Barcelona

[LaCoStA]

Bota përkulet para Zotit të Futbollit


L'Eqipe për Messin

E gjithë bota përkulet para tij. Jo vetëm tifozët e Barcelonës e Argjentinës. Pa dallim, njerëzimi i është përkulur sërish madhështisë së papërsëritshme të futollistit më të madh që ka njohur bota, Leo Messi. Është i pari dhe i vetmi lojtar që ka mundur të shënojë 5 gola në një ndeshje të Champions League në gjithë historinë e saj.

Portali Indeksonline ua sjell titujt e mediave më të mëdha botërore për performancën e argjentinasit.

E nisim me gazetat katalunase që natyrisht janë më entuziastet. Sport mban titullin “Take këtë Pesëshe” dhe shkruan: “Nuk është futbollist. Është jashtëtokësor. Leo Messi kurrë nuk lë pa shkëlqyer, dhe sado që provoni ta përshkruani nuk gjeni dot fjalë. Shumë pak herë është parë në histori që të shënojë një lojtar 5 gola në një ndeshje. Vetëm një gjeni sikur ai mund të bëjë dicka të tillë. “Pesëshja” e tij Bayerit, dhe dy të tjera nga Tello e dërgojnë Barcelonën në cerek-finale të Ligës së Kampionëve.



Gazeta tjetër katalunase Mundo Deportivo mban titullin “7-1: Mamma Mia, cfarë Messi!, duke shpjeguar se kjo është hera e parë që Messi shënon 5 gola në një ndeshje me fanellën e Barcelonës.




Gazeta madrilène AS shkruajn thjesht !!!Messi!!! duke pohuar se argjentinasi mbërrin në totalin e 12 golave këtë edicion të Ligës së Kampionëve.





Edhe gazetja lidere e Madridit Marca lavdëron argjentinasin nën titullin “Një Messi i Guinnessit”, duke thënë se ai nuk lodhet duke thyer rekorde të reja.





Gjermania natyrisht vajton humbjen e Bayerit, por ia njeh meritat Messit. “Zoti i Futbollit – Messi. 5 golat e tij e bëjnë Leverkusenin qesharak”, komenton Bild.




Gazeta sportive Kicker mban titullin “Show i Lionel Messi shndërrohet në ankth nate”, dhe pohon se pas fitores së parë, Barcelona ia mbajti një ligjëratë Bayerit.





Në Angli, Mirror mbanë titullin “Barcelona 7-1 Bayer: Messi me 5 yje në një tjetër planet”





Në Francë, titulli i L’Equipe është “Messi stratosferik”, për të vazhduar: “Në Spanjë distanca me Realin është 10 pikë, por Barcelona merr frymë në Ligën e Kampionëve duke u kënaqur me Leverkusenin për të vazhduar tutje. Krejt kjo falë një Messi historik, autor i pesë golave”.




Tek italianët, Corriere Dello Sport raporton se si u bë i pari lojtar me 5 gola në CHL, kurse titulli i artikullit është :”Chamipons, Messi historik – 5 gola për një ndeshje”.




Në vendlindjen e tij në Argjentinë, gazeta sportive Ole mban titullin si të Sport “Take me këtë 5-she”, por në vazhdim i thurr vargje lavdie. ‘Edhe një herë histori. Edhe njëherë krejt bota flet për Lionel Messi. Sepse argjentinasi dha tjetër dëshmi se pse është zgjedhur më i mirë i botës. Si të shpjegohet dimesioni i gjithë asaj që po arrin, me vetëm 24 vjet? Mbase është mirë të nisim me numra…Rekordet që po i arrin, dhe ato që është afër t’i arrijë, na ndihmojnë ta kuptojmë pak madhështinë e këtij gjiganti të vogël”.




Jehonë lajmi merr edhe në SHBA, ku kanali më i madh sportiv ESPN raporton për “High Five në Evropë”, duke ofruar edhe statistika për rekordet e Messit.




E në Turqi, portali sportiv Fotomac thotë se luftëtari i palodhshëm Messi shënoi 5 për të poshtëruar Bayerin me rezultat 7 me 1.