Çdo të premte në protestë?

[Zero Cool]

'Bashkohu' nuk i bashkon për xhuma


Nuk ka falje në rrugë, as thirrje “Allahu ekber”, “Takbir” dhe “Jashtë majmunat nga Parlamenti” afër Kuvendit të Kosovës, në kërkim të lejimit të bartjes së shamisë në shkolla e institucione dhe futjes së mësim-besimit në arsimin parauniversitar.





09 shtator 2011
Muslimanë e rreshtuar me lëvizjen Bashkohu do të pushojnë këtë të premte. Arsyeja sipas Fuad Ramiqit është për shkak të interpretimit të tri kërkesave të besimtarëve islamë si politike nga ana e institucioneve dhe partive politike në vend.

“Nuk do të ketë protestë, sepse i kemi përcjellë zhvillimet e fundit dhe reagimet që kanë ndodhur në skenën politike dhe institucionale dhe ne këtë do ta shfrytëzojmë këtë javë për disa takime e konsulta edhe me Bashkësinë Islame të Kosovës”, ka thënë Ramiqi për Kohën Ditore. “Ne do të përgatitemi dhe do t’i sqarojmë disa gjëra që ne nuk do të lejojmë të politizohemi në asnjë mënyrë”.

Ramiqi është shprehur se fakti që në këtë javë nuk do të ketë protestë nuk domethënë që nuk do të ketë gjatë javës së ardhshme, nëse nuk punohet asgjë në drejtim të realizimit të tri kërkesave. “Ne nuk tërhiqemi nga kërkesat tona, nuk ka shans”, ka qenë kategorik ai.