Adoleshenca: A duhet të turpërohemi për ndonjë të "bame"

[panta_rhei]

Këtu vazhdimisht çuditna prej faktit se qysh na jemi në gjendje të diskutojmë detajisht dhe nga shumë këndvështrime pa e dijtë kurrë as pa ra dakord për çka po diskutojmë. Kjo po që është zotësi.

Nejse, për të mos thënë se ia futa kot krejt çka po du me shkru, (fillimisht) po e përmendi që, mua po m’duket që kjo teme provokon diskutimin për familjen, dashurinë, tradhëtinë, orientimet seksuale, devijimet, krizën morale të shoqërisë , kulturën tradicionale që po e rrehin egërsisht valët e kulturës globale…,
…kjo temë lidhet edhe me pornografinë që e sulmon mendjen e të riut dhe jo vetëm, … nonstop, nga të gjitha anët dhe masmediumet… etj. (Temë e gjerë, ku patjetër për me shkru shkurt duhet me mendu gjatë, et vice versa )

Në parantezë, do të përmend, poashtu, një fjalë të vjetër shqiptare, që vjen nga një trevë me shumë kulturë: “Nuse mori nuse, qaty ku i hape këmbët, qaty të rafshin dhëmbët”.
Besoj se lehtë ia hamendësoni domethënien. Pra, kemi të bëjmë me një kulturë që kultivon(te) meshkuj “mono-vaginalë”, si dhe femra respektive. Që, në esencë, është ok.
Është OK, deri në pikën ku nuk përmendet që, në këtë shoqëri, seksi ishte absolutisht tabu. Nuk flitet për seks. Pikë.

Ne, vijmë nga kjo shoqëri, dhe jemi pjesë e kësaj shoqërie. Ose, ok, kemi qenë.
…vijmë nga një shoqeri ku femra ofshante sikur të isha djalë, dhe tash jemi në një shoqëri ku femra vjen edhe ta lypë!?
Ne, vijme nga nje shoqeri ku dashuria quhej kurvni nëse nuk perfundonte me martesë (kjo sipas moralit, sepse e dijmë që realiteti ishte ma i shlirshëm), edhe kemi mbrri në një shoqëri ku prostitucioni shikohet si mjet (e herë si formë) jetese!?
Ne, vijmë nga një shoqeri ku seksi ishte tabu, e sot n’midis Kushtetutës e kemi nenin për martesat homoseksuale, në emër të lirisë seksuale.

Eh tash... te liria seksuale:
Trupi im është personal dhe prone e imja, kështuqë bëj me të çfarë të dua. Pikë.
(Dikund në këto dokumentat/konventat e të drejtave dhe lirive të njeriut gjendet e sanksionuar edhe kjo fjali). Edhe bash këtu fillon paradoksi i promovimit të demokracisë dhe të drejtave dhe lirive të njeriut. Sepse, sipas tradicionalistave, religjioneve, moralistave kjo ia hap udhën shthurjes morale, blasfemisë, degjenerimit të njeriut, tuj pasë parasysh homoseksualizmin edhe liritë seksuale.

(Kjo tema për lirinë seksuale, edhe ashtu, nuk ka kurrë kufi. Por gati që postulati më i përafërt i saj është se: E vetmja liri absolute seksuale në botë është masturbimi. Krejt praktikat e tjera janë të ndikuara nga prezenca e dikujt tjetër ose diçkaje tjetër. Nejse).

Kjo çështja e zhveshjes. Nuk është çështje e injorancës. Jo. Shumë më tepër është çështje e një kulture shumë të mbyllur, konservatore, patriarkale, të kontrolluar e të ideologjizuar.

Pjesë e kësaj kulture është edhe ajo “zhveshja me sy” që ia bëjmë ne meshkujt shqiptarë femrës që kalon rrugës. Le të vishet sa të don ajo.

Po, qe, hajde problemi qenka te injoranca dhe paedukata e femrave tona që zhvishen(!?).

Një shoqëri me femra injorante, patjetër është e prodhuar nga meshkujt injorantë.
Mos me pas qenë e pranuar nga shoqëria zhveshja, qysh po kujtoni që do të mund të praktikohej kaq haptas!? (Në do fise afrikane, meshkujt renditen edhe kërcejnë për me ju ra në sy kandidateve për çiftëzim. Është element kulturor, është ritual, pjesë e të cilit thjeshtë është edhe femra).

Gjithsesi e tëra është pjesë e një keqkuptimi të madh. E një deformimi të madh të lirisë së jetës seksuale, ku raportet a marrëdhëniet janë këto “sëmundjet e qytetërimit” që po përhapen si kolera. (E merr cari për grue, e frynë, e ban nji fëmi edhe ta çon ta përplasë te shpija e prindve. Sepse... ku plaket jeta veç me nji femër!?)

Anë tjetër e keqkuptimit dhe deformimit të lirisë e demokracisë është edhe komercializimi i seksit.

Sot çika të reja shkojne me burra të martum, për pare, për pak komfor, për nji telefon, për nji parfum ma të shtrenjtë, për dy a tri cingla-mingla ma shumë mbi trup ... (mbi trupin me të cilin jane te lira të bëjnë çka t‘dojnë!) ...

...e djemtë, meshkujt njizet vjeçar rrijnë si taramana e si trullana në internet, sepse pa nji kuletë si të bossit shkon dam. Dikur silleshin e rrinin përreth rrugëve të mahallës tuj qëru fara t’luldillit, edhe gjujshin me sy e ngapak me fjalë, por sot nuk munden as t‘i shohin femrat (sepse gjuajtjen ato e bëjne moteleve)... edhe s’ju mbetet kurrgjo tjetër veç me e shfrytëzu qat lirinë absolute seksuale që e përmenda ma nalt.

nejse...

to be continued