Një film për intervenimin ‘amerikano-britanik’ në Kosovë [Arkivi]

Dilaver

31-05-10, 22:04

http://www.botasot.info/def.php?gjuha=0&category=15&id=63661

Në film jepen bisedat autentike që bëhen pas masakrës së Recakut, kur të tmerruar nga skenat e vrasjes së dhjetëra shqiptarëve të pafajshëm, zonja e parë, Hillary Clinton i thotë Presidentit amerikan se duhej të veprohej.Clinton i telefonon Kryeministrit Blair dhe të dy, Blair në Londër dhe Clinton në Washington shikojnë skenat nga masakra, ndërsa Presidenti amerikan paralajmron se do të t’i thotë NATO-së të bëhet gati për sulm.
Menjëherë, Blair i telefon Ministrit të Mbrojtjes dhe tabloja tjetër filmike paraqet fluturimet dhe fillimet e bomradimeve nga NATO-ja.

Në film, kemi dy etapa zhvillimesh tek këta liderë, që me vendimet dhe veprimet e tyre, gjithsesi, shënuan fillimin e lirisë së Kosovës.
Ndërsa, në fazën e parë të luftës, nga fundi i vitit 98-të Clinton ishte ai që fliste për nevojën e ndërhyrjes ushtarake dhe rreshtimin e vendeve evropiane prapa një sulmi eventual, Blair më vonë qe ai që mbajti moralin e vazhdimit të bombardimeve si dhe ngriti opcionin e ndërhyrjes me trupa tokësore po që se do të dështonin bombardimet nga ajri.
Blair vjen në Shtëpinë e Bardhë dhe kërkon nga Clinton të zgjedhë midis dy opcionesh, ndërhyrjen me 80 mijë trupa tokësore në Kosovë që të dëbohen forcat serbe, apo invadimin e Serbisë me 200 mijë ushtarë dhe përmbysjen e regjimit të Millosheviqit.
“Ne nuk do të lejojmë gjenocidin. Kjo është një betejë midis të mirës dhe të keqes, midis civilizimit dhe barbarizmit. Kjo është një përgjegjësi e jona e krishter për mbrojtje të njerëzimit”, i thotë Blair Clintonit gjatë vizitës në Shtëpinë e Bardhë.
“NATO nuk do të pranojë dërgimin e trupave tokësore. Edhe unë jam kundër trupave tokësore,” i përgjigjet Clinton. “Suksesi është opcioni ynë i vetëm dhe Millosheviçi duhet të mundet.
Ne po hyjmë në një epokë të re të përgjegjësisë ndërkombëtare për të drejtat e njeriut,” tha Tony Blair në një fjalim para amerikanëve në Chicago që është vendimtare në analet e bombardimeve të NATO-së dhe të luftës së Kosovës në ruajtjen e moralit të të gjithë atyre që dyshonin në fitoren e Aleancës perëndimore.
Gazetat amerikane e komentuan këtë fjalim si një diçka, nga e cila Clinton mund të mësonte lidhur me vendosmërinë. Sondazhet e nxirrnin pas këtij fjalimi Tony Blair-in si burrëshshtetasin më të popullarizuar në botë.
Clinton nuk ishte i lumtur me këtë fjalim, sepse, ndjenjte sikur në oborrin e tij po e mësonte se çfarë duhej të bënte një i huaj. Vetëm pas këtij fjalimi, Clinton doli me deklaratën se SHBA po i shqyrtonin të gjitha mundësitë e sulmeve të mëtejme ushtarake, përfshirë edhe trupart tokësore.
Rolet në këtë film i luajnë Denis Quaid si Bill Clinton dhe Michael Sheen si Tony Blair, një film që u vlerësua si ‘provokativ’ dhe që në mënyrë mjeshtërore rikrijon historinë e fundit të nëntëdhejtave të shekullit të kaluar dhe ndikimin që mund të kenë ‘lidhjet e veçanta’.