Lajme nga bota Islame

[Psikologu]

http://www.koha.net/repository/images/f1_28bik1380352283.jpg

Prishtinë, 28 shtator - Sindikata e Bashkësisë Islame e Republikës së Kosovës, me një kumtesë dërguar me postë elektronike konstaton se Kryesia e BIK-së së në krye me z. Tërnavën, siç thotë, pas që shkeli çdo normë dhe kriter të brendshëm, pasi dhunoi rregullin statutor- kushtetuar të BIK, më 20 shtator 2013 duke e ndryshuar atë në formën e puçizmit, këto ditë ai edhe ka shpallur zgjedhjet për kryetar të kryesisë së BIK-së, nën mbikëqyrjen e tij të drejtpërdrejtë. Lidhur me këto zgjedhje Sindikata e Bashkësisë Islame e Republikës së Kosovës, të cilën po e japim të plotë, thotë:

“Të ashtuquajturat shpallje të zgjedhjeve qendrore, të cilat po mbahen këto ditë në teren, kinse për të propozuar kandidatët për kryetar të BIK-së, nuk janë tjetër vetëm se vazhdimësi e parregullsive dhe kulminacioni i të së keqes në këtë institucion tonin dhe tuajin. Duke përdorur metodën makiaveliste, z. Tërnava shkeli dhe po shkel çdo normë njerëzore, morale dhe fetare, duke krijuar tollovi e përçarje, në mesin e punonjësve dhe të besimtarëve, vetëm e vetëm për të ruajtur privilegjet e tij dhe të stafit të tij të ngushtë.

Ndryshimi i kushtetutës-statutit të BIK-së, vetëm një javë para shpalljes së zgjedhjeve, përmes formës imponuese puçiste, si dhe përshtatjes së saj sipas tekeve të dy aktorëve kryesor ; z. Tërnavës dhe të z. Resul Rexhepit, ndryshe ky i fundit i njohur edhe me lidhjet e tij të ngushta me Slobodan Bogujevskin nga Shkupi, janë raste të pa ndodhura më herët në institucionin tonë, por edhe dëshmi e ikjes nga transparenca, nga e drejta, sinqeriteti, nga kriteret morale e njerëzore dhe bunkerizimi e ruajtja e beneficioneve të klanit të ngushtë me çdo kusht.

Pas leximit dhe analizës që kemi bërë ndryshimeve të disa neve të kushtetutës-statutit të BIK-së, ne nuk kemi vërejtur tjetër, përveç privilegjeve që stafi i ngushtë i punonjësve teknik të kryesisë së BIK-së i ka dhënë vetes, ndërsa nuk kemi gjetur asnjë ndryshim të rëndësishëm në dobi të interesit të përgjithshëm të punonjësve të BIK-së, të vendit dhe të fesë.

Edhe pse të gjitha institucionet në vendin tonë, janë duke punuar për t`u përshtatur rendeve të reja civilizuese, të drejtës, transparencës, kritereve dhe normave njerëzore dhe ligjore që i kanë hije një shoqërie bashkëkohore, stafi teknik i Kryesisë, ndryshe si shumicë që është i trashëguar nga sistemi i vjetër, po bënë përpjekjen maksimale për të vazhduar me mentalitetin e sistemit organizativ të kaluar.

Për dijeninë tuaj të nderuar dhe të respektuar qytetarë, edhe zgjedhjet lokale të vitit 2011, ishin zgjedhje të imponuara, sepse u larguan ata të cilët morën besimin e kuvendeve zgjedhore dhe në vend të tyre u emëruan njerëz të preferuar, pa asnjë kriter të qartë dhe transparent. Mbi 70 % të Këshillave të BIK-së në teren, ishin kundër politikës udhëheqëse të z. Tërnavës. Prandaj, ai dhe stafi i tij i ngushtë, me të vërejtur këtë realitet filloi largimin e anëtarëve, të cilët nuk ishin në krahë të tij, dhe më pas bëri emërimin e kryetarëve të Këshillave të BI kundër vullnetit të shumicës, me qëllim që ata të jenë të përzgjedhurit e tij me të drejtë vote për kryetar të BIK-së edhe në zgjedhjet qendrore të cilat po mbahen tani, duke u dhënë përparësi e duke i priveligjuar vetëm ata të cilët kishin votat në minimum ndaj atyre në maksimum. Si rezultat i kësaj padrejtësie, shumë Këshilla të BI-së janë të paralizuar e të destabilizuar në masë të madhe, kurse në disa prej tyre është ushtruar edhe dhunë fizike në mesin e punonjëse, pikërisht për shkak të këtyre imponimeve nga z. Tërnava, e që nuk mbahet mend të kenë ndodhur në historinë e BIK-së.

