Fatkeqësi/aksident shqiptar!

[e-uritura]

Aktualitet
Himarë, bie autobusi me studentë nga Elbasani, 11 viktima
Kryeministri njoftohet për aksidentin: Çdo gjë për të shpëtuar jetët
21 maj 2012 19:33


Një autobus me rreth 33 studente nga Elbasani ka rënë nga rreth 100 metra lartësi në vendin e quajtur Qafa e Vishës 1 km në veri të Himarës. Autobusi me studente vajza të Gjuhë Letërsisë së Universitetit “Aleksandër Xhuvani” është nisur para tre ditësh në Sarandë për një ekspeditë mësimore. Sipas të dhënave më të fundit konfirmohen 11 viktima, ndërsa mësohet se janë nxjerrë rreth 22 të plagosur. Ndërkohë që është konfirmuar se ka vdekur edhe drejtuesi i mjetit Pëllumb Çela.
Në vendngjarje u mobilizuan autoambulanca të Vlorës dhe të Sarandës, forca të zjarrfikëseve, forcat speciale RENEA, dhe dhe helikopterë të ministrisë së Brendshme, të Ministrisë së Mbrojtjes dhe të Ministrisë së Shëndetësisë për t’u vajtur në ndihmë personave të dëmtuar.

Sipas drejtorit të spitalit të Vlorës, Shkëlqim Selami nga ky spital janë dërguar 7 ambulanca, ndërkohë që nga drejtori i Spitalit të Sarandës Arben Vogli mësohet deri tani janë nisur drejt vendngjarjes 5 autoambulanca në ndihmë të tyre nga ky qytet.
Policia e Vlorës, drejtori i Qarkut dhe prefekti i Vlorës ndodhen në vendngjarje, ndërsa ky i fundit ka bërë apel që të evitohet qarkullimi në këtë zonë që të mos pengohen shërbimet dhe forcat policore në vendngjarje.
Sipas dëshmitarëve autobusi është shkatërruar plotësisht, ndërsa nxjerrja e personave është bërë me dorë për shkak të terrenit të vështirë.
Po ashtu mësohet se disa prej të plagosurve janë nisur drejt Spitalit Ushtarak në Tiranë, ku ishin të pranishëm përveç mjekëve edhe ministri i Shëndetësisë Vasili dhe Kryeparlamentarja Topalli, të cilët u nisën në vendngjarje me një nga helikopterët që transportoi të plagosurit.
Ndërkaq të plagosurit në Spitalin Ushtarak janë vizituar edhe nga kreu i opozitës Edi Rama, ndërsa 8 prej tyre i janë nënshtruar kontrollit në Spitalin Ushtarak.
Kryemisnitrin Sali Berisha i njoftuar për ngjarjen u ka bërë apel autoriteteve përgjegjëse të bëjnë çdo gjë për të shpëtuar jetët, ndërsa u ka shprehur ngushëllime familjeve të viktimave. Ai e ka shpallur 22 majin ditë zie kombëtare.


Për më shumë;

http://abcnews.al/lajme/aktualitet/2/18767