexhep Kastrati : [email protected]

[arben-ks]

E kam thënë, (akoma mbetet dilemë, kush do ta shaloj alamet veturën)???




PO qekjo vetura e bukur edhe e shtrejt qe e blejti ai dacija pahajrinn se vertet ka qen njeri nder deputetet me te mir te ldk-haramit ja pa sherrrin

[Dilaver]

"Po të mos thuhet tani e vërteta e plotë, konsideroj se do t'i sillte shumë dëm tërë Kosovës", tha Daci


Prishtinë, 7 mars - Me një shkëlqim të syve që fshinin lotët dhe me një ndjenjë që ruante krenarinë, kryekuvendari Daci paralajmëroi shkuarjen e tij nga posti i kryekuvendarit, por pa e braktisur LDK-në. Ndërsa zëvendësimi i tij tashmë edhe për të duket i pashmangshëm, ai paralajmëroi mundësinë e bashkimit me LDK-në edhe të një pjese të figurave të saj, kryesisht intelektuale për t'u ribashkuar dhe ringritur LDK-në.
Duke bërë këto paralajmërime Daci edhe njëhehë është shprehur se largimi i tij po bëhet nga një grup i vogël njerëzish brenda LDK-së dhe se ai asnjëherë nuk kishte pasur asnjë lloj kundërshtie me SHBA-të, dhe se edhe sot nuk ka ndërruar pikëpamjen se Zoti ishte NATO-ja me SHBA-të në krye që i shpëtuan shqiptarët nga shfarosja. Ai përmendi edhe dy fakte të investimeve të jashtëzakonshme ekonomike të SHBA-ve në Kosovë, ndërhyrjen me bombardime që asaj i kushtoi, mbi 12 miliardë dollarë dhe ndihmat e ndryshme vjetore ekonomike pas çlirimit, në vlerë prej 600 milionë dollarë që përafrojnë me buxhetin vjetor të Kosovës.
Daci tha se ndjen obligim moral, por edhe para së gjithash politik, për t'i demantuar akuzat e bëra në adresë të qëndrimeve të tij kinse antiamerikane dhe të nxitjes së ndjenjave të tilla në opinion.
"Po të mos thuhet tani e vërteta e plotë, konsideroj se do të na sillte shumë dëm tërë Kosovës, jo vetëm mua", tha kryekuvendari Daci, pas përfundimit të mbledhjes së sotme të kryesisë të ftuar nga ai vetë.
"Një pjesë e njerëzve, të them miq të mij në politikë, duke dashur shkatërrimin tim moral dhe njerëzor, e nisën me qëllim këtë fushatë duke mos pasur argument tjetër për largimin tim nga skena politike, që t'i realizojnë qëllimet e veta karrieriste", tha ai.
Z.Daci rikujtoi se në kundërshtim me vendimet aktuale të kreut të LDK-së është e dhëna se vetëm para tri javësh pikërisht në Kuvendin e Kosovës, Grupi Parlamentar i LDK-së, e kishte mbrojtur nga sulmet e ORA-s dhe në votimin e fshehtë ai grup e kishte përkrahur në mënyrë absolute, dhe pas kaq ditësh të ketë një ndryshim radikal.
"Emisarë të caktuar, në veçanti kreu si ushtrues detyre i LDK-së, që e kërkuan dorëheqjne time thanë se është kërkesë e Zyrës së SHBA-ve në Kosovë, këtë e kanë përsëritur edhe në takimet me degët e LDK-së të premten e kaluar, ku kanë kërkuar zëvendësimin tim me z.Kolë Berisha", tha Daci, duke e quajtur se ky mund të ishte një interes privat i ndonjë qytetari amerikan e kurrsesi politikë zyrtare e SHBA-ve me të cilën tha kishte dhe ka bashkëpunim të frysthëm.
"Kjo ishte dhe është arsyeja pse nuk pranova dhe nuk pranoj të jap dorëheqje, sepse në këtë mënyrë do të njollosja vetveten, familjen time dhe gjithë Kosovën", u shpreh ai. Daci shtoi se e vërteta doli kështu edhe nga reagimi i Departamentit të Shtetit, dhe se tash ndjehet i qetë dhe i gatshëm të kthehet për t'u ballafaquar në LDK me të gjithë ata që mendojnë ndryshe në parti. "LDK-në në të kaluarën në forma të ndryshme të këtilla e kanë braktisur shumë krijues, shumë intelektualë, shumë profesorë të UP-së, dhe në raste edhe më të vështira nuk e kam braktisur partinë. Dhe unë do të vazhdoj të jem një anëtar, aq sa di, aq sa mundem ta avancojë LDK-në", tha ai.
Daci po ashtu rikujtoi momentin kur kishte pranuar që ta udhëheqë listën e LDK-së për Prishtinë në zgjedhjet e para lokale në Kosovë. Ai tha se vazhdon të marrë me mijëra e mijëra përkrahje anembanë që të qëndrojë në LDK, ndërsa shtoi se veçanërisht pas vdekjes së Presidentit Rugova, e ndjen për obligim që të "mbetet dhe të punojë për të mirën e LDK-së".
"Unë jam i bindur se me kthimin e shumë prej njerëzve në LDK shumë të formuar, shumë profesionistë që janë jashtë LDK-së, dhe me përkrahjen absolute që e kam të rinisë së LDK-së nuk e kam asnjë arsye të mendoj për ndonjë rrugë tjetër", tha ai.
Kryesia është marrë vesh që të premten të mbahet seanca e Kuvendit, dhe se nuk do të ketë asnjë zgjatje. Seanca nuk do të mbahet më parë, pasi kërkesa për seancë për zgjedhjen e qeverisë së re nuk është plotësuar proceduralisht, pasi në adresë të kryesisë së Kuvendit nuk ka shkuar ende kërkesa e të nominuarit dhe emrat e kabinetit qeveritar, tha Daci.