Pse z.Tërnava me stafin e tij të ngushtë teknik po i frikësohet ndryshimeve administrative të BIK-së dhe transparencës së saj !?

Sepse, ai dhe stafi i tij i ngushtë teknik në kryesinë e BIK-së e dinë mirë se me ndryshimin administrativ si dhe me aprovimin e rregulloreve të mbrendshme dhe me aplikimin e një rendi dhe rregulli humbin privilegjet e panumërta personale të tyre rreth 30 vjeçare, që i kishin deri sot, sepse do të krijohej një klimë dhe një qasje krejt e re organizative në këtë institucion të rëndësishëm.

Shkurtimisht shkëpusim këtë siç vijon:

1. Zgjedhjet në nivel lokal dhe qendrore nuk do të mbaheshin në të ardhmen pa rregullore dhe kritere të mirëfillta.

2. Gjithë punonjësit në institucionet dhe organet e BI-së nuk do të punon më pa përshkrime të qarta të vendeve të punës.

3. Mjetet materiale nuk do të përdoreshin siç janë përdorur deri më sot, pa rregullore mbi financat.

4. Menaxhimi i parave të kryesisë së BIK-së si pagesat, hyrjet dhe daljet nuk do bëheshin edhe më tutje, vetëm përmes kryetarit të kryesisë dhe arkëtarit të saj, pa një sy të tretë mes tyre.

5. Nuk do të mbetej më në fuqi komision mbi therjen e kurbaneve, i cili është i njëjti aktiv tani e 13 vite me radhë, i pandryshueshëm, e që menaxhon deri në 1.000.000 Euro vit, me paratë e kurbaneve.

6. Nuk do të ketë më shtypje të dëftesave dhe letrave me vlerë në BIK-së si; dëftesat e kurbaneve, dëftesat e vitrave, si dhe dëftesa të tjera zyrtare e administrative, pa pjesëmarrjen edhe të paktën 3 anëtarëve tjerë dëshmitar, e jo siç ka ndodhur deri më tani që kjo i është besuar vetëm një personi.

7. Tenderët , dhjetëra, qindra e miliona euro , nuk do të jepeshin askujt, pa kaluar përmes një zyre të prokurimit, e cila do të themelohej brenda këtij institucioni në të ardhmen.

8. Në BIK-së, nuk do të vendosej sipas tekeve dhe inateve të dikujt, por sipas rendit të mirëfilltë , transparencës administrative dhe ligjore, e cili do të mbikëqyrej nga juristët profesional të diplomuar, e jo vetëm nga një person i vetëm laik në jurisprudencën administrative siç është edhe sot ef. Resul Rexhepi!.

9. Në institucionet e BI-së nuk do të kishte imponime e as diskriminime, por do të zbatoheshin kriteret të barabarta për të gjithë .

10. Pasuria vakëfnore do të menaxhohej ashtu siç i ka hije institucionit tonë, e jo që ajo të shitet, siç edhe është shitur deri më tani për rroga e koncesione të ulëta, ose të nëpërkëmbet pa kontroll dhe pa përgjegjësi.

11. Veturat zyrtare të BIK-së, nuk do të keqpërdoreshin kështu siç janë duke u keqpërdorur, pa evidentim të kilometrave dhe të destinacionit lëvizës.

12. Nuk do të mbetej më vetëm Resul Rexhepi përgjegjës për botimin e Takvimit, të mbi 20.000 kopjeve në vit , por nga stafi redaktues i gjerë i botimeve në Kryesi , e jo të ndodhë edhe më tutje siç ka ndodhur që e njëjta shtëpi botues të jetë disa vite me radhë botuese e Takvimit, me përzgjedhësin e vetëm të z. Resul Rexhepit.

13. Nuk do të ketë më punësime sipas afërsisë familjare siç ka ndodhur deri më sot në Medrese, ku mbi 7 të afërm të z.Tërnavës me në krye drejtorin, ndryshe dhëndrin e familjes së tij z. Bahri Simnicën, e të cilit i është dhuruar edhe mandati i dytë pa konkurs zyrtar.

