Vdes aktori i madh Faruk Begolli

[Dilaver]

Vdes aktori i madh Faruk Begolli [/URL] [URL="http://www.kohavision.net/web/koha/index2.php?option=com_content&task=emailform&id=4190&itemid=40"] (http://www.kohavision.net/web/koha/index2.php?option=com_content&task=view&id=4190&pop=1&page=0&Itemid=40) e enjte . 23 gusht 2007 http://www.kohavision.net/web/koha/images/stories/faruk%20begolli.jpgKa vdekur sot në moshën 63-vjeçare ikona e teatrit dhe e filmit kosovar, aktori i madh, Faruk Begolli. Ai ishte i lindur në Pejë më 1944, kurse studioi Akademinë e Filmit dhe Teatrit në Beograd, ku diplomoi në vitin 1966. I ndjeri ka punuar si pedagog i lëndës së Aktrimit në Fakultetin e Arteve në Prishtinë për shumë vjet. Së fundi ka punuar aktivisht me studentët e tij në Teatrin Dodona, ku ka realizuar shfaqjet "Tregimi Zoologjik", "Heronjtë e kombit", "Iluzionet e dashurisë", si dhe ka bërë regjinë për tetë pjesët e komedisë më të popullarizuar në vend "Profesor jam talent se jo mahi". Begolli do të mbahet mend edhe për paraqitjet e jashtëzakonshme në filmat: "Kur pranvera vonohet", "Era e lisi", "Proka", apo edhe në filmat e ri, si "Dashuria e Bjeshkëve të Nemuna" dhe "Etjet e Kosovës". Pak kohë më parë, kolegët e tij të profesionit dhe studentët i kishin botuar atij autobiografinë, që hidhte në pah karrierën e tij të jashtëzakonshme si aktor e regjisor. Ka kohë që Begolli po vuante nga një sëmundje e rëndë. Me dëshirën e tij të fundit, aktori Begolli është varrosur sot në një ceremoni private. Ministri i Kulturës, Astrit Haraçia, ka dërguar një telegram ngushëllimi, në të cilin thuhet se ka ikur njeriu, por nuk ka vdekur aktori Faruk Begolli.

[Peja-Boy]

Nje nder Aktoret me te Popullarizuar Shqipetar, Ne Amerik e ne shume vende tjera Boterore....


Ngushllime Familjarve te tij ....!

[DEA]

Ngushllime........................................ .....................

[rilinda]

Veprimtaria e tij:


Teater

* Profesor... jam talent... se jo mahi -seri 5 pjesëshe; dramatizimin
* Kur kishe mujtë me m’pa, qysh më kishe pa - dramatizimin, skenografin dhe kostumografin
* Iluzionet e dashurisë - dramatizimin
* Këngëtarja tullace
* Dashuritë e Xhorxh Uashingtonit
* Mbytma burrin
* Maturantët - dramatizimi
* Martesa
* Stjuardesat
* Mbreti Ibish
* Hajnat nuk vijnë gjithmonë për të keq
* Ti, vetëm ti” dramatizimi
* Të lumët na për këtë liri
* N’dorë e ka deputeti

Kinematografi

* Dashuria e Bjeshkëve të Nemuna
* Kur pranvera vonohet
* Të Ngujuarit

[jadore]

...erdhi , jetoj dhe shkoj .......nje nder boemet me origjinal te popullit shqiptare...te tjereve ju la veprat dhe vete i jetoj ato .... mendoj qe ja arriti qellimit ,per ate qe jetoj .... dheu i qofte i lehte ..!!

[lyra2]

Ngushllime,ka qene nje nder aktoret me te medhenj.....

[Kavaleri]

Jeta esht e pa kuptimt.
Mburrem me veprat e tij.
Qoft i leht dheu i tij.

[Tomori]

gjithasht edhe nga une shum ngushllime per vdekjen e aktorit te madhe me permasa boterore Faruk Begollin se ka qen ambasadori i vertet i kosoves!

[SANTANA-29]

Ngushllime;
Me rastin e vdekjes se akorit te madh Faruk begolli,
Ne historin e teatrit te filmit kosovar,emri i Faruk begollit nuk do te harrohet kurr,
I qofte lehte dheu i Kosoves!;;

[Arkza]

Ngushllime per Aktorin me te madhe dhe me te Famshum.............:mad:

[valiii]

Ngushimet e sinqerta familjes se Begit ... Zoti e Meshirofte

[aLbaChiCk]

Ngushllime per familjen e te ndjerit

[rilinda]

Presidenti Sejdiu ngushëlloi familjen Begolli

Presidenti i Kosovës, dr. Fatmir Sejdiu, i dërgoi një telegram ngushëllimi familjes Begolli, e cila humbi më të dashurin e saj, aktorin e shquar Faruk Begolli. Në telegramin e Presidentit Sejdiu thuhet:

"E nderuar familje Begolli,

Pranoni ngushëllimet e mia më të sinqerta për ndarjen nga jeta të bashkëfamiljarit tuaj, regjisorit e aktorit të madh të Kosovës, Faruk Begolli. Ai ishte një ndër artistët më të kompletuar që i dha aq shumë skenës dhe publikut kosovar.

Lajmin për vdekjen e tij e pritëm me pikëllim të thellë, por jemi të sigurt që virtytet e tij të një artisti dhe njeriu të madh, që ishin shembull, do të vazhdojnë të jetojnë te të gjithë qytetarët e Kosovës."



Telegram ngushëllimi i ministrit Haraqija

"Ka ikur njeriu, por nuk ka vdekur aktori Faruk Begolli...

E nderuara familje Begolli!
Të nderuar artistë, miq të aktorit të madh Faruk Begollit!

Lajmi për vdekjen e aktorit të madh kosovar, Faruk Begolli, më ka pikëlluar thellë mua dhe gjithë stafin e Ministrisë së Kulturës. Vdekja e hershme e aktorit të madh Faruk Begolli ka pikëlluar edhe gjithë njerëzit e artit e të kulturës shqiptare të cilët e kanë njohur personalitetin e Faruk Begollit apo e kanë parë në skenë e në ekran aktorin Faruk Begolli.

Me rastin e vdekjeve të tilla të mëdha në radhë të parë vdes njeriu, ik prej nesh një emër i veçantë. Edhe me rastin e vdekjes së Faruk Begollit ka ikur një njeri, por nuk ka vdekur aktori Faruk Begolli.

Në skenën e teatrit nuk do të luajë më aktori Faruk Begolli! Por në historinë e teatrit e të filmit kosovar, emri i Faruk Begollit do të shkruhet me shkronja të mëdha!

I qoftë i lehtë dheu i Kosovës!

Astrit HARAQIJA
Ministër i MKRSÇJ-së"