[Dilaver]

Sipas mendimit tim vëndimi më i qëlluar do të ishte që Kryeparlamentari Nexhat Daci të pranojë vendimin e Kryesisë së LDK-së për shkarkimin e tij pasi që rrugdalje tjetër nuk ka, nëse vepron ndryshe mund të kompromitohet vet e të arsyetoj gabimin fatal që bëri kryesia e LDK-së me këtë shkarkim.
Nëse nuk e pranon ketë vendim sa më parë, e nëse vazhdon të sillët si një njeri të cilin e ka dehur pushteti, atëherë edhe përplasjet dhe përqarjet mbrenda partisë që do të pasojnë, patjetër se do të adresohen në atë ”bagazhin e gabimeve”.
Nëse është e vertetë se do të mbetet në LDK ajo do të ishte zgjidhja më e mirë, por sa më parë të pranojë ketë vendim skandaloz.
Unë mendoj se për momentin Kosova nuk ka kuader më të shquar, më të përgaditur politkisht e profesionalisht për postin të cilin e drejtoi që dy mandate.


Dilaver

[Arb]

Pajtohem me ate qe tha Dilaveri.

Pa marr parasysh sa skandaloz eshte vendimi i Kryesise se LDK-se per shkarkimin e tij, ai duhet te pranoj ate vendim.

Ne vend se te paralajmeroj "hakmarrjen" ndaj personave te caktuar ne rradhet e LDK-se, ai se pari le pranoj ate vendim, dhe me detyre tjeter te luftoj ata qe sipas tij po bejne perpjekje per te marr ne dore LDK-ne.

[GURI SYLAJ]

Ndaj plotesisht mendimin me Dilin dhe Arbin.
Akademik Nexhat Daci duhet qe me vepr dhe me angazhim edhe me te madh brenda Ldk, duke rrespektu vendimin e Kryesise , te tregoj se ishte ky nje vendim i qelluar , i ngutshem apo ndoshta krejt dicka tjeter.Cdo levizje tjeter do e largonte na rruga ne te cilen ,pa dyshim , ka kontribuar shume.

[MemphiSx]

Flitet se Kryesia e LDK-se ka pas presione,nga jashte por edhe nga mbrenda qe NEXHAT DACI te shkarkohet nga Funksioni qe e ka momentalisht.
Shumica e Degeve te LDK-se ne Kosove nuk pajtohen me menyren e shkarkimit te z.Nexhat Dacit nga posti i Kryeparlamentarit,edhe pse e mbeshtesin Kryesin Qendrore te LDK-se.
Te shpresojm qe Nexhat Daci ti kthehet LDK-se plotesisht,dhe deri ne zgjedhjet mbrenda LDK-se qe do te mbahen ne fund te Qershorit,ai te deshmoj me shum e deshiron shtetin se sa pushtetin.
Nexhat Daci eshte njeriu i 2 ne LDK pas Ibrahim Rugoves,dhe duhet qe ne keto momente ta ket edhe perkrahjen e antarve te LDK-se.