14. Nuk do të lihet më që dekani në pension të vazhdojë punën në krye të FSI-së.

15. Nuk do të ketë përzierje në kompetencat akademike të FSI-së nga ana e Kryesisë së BI-së, siç ka ndodhur viteve të fundit.

16. Nuk do të ketë punësime pa konkurs publik, rregull e cila do të vlen për të gjithë punonjësit e organeve dhe institucioneve të BIK-së, e jo siç ka ndodhur deri më tani ku dhjetëra të tillë janë punësuar në organet tona, pa përfilljen e këtij kriteri institucional dhe ligjor.

17. Nuk do të ketë ndërhyrje në kompetencat administrative të Këshillave të BI në Luginën e Preshevës dhe Bujanovcit, por ata do të lihen të lirë që të vetorganizohen, kurse sipas dëshirës së tyre të gjejnë formën dhe mënyrën e ruajtjes së lidhjeve shpirtërore me BIK-së.

18. Do të ketë debat të hapur dhe transparent, me të gjithë ata të cilët mendojnë ndryshe në BI-së, e jo diskriminim dhe anatemim, fyerje e shantazhe, kërcënime me likuidime si dhe sulme fizike, të cilat kanë ndodhur dhe po ndodhin ndaj punonjësve të BIK-së në vitet dhe ditët e fundit.

19. Nuk do të ketë kryetar të Këshillave të BIK-së me nga tri e katër mandate dhe pa përgatitje profesionale islame.

20. Nuk do të lihet më që sekretari i Kryesisë të jetë njëkohësisht edhe sekretari i Kuvendit , si pozitë në konflikt interesi, i cili deri më sot ka qenë i tillë me qëllim të lajthitjes së këtyre dy institucioneve.

21. Nuk do të ketë më zgjedhje të shpallura, të monitoruara dhe të diktuara, vetëm nga stafi i kryesisë së BIK-së, por do të ketë komision të zgjeruar, kurse Kuvendi do të jetë ai që shpallë zgjedhjet dhe pjesë e rëndësishme e komisionit zgjedhor qendror, si instanca më e lartë legjislative dhe vendimmarrëse në kuadër të BIK-së, ashtu siç edhe ndodhë në çdo institucion të mirëfilltë.

22. Nuk do të ketë organizim të Haxhit dhe të parave të Haxhit përmes vetëm dy vetave, e as trajtim jo adekuat të haxhinjve në vendet e shenjta Meke dhe Medine, ku në një dhomë të paraparë për 5 veta futen 15 veta.

23. Nuk do të vazhdohet më me plan programe mësimore si dhe kurrikula të stërvjetëruara, pa metoda të reja didaktike dhe pedagogjike, qoftë në Medresenë e mesme Alaud-din e qoftë në FSI-së.

24. Nuk do të lejohet që të ketë edhe në vazhdim punësime të kuadrove të BIK-së me nga dy vende të punës në të njëjtën kohë, kurse shumë të tjerë të kualifikuar të sillen rrugëve për shkak të uzurpimeve të dyfishta të vendeve të punës.

25. Kujdesi ndaj imamëve dhe të ardhurave të tyre nuk do të jetë më siç është, por do të jetë i nivelizuar dhe i njëjtë në të gjithë vendin, me kritere të barabarta sipas kualifikimeve.

26. Nuk do të ketë fet-va – dekrete fetare individuale me peshë fetare në vend, në emër të BIK-së, por do të ketë fetva, të cilat nxirren nga grupi ose forumi i lartë i ekspertëve të BIK-së.

27. Nuk do të ketë më laramani në kryerjen e lutjeve fetare në institucionet e BIK-së, por do të ketë respektim të vijës institucionale të sajë në të gjithë vendin njësoj.

28. Nuk do të ketë do të ketë administratë me standarde të dyfishta në Këshillat e BIK-së, por norma dhe rregulla të unifikuar në të gjithë vendin.

Prandaj, nëse nuk do të ketë vullnet dhe dëshirë për të vër në binarë të drejtë ecurinë e BIK-së, avazi i vjetër i nëpërkëmbjes së vlerave njerëzore dhe fetare në këtë institucion, do të vazhdojë edhe në të ardhmen, kurse kriza dhe parregullsitë vetëm sa do të thellohen e bunkerizohen, e kjo, jo që do të ishte në të mirë të vet BIK-së , por as të vendit dhe kombit në përgjithësi.

