Pyet dhe përgjigju!

[Murgesha]

Pse linda?

Gjatë fëmijërisë as që më vinte në mendje një pyetje e tillë. Isha në këtë botë vetëm e vetëm si e si të gjeja lojën më të përshtatshme për të argëtuar veten, vetëm që të bëja çapkanllëqet më të mira që ti bëja të tjerët të qeshnin.

Nuk e di kur për herë të parë më ka ardhë në mend kjo pyetje, besoj që ka qenë në vitet e adoloshencës, për mua në atë kohë mendoj të ketë ardhë përgjigjja se kam lindur si fryt i dashurisë së prindëve të mij (pak e pasigurtë mbase, se deri në një kohë më kishin bindur se më kishin gjetur në lug të mullirit, së paku ashtu më kishin thënë, dhe kogja ja u kisha zili të tjerëve që kishin marr përgjigjen të ishin gjetur diku në lule )

Tash mendoj që kam lind për të arrit të jem vetvetja, të jem vajza, motra e dashura, gruaja, nëna, shoqja e dikujt. Mendoj se kam lindë edhe për të ndihmuar të tjerët (falë aftësive të mia, kam marrë shumë falënderime në jetën time për ndihmë të çfarëdo lloji) kam lind ta bëj të lumtur, nervoz të hidhëruar të ja lumturoj apo nxij jetën dikujt tjetër.
Jam në paqe me veten nga kjo pyetje (nuk mendoj më pse kam lindur) sepse mendoj që çdo ditë e më tepër jam e bindur se po e kryej misonin tim pse kam lindur!