[Kalt]

Ne pamje te pare, shkarkimi i Nexhat Dacit, ngjan me nje akt te njeanshem dhe disi te cuditshem politik.
Mirepo shikuar me ne thellesi, shkarkimi i tij eshte hap i duhur ne rrugen drejt reformimit te LDK-se e bashke me te te gjithe skenes politike kosovare.
Mungesa e forces levizese brenda LDK-se, e cila do te bente te mundur modernizimin e saj, i shtyu faktoret nderkombetare qe te nxitin drejtuesit politike, te bejne levizje te detyruara.
Klasa e vjeter politike duhet pershendetur per te gjithe aktivitetin politik qe nga fillimi i viteve '90 e deri ne ditet e sotme.
Mirepo cdo kohe duhet te kete njerezit e vet dhe per kete vete klasa e vjeter politike duhet t'ju hape rrugen njerezve te rinj me ide te reja dhe pa komplekse nga e kaluara.
Eshte koha e fundit, qe krahas me afrimin e zgjidhjes perfundimtare te Kosoves, te behet dhe clirimi i politikes nga emrat e "medhenj" te saj dhe dhenjes fund njehere e mire te shikimit te politikaneve si "idhuj", pavaresisht se kushe e se cfare kane bere ata.
Ne fund te fundit ata kane bere vetem detyren!
Kosova e re, kerkon trurin, dinamizmin, frymen moderne te njerezve te rinj, qe jane shkolluar dhe shkollohen pa komplekeset e te qenurit qytetar te dores se dyte.
Cdo kundervenje ndaj proceseve emancipuese politike do te ishte nje perpjekje e deshtuar!

Daci me shoke ne LDK-ne e ne partite e tjera ti kthehen punes dhe profesionit te tyre!

Kosova duhet te ndryshoje mentalitetin e berjes se politikes e kjo arrihet vetem me nje klase te re politike!

[Artisti]

Ne pamje te pare, shkarkimi i Nexhat Dacit, ngjan me nje akt te njeanshem dhe disi te cuditshem politik.
Mirepo shikuar me ne thellesi, shkarkimi i tij eshte hap i duhur ne rrugen drejt reformimit te LDK-se e bashke me te te gjithe skenes politike kosovare.
Mungesa e forces levizese brenda LDK-se, e cila do te bente te mundur modernizimin e saj, i shtyu faktoret nderkombetare qe te nxitin drejtuesit politike, te bejne levizje te detyruara.
Klasa e vjeter politike duhet pershendetur per te gjithe aktivitetin politik qe nga fillimi i viteve '90 e deri ne ditet e sotme.
Mirepo cdo kohe duhet te kete njerezit e vet dhe per kete vete klasa e vjeter politike duhet t'ju hape rrugen njerezve te rinj me ide te reja dhe pa komplekse nga e kaluara.
Eshte koha e fundit, qe krahas me afrimin e zgjidhjes perfundimtare te Kosoves, te behet dhe clirimi i politikes nga emrat e "medhenj" te saj dhe dhenjes fund njehere e mire te shikimit te politikaneve si "idhuj", pavaresisht se kushe e se cfare kane bere ata.
Ne fund te fundit ata kane bere vetem detyren!
Kosova e re, kerkon trurin, dinamizmin, frymen moderne te njerezve te rinj, qe jane shkolluar dhe shkollohen pa komplekeset e te qenurit qytetar te dores se dyte.
Cdo kundervenje ndaj proceseve emancipuese politike do te ishte nje perpjekje e deshtuar!

Daci me shoke ne LDK-ne e ne partite e tjera ti kthehen punes dhe profesionit te tyre!

Kosova duhet te ndryshoje mentalitetin e berjes se politikes e kjo arrihet vetem me nje klase te re politike!



Te lumte,i nderuari Kalt.

.