Apelojmë tek të gjithë punonjësve të BIK –së, që të mos bien në grackën e këtyre parregullsive të këtij stafi të ngushtë aktual të kryesisë së BIK-së, si dhe të mos vazhdojnë të nëpërkëmbin edhe më tutje institucionin tonë shpirtëror, vetëm për t`i plotësuar apetitet e këtij grupi të ngushtë të njerëzve jo vullnet mirë”.

Kumtesa është e nënshkruar nga kryetari i Kryesisë SHSPBIRK, Idriz Bilalli.

Koha.net
Publikuar: 28.09.2013

[Zero Cool]

“Mr. Bean” konvertohet në fenë Islame



http://www.knninfo.com/repository/images/Mr_Bean.jpg



Londër, 03.10.2013

Në rrjetet sociale të huaja por edhe ato vendore qarkullon lajmi se aktori i njohur komedian, Rowan Atkinson, apo siç njihet më mire Mr.Bean, është konvertuar në fenë islame.

Sipas disa burimeve të bazuara në kontaktet e Sheikh Rashid Ghannouchi dhe lëvizjes Nahda, këta i kanë dërguar një telegram urimi Mr.Bean-it, duke e quajtur atë të qëndrueshëm në rrugën e së drejtës, dhe njëherit duke informuar se do të dërgoj një mision zyrtarë për ta përgëzuar atë.

Ky burim tregon se marrëdhënia mes Sheikh Rashid Ghannouchi dhe Mr.Bean-it ka qenë e shkëlqyer më parë në Londër.

Shkak i konvertimit të tij në fenë islame sipas këtij burimi thuhet të jetë filmi fyes ndaj profetit Muhammed, ku pas këtij filmi ai mësoi historinë e mësuesit të njerëzimit dhe e besoi thirrjen e tij.

Lajmi ende nuk është i konfirmuar, edhe pse në rrjetet sociale me të madhe është përhapur ky lajm, megjithatë ne duhet të presim dhe ta marrim me rezerva derisa lajmi të konfirmohet ose të kundërshtohet nga vet Mr. Bean ose nga njerëzit e afërt të tij. /Ora Info

[Zero Cool]

Madonna po e mëson Kuranin



Pop superylli amerikan, Madonna, është duke e studiuar librin e shenjtë të fesë islame, Kuranin.



http://www.telegrafi.com/fo/vip/madonna-po-e-mson-kuranin_hd.jpg



Këngëtarja, e cila është një kultivuese e devotshme e judaizmit të sektit Kabbalah, momentalisht është në lidhje me Brahim Zaibat, ky i fundit një musliman i devotshëm.

Dhe, që prej lidhjes romantike me Zaibat, këngëtarja ka shprehur interes për fenë islame, duke e lexuar dhe studiuar librin e shenjtë të muslimanëve.

“Jam duke ndërtuar shkolla për vajza në vendet islame dhe po e studioj Kuranin. Mendoj se është e rëndësishme që t’i studioj të gjithë librat e shenjtë”.

“Miku im Yaman më thotë gjithmonë se një musliman i mirë, është një hebre i mirë, një hebre i mirë është edhe një i krishterë i mirë dhe kështu me radhë. Unë nuk mund të pajtohem më shumë se kaq. Për shumë njerëz, ky mendim lë shumë për të dëshiruar”, ka deklaruar Madonna për Harper’s Bazaar.

Krijuesja e hitit Material Girl ishte ritur si katolike, por tash e 17 vjet është një hebraike e devotshme.

[Zero Cool]

A. Saudite: Femrat e sfidojnë ndalesën për të mos vozitur



Riad, 26.10.2013

Disa femra të Arabisë Saudite kanë protestuar kundër ndalesës për t’i ngarë automobilat, duke dalur në rrugë me vetura dhe duke postuar fotografi kundër ndalesës në rrjetet sociale në Internet.

Aktivistet kanë publikuar disa video në You Tube, gjatë ditës së sotme, derisa po e udhëheqin një protestë në Internet, që shpresojnë se do të zgjerohet në gjithë Arabinë Saudite.

Protesta u bë megjithë vërejtjen zyrtare të premten se edhe mbështetja për protestë në Internet, mund të shërbej si arsye për arrestim.

