Poezi nga poete te medhenj!

[Era1]

RUDYORD KIPLING

Ne mundsh

Në mundsh të ruash arsyen,kur bota humbet fillin
E fajin ty ta hedh-dhe vetes t'i besosh
Sa herë tek ti dyshojnë e s'të përfillin,
Por dhe gjykimet drejt t'i gjykosh.
Në mundsh të rrish në pritje,nga pritja pa u lodhur,
A kur t'urrejnë,urrejtje mos t'ushqesh,
madje ndaj shpifjeve të rrish pa folur,
Me thejshtësi me to pa rënë ndesh...

Në mundsh të mendosh,por jo si rob ëndërrimesh
Dhe t'i trajtosh njëlloj e pa dallim,
ngadhnjim e shpartallim-burim mashtrimesh...
Në durofsh dot që thëniet e tua të drejta
Në kurthe për trutharët,kopukët t'i kthejnë.
T'i shohësh të thyera gjërat më të shtrenjta
E prapë t'i ndërtosh me vegla që nuk vlejnë.

Në mundsh fitoret që ke korrur t'i flijosh,
Si në kumar,në një të vetme lojë.
Të rrezikosh,të humbësh e prapë t'ja fillosh
dhe humbjen kurrë të mos e zësh në gojë.
Në i detyrofsh dot muskul,nerva,puls e zemër
Të të shërbejnë edhe kur gjithshka duket e kotë
E të qëndrosh edhe kur s'ke asgjë përveç vullnetit
Që veç një fjalë-Qëndro-gjithnje të thotë...

Në mundsh të flasësh me maskarenj,por nderin tënd ta ruash,
a t'ecësh përkrah mbretit,pa krenari që të verbon...
Në se armiku apo miku s'të bëjnë dot të vuash
dhe gjithkënd e çmon,veç sa meriton...
Në mundsh t'i mbushësh ti minutat më të rënda
me vepra që peshojnë-
...........................Dije dhe mos kij asnjë dyshim
E jotja do jetë Bota me çka brenda
dhe NJERI do jesh,o biri im!

[Era1]

Sergej Esenin


LETER NENES

Gjallë je, nënoke? Edhe unë
Gjallë jam. Shëndet më paç, shëndet!
Dritë e bëftë krejt kjo mbrëmje e lume
Izbën tënde, që me mall më pret.

Thonë se je ligur e je tretur
Nga meraku im, po nuk ankon,
Se, pështjellë me një shall të vjetër,
Fillikate rrugës shpesh kalon.

Dhe kur mugëtirë e kaltër bie,
Një vegim i zi të kall ty frikë,
sikur në një sherr diku në pije,
Vjen dikush e ma këput me thikë.

Kot, e dashur, vuan kaq, besomë,
Brenga t’i fanit këto ndër sy.
S’jam aq pijanec i lig sa ç’thonë,
Si do vdes pa të të parë ty?

Unë jam po foshnje, si një herë,
Dhe një shpresë veç ushqej në gji:
T’iki nga ky tym e kjo poterë,
Te shtëpiza jonë aty të vij.

Dhe do vij, kur kopshti ynë i bardhë
Anekënd të vishet me blerim.
Vetëm ti, si tetë vjet më parë,
Mos më zgjo aq herët në agim.

Mos e zgjo atë që shkrumb iu bënë
Endërrat e moshës plot hare.
Më ka vrarë jeta mjaft, o nënë,
Dua veç të shlodhem e të fle.

As t’i lutem Zotit mos më thuaj,
Si dikur në t’artën mituri,
Ti ke mbetur ngushëllim për mua,
Dritë e parrëfyer, vetëm ti.

Ndaj merak ti mos m’u bëj aq tepër,
Tek e liga mendjen mos e ço,
Dhe aq shpesh, me shallin tënd të vjetër,
Fillikate rrugën mos kalo.

[Era1]

Paul Eluard


Ndoshta askush ne bote s'me njeh me mire se ti.

Brenda syve te tu me ze gjumi
se bashku me ty.
Ata me dhane driten njerezore
qe nata te dridhet nga smira.

Brenda syve te tu udhetojme
Ata i cliruan levizjet e rrugeve
nga forca terheqese e tokes.

Kush deshiron te gjeje ne syte e tu
vetmine tone te pafund
ate vetmia e mund.

Ndoshta askush ne bote
s'te njeh me mire se une....

[Era1]

Alfonsina Storni


DY FJALE

Këtë natë në vesh, më the dy fjalë
të zakonshme. Dy fjalë të lodhura
nga e thëna. Fjalë
që nga të vjetra janë të reja.

Dy fjalë kaq të ëmbla, saqë hëna që kalonte
duke depërtuar nëpër degë
u prangos në gojën time. Kaq të ëmbla dy fjalët
saqë një milingonë më kalon në qafë dhe nuk tentoj
të lëviz për ta hequr.

Kaq të ëmbla dy fjalët
saqë them padashur-Oh, sa e bukur,jeta!-
Kaq të ëmbla dhe kaq të buta
saqë vajra aromatik mbi trup më derdhen.

Kaq të ëmbla dhe kaq të bukura
saqë nervozohen, gishtat e mi,
lëvizin drejt qiellit duke imituar gërshërët.
Oh, gishtat e mi dëshirojnë


Perkthyer dhe pershtatur nga spanjishtja nga Era

[arton bala]

Woow Era1, nivel i mrekullueshem i perkthimit. Sidomos poezia "leter nenes" eshte pershtatur sikur te ishte origjinalja apo sikur ta kishte shkruar nje poet vendor.

Pune te mbare edhe me tutje!!

[Era1]

Postimi origjinal është bërë nga arton bala

Woow Era1, nivel i mrekullueshem i perkthimit. Sidomos poezia "leter nenes" eshte pershtatur sikur te ishte origjinalja apo sikur ta kishte shkruar nje poet vendor.

Pune te mbare edhe me tutje!!

Te falenderoj Arton per kohen e kushtuar ne kete teme.Vetem se dua te te them qe nuk e kam perkthyer une "Leter nenes". Une kam perkthyer Alfonsina Stornin dhe poezite qe jane tek tema me perkthime te miat nga spanjishtja.

Me shume respekt per ty Era.

[arton bala]

Postimi origjinal është bërë nga Era1

Te falenderoj Arton per kohen e kushtuar ne kete teme.Vetem se dua te te them qe nuk e kam perkthyer une "Leter nenes". Une kam perkthyer Alfonsina Stornin dhe poezite qe jane tek tema me perkthime te miat nga spanjishtja.

Me shume respekt per ty Era.

Sidoqofte, punimet tua me larte me pelqejne shume. Isha gezu nese kjo teme behet 100-faqeshe. Mua personalisht ma ke iniciju deshiren per perkthime, ndoshta e shoqeroj nje dite ndonje perkthim timin.. ;-)

Nderime