shkarkohet zv. ministri Naser Osmani, deutet i LDK

[Alkimisti_ch]

Sipas burimeve të RTK-së, kryeministri Hashim Thaçi ka vendosur ta shkarkojë zëvendës ministrin e Industrisë dhe Tregtisë Naser Osmani, për shkak të sjelljeve joparlamentare, për shkak të kërcënimeve dhe për shkak të fyerjes së Qeverisë. Ky vendim pason ngjarjet pas fyerjeve që ndodhën në seancën e sotme të Kuvendit.

Gjithçka ndodhi pasi ministri i Transportit Fatmir Limaj mori fjalën në emër të qeverisë, ndërkaq kjo u pasua me reagimet e deputetit nga LDK-ja Naser Osmani.

Kryetari i Kuvendit ndërpreu përkohësisht seancën. Debati po zhvillohej për heqjen nga rendi i ditës të të emërimit të anëtarëve të Organit Shqyrtues të Prokurimit, kërkesë kjo e grupit parlamentarë të LDK-së.

Një pjesë e seancës së Kuvendit të Kosovës degjeneroi në fyerje dhe ofendime ndërmjet Ministrit të Transportit, Fatmir Limaj dhe deputetit nga radhët e LDK-së Naser Osmani, i cili reagoi pasi Limaj në mungesë të zv.kryeministrit mori fjalën në emër të qeverisë.

Mirepo komunikimi jo i zakonshëm ndërmjet deputetit Osmani dhe ministrit Limaj vazhdoi duke e detyruar kryetarin e Kuvendit të Kosovës Jakup Krasniqi të ndërpresë punimet e seancës.

Ishte kërkesa për heqjen nga rendi i ditës të emërimit të anëtarëve të Organit Shqyrtues të Prokurimit që ngjalli këtë debat. Kërkesa u bë nga grupi parlamentarë i Lidhjes Demokratike të Kosovës ndërkaq u përkrah edhe nga partitë opozitare.

Votimi pritet të bëhet pas vazhdimit të seancës.

Kuvendi me shumicë votash hoqi nga rendi i ditës edhe dy pika tjera, Shqyrtimin e Raportit vjetor të punës së Radio Televizionit të Kosovës për vitin 2007 si dhe Shqyrtimin e Raportit të punës së Komisionit të Pavarur për Media për vitin 2007.

Kuvendi ka vazhduar punimet.
marre nga Rtk-ja

p.s pata rastin me percjell edhe vete e jam habit per fjalorin e tyre prej rrugaçi po citoj: Fatmir Limaj i thoshte atij "tash e shohim kur te dalim jashte...." taman si femijet ngucakeq...Oh zot ne dore te kujt e ke lan fatin e atij populli te mjeruar...
Kjo tregon se jemi duke ber hapat e pare ne demokraci....