Arabia Saudite nuk ka ligje specifike, që nuk u mundësojnë grave të jenë shofere, por qeveria nuk u jep atyre leje për vozitje, që praktikisht do të thotë se ka ndalesë, transmeton REL.

Kjo masë është mbështetur nga klerikët e lartë, që kanë thënë se nëse u jepet liçenca, atëherë kjo dukuri do të zgjerohej.

Shumica e femrave që u grahnin makinave gjatë protestës së sotme i kanë marrë lejet për vozitje derisa kanë jetuar jashtë Arabisë Saudite.

[Zero Cool]

Ndalimi i librit të Malalës ka shkaktuar mospajtime



http://www.indeksonline.net/foto.php?foto=/lajmet/04C03749-E523-44A0-9F6A-67686C951E8E_w308_r1_cx14_cy8_cw85.jpg&pozita=foto_lajm




Një zyrtar, që i përfaqëson afro 10 mijë shkolla private në provincën pakistaneze Khyber, e ka distancuar asociacionin e tij nga përpjekjet për ndalimin e librit të aktivistes së arsimit të vajzave, Malala Yousafzai.

Shefi i Asociacionit të Shkollave Private në provincën Kbyber, Aqeel Razaq, tha se organiozata e tij asnjëherë nuk ka diskutuar për këtë çështje.

Më herët, agjencitë e lajmeve kanë raportuar se dy asociacione të tjera të shkollave private kishin kërkuar ndalimin e librit me titull “Unë jam Malala”, për shkak se, siç kishin thënë udhëheqës të këtyre asociacione, është me përmbajtje antiislamike dhe antipakistaneze.

Malala ishte plagosur seriozisht nga e shtëna me armë nga ana e talibanëve në vitin 2012.

Disa shkolla private dhe analistë konservatorë kanë shprehur dyshime se Malala po promovohet nga fuqitë perëndimore për interesat e tyre.

[Zero Cool]

Pesë vite burg për shkak të fyerjeve ndaj Profetit Muhamed në Twitter



Kuvajt Siti, 20.11.2013



Përdoruesi i rrjetit social twitter nga Kuvajti, Musab Shamsah është dënuar me pesë vite burg për shkak të fyerjeve ndaj Profetit Muhamed, njoftoi sot aktivisti nga Kuvajti për të drejtat e njeriut, Naval a Hendel.

Shamsah është burgosur, për shkak se i përmend pasardhësit e Profetit Muhamed, dhe mund të shihet si mbështetje ndaj besimit shiit, shkruan AP.

Kuvajt të cilën shumica e përbëjnë Sunitët është njëra nga shtetet më rigoroze në Gjirin Persik kur bëhet fjalë për postimet në rrjete sociale të cilat përmbajnë mesazhe fyese, shkruan Agjencia Amerikane.

[Zero Cool]

Jam egjiptiane, mbaj shami dhe këndoj rep



Quhet Mayam Mahmoud, është 18 vjeç dhe është këngëtarja e parë rep egjiptiane e cila mban shami në kokë.

Zbulimi i saj u bë gjatë Arab’s Got Talent, talent show i lançuar dy vite më parë, i cili zbuloi talentin e saj.

Mayam nuk bën muzikë rep për arsye politike, si shumë bashkëmoshatarë të saj, si

Karem Adel dhe MC Amin, por për tu rrëfyer.

“Nisa kur isha 10 vjeç, isha në shkollën fillore, nisa të këndoja me ritëm të përshpejtuar poezitë që shkruaja. Vetëm së fundmi kam mësuar se quhej rep dhe nisa ta dëgjoja. Zbulova kështu se shumica janë djem dhe këndojnë kundër gjërave që nuk funksionojnë. Por nuk është e drejtë”, shprehet 18 vjeçarja për BBC.

Kështu që ajo rrëfehet se është egjiptiane, mban shami dhe këndon rep, edhe pse shumëkush mund ta shikoj shtrembër, nuk i bëhet vonë.

Me këngët e saj ajo synon të tregojë anën tjetër të medaljes, vajzat dhe problemet e tyre.




cWKjfeDGvwM

[Zero Cool]

Numri i myslimanëve në Kinë ka kaluar 100 milionë



Pekin, 10.12.2013

Numri i myslimanëve në Kinë në njëzet vitet e fundit është rritur dyfish . Rezulton se në Kinë, ekonominë e dytë të botës, feja e cila rritet më shpejt është Islami.

