Maqedoni: PPD bashkohet me PDSH, arrijnë fitore

[Gloss]

Partia për Prosperitet Demokratik ka njoftuar të hënën pasdite bashkimin me Partinë Demokratike Shqiptare, që bashkërisht arrijnë një fitore bindëse në zgjedhje.Kryetari i PPD-së, Abdullah Vejseli deklaroi se lideri i PDSH-së, Menduh Thaçi në bisedimet me kryeministrin e ri mund të shfrytëzojë edhe votat e PPD-së.

“PPD ka fituar 13 mijë vota dhe bashkë me 106 mijë votat e PDSH-së bëhen 120 mijë vota, kundrejt 106 mijë votave të BDI-së”, ka pohuar Vejseli, duke shtuar se shkrirja e strukturave të dy partive në një do të bëhet së shpejti.

Ndërkohë, kryetari i PDSH-së, Menduh Thaçi, pasi ka uruar Vejselin për fitoren e një mandati, ka theksuar se PDSH është fituese pasi ka arritur plot 120 mijë vota.

Ai ka shtuar se pas mbylljes së zgjedhjeve ka pasur një bisedë informate me kreun e VMRO-DPMNE, Nikolla Gruevski. /Top-Channel/