Virgjiniteti !

[Zero Cool]

Dokumentari i fundit i Elvira Dones, “Virgjëreshat e betuara”, shfaq se si në një pjesë të botës, gjenerata grash kanë përdorur edhe virgjërinë e tyre për të fituar pushtetin në një shoqëri që u jepte atyre shumë pak. Shqipëria ka një traditë të lashtë, ku gratë janë lejuar të jetojnë dhe të trajtohen si burra në qoftë se ato kryenin “betimin e virgjërisë të përjetshme”. Dokumentari i Dones fikson historitë e disa prej këtyre virgjëreshave. Me sa duket, tradita ka filluar në shekullin e pesëmbëdhjetë, me qëllim që t’i mundësonte një gruaje kujdesin për familjen e saj, nëse patriarku vdiste. Ndërsa gratë, historikisht kanë pasur pak të drejta në veri të Shqipërisë, virgjëreshave të betuara iu lejuan të njëjtat të drejta që kishin burrat.

Në fakt, një virgjëreshë e betuar, “shërbeu si sekretare lokale e Partisë Komuniste, në pozicionim më të lartë zyrtar në rajonin e saj. Ajo ishte në krye të së gjithë burrave, dhe edhe pse ata e dinin realitetin e anatomisë së saj, autoriteti i saj ishte i padiskutueshëm.” Duke bërë betimin e përjetshëm për ruajtjen e virgjërisë, për më tepër, këto gra ishin në gjendje që të merrnin jetën e tyre në dorë dhe merrnin pushtet që nuk u jepej në përgjithësi grave.

Teksa ne mund të supozojmë se ky autoritet vinte falë një çmimi shumë të lartë, përderisa këto gra duhet të hiqnin dorë nga mundësitë e tyre për të kryer seks e nga fëmijët dhe, në njëfarë kuptimi, ato mohonin feminilitetin e tyre, Dones, gjeti “një ndjesi bukurie të tejskajshme në [historitë e këtyre grave ]. Ato nuk janë të hidhura. Ato i bartin historitë e tyre me kaq dinjitet. . . Ato janë aq të qeta me rolin e tyre.” Këto gra janë sigurisht një përjashtim, dhe ashtu si Dones zbulon, numri i virgjëreshave të betuara është në rënie meqenëse gratë kanë fituar më shumë të drejta në Shqipëri, por fakti që për më shumë se gjashtë shekuj virgjëreshat e betuara kanë pushtetin e tyre përmes beqarisë së tyre tregon se beqaria mund të jetë më radikale se ç’e imagjinonim ne në përgjithësi.

Titulli: Singled Out: Why Celibacy Must Be Reinvented in Today's Church
Autori: Christine Colón, Bonnie Field
Botues: Brazos Press, 2009