Numri i tyre në Kinë ka kaluar 100 milionë.

Interesimi për Islamin në vendin më të populluar në botë çdo ditë po rritet. Në Kinë e cila ka një popullsi prej 1 miliard e 400 mijë, sipas të dhënave zyrtare, ekzistojnë 45 mijë xhami. Nga 56 grupe etnike të ndryshme, 14 prej tyre e përbëjnë myslimanët.

Përkundër bindjes që njihet tek ne, shumicën e popullatës myslimane në Kinë, nuk e përbëjnë ujgurët turq, uzbekët, dhe kazakët. 90% të popullatës myslimane në Kinë e përbëjnë Hui kinezët, një grup etnik me prejardhje kineze.

Çdo ditë 60 kinezë pranojnë islamin

Në Kinë, ku 42% e banorëve nuk janë pjesëtarë të asnjë religjioni, sipas të dhënave zyrtare, feja e cila rritet më shpejt është Islami. Të dhënat zyrtare flasin se mesatarisht rreth 60 kinez e pranojnë islamin në ditë.

Deri para 20 vjetëve në Kinë kanë jetuar 50 milion mysliman. Në vitet e fundit ky numër ka regjistruar numra rekord dhe ka kaluar 100 milionin.

[Harisi]

Konvertimi i priftit bullgar në Islam ka shkaktuar tensione

Konvertimi i priftit ortodoks në fenë islame ka shkaktuar anulimin e festimit të ditës së Ashures, e cila vite me radhë i ka bashkuar muslimanët dhe ortodoksët në Vidin të Bullgarisë

Prifti bullgar, i cili zgjodhi Islamin për fe, dëmtoi traditën e festimit të përbashkët të ditës së Ashures mes muslimanëve dhe të krishterëve ortodoksë, 200 vjet të vjetër.

Atans Mihailov i cili shkoi në të njëjtën klasë me metropolitin aktual Plovdiv Nikolain në shkollën meshtarake të Shën Ivan Rilskit në Sofje, shërbeu 20 vjet si prift në kishën e Sofjes. Mihailov, i cili kohë më parë ishte larguar nga aktivitetet kishtare, për fe të tij ka zgjedhur Islamin.

Myftiu i Sofjes, Mustafa Izbistali, më 27 nëntor, në xhaminë kryesore të Sofjes, pas namazit të ikindisë, ka bërë të ditur se Atanas Mikhailov zgjodhi Islamin për fe të tij dhe u bë musliman, duke ndërruar emrin në Abdullah.

Mihailov, i cili tani quhet Abdullah, thotë se ka kohë që e kërkon vërtetën, dhe kjo ka qenë arsye e vetme që e ka shtyrë ta pranoj Islamin.
Myftiu lajmin dhe fotografinë e priftit të konvertuar e kishte vënë në faqen zyrtare të Myftinisë, duke e titulluar “ Ish prifti ortodoks e përqafon Islamin”. O Zoti ynë, ne të lutemi që të na drejtosh në rrugën e drejtë dhe të na mbrosh nga rruga e të humburve.

Mihailov vërtetoi fjalët e myftiut, duke thënë se ai tashmë ka shkëputur të gjitha lidhjet me Kishën Ortodokse Bullgare.
Mediat bullgare kanë shkruar se prifti është dashuruar me një femër muslimane dhe për këtë arsye ai e ka ndryshuar fenë.

Për shkak të reagimeve të fuqishme rreth titullit të lajmit, në faqen e internetit është ndryshuar titulli, dhe në vend të tij janë vendosur vargjet kur’anore. Megjithatë, edhe ky gjest i Myftinisë nuk i ka qetësuar tensionet.kohaislame



http://www.kohaislame.com/encikloped...ktuar-tensione

[Zero Cool]

Qosja takohet me Imam Krasniqin



http://lajmi.net/assets/2014/01/shefqosje-660x400.jpg



Rexhep Qosja ka pritur në selinë e Institutit Albanologjik imamin e Xhamisë së Madhe në Prishtinë, Shefqet Krasniqin. Ata vlerësuan lartë punën e njëri-tjetrit.


Akademiku Rexhep Qosja ka pritur sot në një takim, në zyrën e tij në Institutin Albanologjik, Imamin e Xhamisë së Madhe në Prishtinë, Shefqet Krasniqi.

