A është fjalë shqipe.......

[Eleon]

Dekaden e fundit komunikimi nuk bëhet vetëm me shkrim, madje më shpesh bëhet me gojë, me anë të internetit, apo mediave te ndryshme elektronike. Kështu del krejt normale që standardi empirik të ndryshojë sadopak nga standardi preskriptiv, sepse ka ndryshim notor midis gjuhës së shkruar dhe gjuhës së folur. Merret vesh që ato janë forma të lidhura midis tyre, marrin e i japin njëra tjetrës.

Faktori kryesor është përparimi i jashtëzakonshëm teknologjik, sidomos ai i teknologjisë së informacionit a mikroelektronikës (televizioni satelitor, telefonia celulare, inetrneti, dixhitali etj), por edhe masivizimi i arsimit, shndërrimi i anglishtes në një gjuhë ndërkombëtare etj.,
Konstatojmë se këto vitet e fundit ka një mani të madhe që të përdoren sa më shumë fjalë të huaja, të gjuhëve e kombeve të ndryshme, ka pasur raste që autorë të ndryshëm në shkrimet e tyre 3-4 faqesh të kenë mbi 50 fjalë të tilla; ku me të vërtetë nuk kupton dot në se autori mendon se rrit cilësinë e shkrimit apo ka harruar fjalët shqipe.


Në breza të mëhershëm ky ndryshim mund të shihej nga afër. Ka pasur njerëz nga ata që dinin shkrim-lexim arabisht, të cilët në leksikun e tyre të zakonshëm kishin fjalë si: beledije, rixha, kadi, efendi, asker, askeri, që pak më vonë nen sundimin serb kishin qenë të detyruar të mësonin një tjetër regjistër për të tilla fjalë, si opshtinë, sudi, mollbë, zhallbë, uverenje, knizhicë, potvërdë, etj. (komunë, gjyqtar, lutje, ankesë, dëftesë, librezë, vërtetim), e që kishin arritur që në atë regjistër të përdornin fjalë përkatëse shqipe.

Kohëve te fundit po bëhën mjaft dorëshkrime me gabime gjuhësore a thjesht gramatikore, siç ka dhe mjaft përkthyes që ndonëse njohin disa gjuhë të huaja nuk dinë t’i shprehin në shqip qoftë nga ana semantike apo dhe sintaksore, të cilat patjetër kërkojnë redaktim të plotë.

Andaj kjo që ndodhë nuk është një problem që prek vetëm gjuhën shqipe, por ka ndikuar edhe në shumë gjuhë tjera të botes.

Realiteti dhëmb, por sheron.