Të tjerët për Dr. Rugovën.

[doGzona]

LDK thekson përkushtimin e palëkundshëm për vazhdimin e rrugës së së Presidentit historik të Kosovës

Prishtinë, 21 janar - Kryesia e LDK-së ka lëshuar një komunikatë me rastin e vdekjes së Presidentit Rugova, i cili deri në vitin e klauar ka qenë në në krye të kësaj partie. Në komunikatë thuhet:
"Sot në mesditë ndërroi jetë Dr.Ibrahim Rugova, President i Kosovës, themeluesi dhe Kryetari i LDK së , prijësi dhe simboli i lirisë, pavarësisë dhe demokracisë së Kosovës.
Me këtë rast familjes së Presidentit Rugova, që pati privilegjin që Kosovës dhe popullit të saj t'ia japë vizionarin, luftëtarin e vendosur për lirinë, pavarësinë dhe demokracinë e Kosovës, i shprehim ngushëllimet më të thella për humbjen e Zotit të Shtëpisë. Kryesia e LDK së, duke shprehur nderimin dhe respektin e thellë për simbolin e lirisë e të pavarësisë së Kosovës, shpreh ngushëllimet më të thella gjithë popullit të Kosovës, institucioneve demokratike, simpatizantëve dhe anëtarësisë së gjerë të LDK së brenda dhe jashtë vendit, dhe të gjthë atyretë cilët gjithmonë ishin përcjellës dhe mbështetës të palëkundshëm të vizionit, të veprës dhe të punës së Presidentit Rugova për lirinë, pavarësinë dhe demokracinë e Kosovës.
Lidhja Demokratike e Kosovës në këto momente të rënda të dhembjes thekson përkushtimin e saj të palëkundshëm për vazhdimin e rrugës së trasuar nga Prijësi dhe Presidenti historik i Kosovës nërealizimin e plotë të pavarësisë dhe të shtetit demokratik të Kosovës", thuhet në fund të komunikatës.
Edhe Forumi i Gruas i LDK ka lëshuar një komunikatë në të cilën thuhet kjo organizatë dhe anëtarësia e gjërë e saj mori me pikëllim të madh vdekjen e hershme të presidentit të Kosovës dr. Ibrahim Rugova.
Në kuadër të kësaj FG i LDK, Dega Gjakovë ndan dhembjen e thellë me familjen Rugova, qytetarët e Kosovës dhe mbarë anëtarësinë e Forumit të Gruas.