Qosja, sipas portalit krenaria.com pohohet të ketë vlerësuar lartë punën e palodhshme të Krasniqit si dhe kontributin e tij të çmueshëm për ngritjen e vlerave kombëtare e fetare të popullit tonë.

Edhe Imam Krasniqi thuhet se ka vlerësuar lartë Akademik Qosjen, siç thuhet në këtë portal, për punën e pakrahasueshme që ai ka bërë në fushën e shkencës, dijes dhe vlerave të popullit tonë.

“Në takim është biseduar për sfidat dhe pengesat në rrafshin kombëtar e fetar dhe mundësitë për tejkalimin e tyre”.

“Takimi u përmbyll me urimin që kontaktet mes tyre të jenë të vazhdueshme në frymën e bashkëpunimit pozitiv dhe në shërbim të shkencës, të vërtetës dhe të popullit”.

Imami Shefqet Krasniqi i ka dhuruar Akademik Qosjes librat e tij të botuar deri më tani.

[Guri i madh]

Siri, vajza vritet me gurë sepse përdori Facebookun



http://images.botasot.info/uploads/largea_siri-vajza-vritet1392670260.jpg
Një vajzë nga Siria, u gjuajt me gurë, deri në vdekje, pasi një grup i militantëve nga Siria e gjetën atë duke përdorur rrjetin social Facebook.
Fatoum Al-Jassem quhet vajza që u dërgua në një gjykatë të Sheriatit, pasi u kap duke përdorur faqen e internetit social, në Rakka të Sirisë.
Gjykata e Sheriatit deklaroi se duke përdorur një llogari të rrjetit Facebook, kjo shkon deri në adulteri, ndaj vajza duhet të dënohet me gurë, raporton agjencia FARS.
Anëtarët e grupit të al-Qaedas në Irak, të njohur gjithashtu si Shteti Islam i Irakut dhe Shamit (ISIS) janë të përfshirë në këtë incident.

[UniCorN]

@kafir arnaut

Shumica e ketyne fotove jane montazh. Ka ba xhiro edhe nje foto tjeter neper internet me ni gru gjysme te futun ne dhe. Montazh e kullume.

Cili gazetar koka kone i pranishem kur ka ndodh kjo ngjarje? Apo kush ka fotografu?

[Zero Cool]

Myslimanët bëjnë thirrje që të ndalohet filmi për profetin Nuh



http://www.knninfo.com/repository/images/noah-film.jpg



Deklarata thotë se ligji islamik qartë e ndalon personifikimin e figurave profetike dhe filmi është “në kundërshtim me fenë”.

Një grup myslimanësh në Egjipt i ka bërë thirrje shtetit që të ndalojë një film të “Paramount Pictures”, i cili është paralajmëruar të shfaqet në ekranin e madh më 28 mars.

Arsyeja pse ky grup pretendon ta ndalojë këtë film, është se në të do të flitet për jetën e profetit Noah, i njohur në religjionin islam si Nuhu.

Grupi “Al-Ahzar” nëpërmjet një thirrjeje publike, ka thënë se ky film duhet të ndalohet sepse karakterizon profetin e Allahut.

“Al Ahzar deklaron se shfaqja e këtij filmi duhet të ndalohet, për shkak se karakterizon profetin e Allahut dhe shokët e Profetit të fundit, Muhamed”, thuhet në këtë deklaratë.

Në të gjithashtu thuhet se ligji islamik qartë e ndalon personifikimin e figurafe fetare në film dhe kjo është në kundërshtim me fenë. Filmi në të cilin luan edhe aktori Russel Croëe, është kritikuar ashpër edhe nga organizata të tjera islamike.

Ja edhe trileri i filmit:



_OSaJE2rqxU

[Guri i madh]

http://www.zeri.info/artikulli/33531/kishte-lidhje-me-nje-burre-te-martuar-ligji-i-sheriatit-e-denon-me-rrahje-ne-publik

[Guri i madh]

https://www.google.de/url?sa=t&rct=j&q=&esrc=s&source=web&cd=1&cad=rja&uact=8&ved=0CCAQtwIwAA&url=http%3A%2F%2Fwww.youtube.com%2Fwatch%3Fv%3DA0i FWfBaMUM&ei=BxevU8zCDMm2PcG6gYAC&usg=AFQjCNGF8ljREWQ1zaO_nhh6tY7Auwd7mA&bvm=bv.69837884,d.bGE