Poezi nga Shefki Rudari

[shefkiu]

QËNDRO


qëndro zemër
e mos pëlcit
mbaj lotë
e mos qajë
bëhu e fortë
folë këlthit
e brohorit
mos pusho
natë as ditë
kurr mos ik
qëndro si qëndrohet
lufto si luftohet
dashuro si dashurohet
mos aktro
por mëso edhe të urresh
ata që të urrejn



PAS VDEKJES

Pas vdekjes gjitha fosilet e mia
do t`i gjeni në vargjet e poezisë sime
që djegin e sherojnë,
që vrasin e dashurojnë
që rriten e gjakojnë
që gjakojn e përherë luftojnë
po lajmëtarët kah shkojnë



Pas vdekjes arkeologët
e këngës sime
të vargut tim
do të konstatojnë
dikur ka jetuar një qenie
që quhej njeri
e shkruante poezi




nga përmbledhja me poezi

Shefki Rudari