Per ju qe shkruani bukur gjuhen shqipe

[Albanam]

Gjuha shqipe, sikur edhe çdo gjuhë tjetër, ka rregullat e veta të shqiptimit dhe drejtshkrimit. Dhe gjithsesi që secili nuk ka mundësi t'ju përmbahet atyre qindpërqind. Ka të tillë që madje studjojnë katër vite të plota gjuhën dhe letërsinë shqipe, por akoma në tekstet e tyre mund të hasësh në gabime.
Andaj për mua është deri diku normale kur këtu te Forumi Dardania shohim e lexojmë postime që disa herë na bëjnë të qeshim. Së paku kjo mund t'u falet bashkëbiseduesve tanë që postojnë nga Perëndimi apo Lindja, e të cilët, sipas të gjitha gjasave, nuk janë të paktë. Pak më vështirë e kanë të arsyetohen postuesit nga trojet shqiptare...
Andaj, mendoj se të gjithë ne, forumistët e Dardanisë, duhet të shfrytëzojmë këto diskutime edhe për përfitim në lëminë e drejtshkrimit të gjuhës shqipe. Kam vërejtur se disa forumistë kanë bërë një lëvizje pozitive në këtë drejtim për këtë kohë sa janë këtu.
Mua më brengos më tepër fakti se disa postues bëjnë gabime nga nxitimi kur shkruajnë ndonjë tekst dhe nuk e lexojnë edhe njëherë atë që kanë shkruar para se ta postojnë. Kjo mangësi mund të eliminohet me pak më tepër syqeltësi dhe mosngutje.
Shpresoj në mirëkuptimin tuaj.

Me respekt,
Albanam